SunnudagsMogginn - 07.08.2011, Blaðsíða 29

7. ágúst 2011 29
N
íels Thibaud Girerd, oftast nefndur Nilli, fæddist í
Caen í Normandí 12. desember 1993. Hann bjó þar
stutt en flutti til Íslands eins árs gamall með móður
sinni og settist að á æskuheimili hennar, hjá afa
sínum Jóni Níelssyni skurðlækni og Ragnheiði Brynjólfsdóttur.
„Það var gott að alast upp í skjóli þeirra. Afi dó þegar ég var
rúmlega þriggja ára en ég á góðar minningar um hann og við
vorum miklir mátar,“ segir Níels.
Níels gekk í Mýrarhúsaskóla og Valhúsaskóla og er nú á þriðja
ári í Menntaskólanum við Hamrahlíð. Hann ólst upp á Seltjarn-
arnesi til 16 ára aldurs en býr nú í Hlíðunum. „Einhver spurði
mömmu einu sinni: Er líf fyrir utan Nesið? Hvers lags spurning
er það eiginlega?“ segir Níels.
Níels æfði sund í 3-4 ár með íþróttafélaginu KR, sótti dans-
æfingar í Listdansskóla Íslands í þrjá vetur og lærði á píanó í tvo
vetur. Hann hefur mikinn áhuga á leiklist, kvikmyndum og
óperum og segir það vera sínar ær og kýr. Níels leikstýrði stutt-
mynd í sumar og fer að vinna að sinni eigin stuttmynd nú í
ágúst. Áður var hann þekktur sem Nilli á mbl.is en þar var
hann með sinn eigin þátt á netinu. „Það var gaman að vera með
þættina á mbl.is í vetur, það opnaði nýjar víddir fyrir manni og
vonandi er þetta stökkpallur eitthvað áfram,“ segir Níels, sem
vonast til þess að leggja eitthvað svipað fyrir sig í framtíðinni.
Það var sko gaman að vera með pípuna til að vera eins og afi. Níels leikur hlutverk sitt af mikilli innlifun í leiklistartíma.
Níels ásamt móður sinni, Helgu Bryndísi, í París á góðum degi.
Níels á öskudaginn árið 1995 en hann var Lína langsokkur.
Í góðra vina hópi með Ungmennaráði.
Sælir, Nilli!
Myndaalbúmið
Níels Thibaud Girerd er margt til
lista lagt en hann hefur meðal
annars verið með þætti á mbl.is og
stefnir í svipaða átt í framtíðinni.
Níels ásamt ömmu sinni við Geysi. Níels „engill“ í fermingarmyndatöku.
Sniðugur að leika í Durex-auglýsingu.
Níels var duglegur að slá garðinn með afa
sínum og fékk að halda í sláttuvélina.
Það er enginn vafi að hér er mikið kvennagull á ferð.