SunnudagsMogginn - 07.08.2011, Blaðsíða 36
Ó
peran Tosca er ein frægasta og vin-
sælasta ópera allra tíma, hún fjallar
um ástir og afbrýði og endar á
dramatískan hátt. Tónlistin þykir
vera fallega ofin heild þar sem persónum, at-
burðum og hugmyndum eru tileinkuð stef.
Verkið er sett upp af óperufélaginu Norðurópi í
samvinnu við Tónlistarfélag Reykjanesbæjar,
Sönghópinn Orfeus og Kór Keflavíkurkirkju
ásamt fleirum. Valinkunnir söngvarar fara með
aðalhlutverkin: Bylgja Dís Gunnarsdóttir, Jóhann
Friðgeir Valdimarsson, Bergþór Pálsson, Bragi
Jónsson, Magnús Guðmundsson, Rósalind Gísla-
dóttir og Kristján Þorgils Guðjónsson eru í hlut-
verkum einsöngvara ásamt Jóhanni Smára Sæv-
arssyni sem leikstýrir jafnframt verkinu.
Ópera undir berum himni
Sýningin er í þremur þáttum sem fara fram á
mismunandi stöðum. Fyrsti þáttur verður í
Keflavíkurkirkju, annar þáttur í safnaðarheimili
kirkjunnar og sá þriðji verður í garðinum þar á
milli. Áhorfendur færa sig svo á milli rýma og
taka þannig virkan þátt í sýningunni. Óperan
verður flutt á ítölsku og hljómsveitin sam-
anstendur af orgeli, píanói, flautu og slagverki.
Tónlistarstjórn er í höndum Antoníu Hevesi.
Jóhann Smári átti frumkvæðið að uppfærslunni
en hugmyndin kviknaði þegar hann var að skipu-
leggja ferna mismunandi tónleika þar sem átti að
flytja styttri útdrætti úr óperum. „Ég var staddur í
kirkjunni og var að hugsa um hvernig hægt væri að
setja þetta upp, Toscu, sem átti að vera á fyrstu
tónleikunum. Þar sem fyrsti þátturinn gerist í
kirkju, annar þátturinn heima hjá lögreglustjór-
anum og sá þriðji undir berum himni fannst mér
upplagt að nýta aðstöðuna sem er fyrir hendi og
blasti við mér til að setja verkið upp í heild sinni.
Eftir að hafa fengið að sameina styrki fyrir tónleik-
unum hafði ég samband við söngvara í því skyni að
fá þá til að syngja. Það gekk greiðlega og mikil
stemning er fyrir uppsetningunni.“
Tilraunir og smíðar
Þegar ljósmyndara bar að garði voru æfingar í full-
um gangi og smiðurinn Gunnar Valdimarsson í
óðaönn að smíða fangaklefa og stærðarinnar turn
fyrir leikmyndina. Jóhann segir mikla tilrauna-
starfsemi fylgja svona óhefðbundinni sýningu þar
sem huga þurfi vel að hljómburði og lýsingu.
„Hljómburðurinn úti í garðinum hefur komið mjög
vel út og ef veðrið verður gott ætti að verða fal-
legur roði í skýjunum um það leyti sem við erum
að ljúka þriðja þætti.“
Tosca undir
berum himni
Bak við tjöldin
Mikil eftirvænting ríkir nú á meðal þeirra fjölmörgu söngvara, hljóðfæraleikara
og annarra sem leggja hönd á plóg við að setja upp óperuna Tosca eftir Puccini í
Keflavíkurkirkju. Um áttatíu manns koma að því að setja verkið upp en sýning-
arnar, sem verða tvær, verða á föstudagskvöld og á sunndagskvöld.
Texti: Hallur Már hallurmar@mbl.is
Myndir: Kristinn Ingvarsson kring@mbl.is
Bylgja Dís og Antonia Hevesi á einni af mörgum æfingum.
Hluti hópsins sem kemur að flutningi óperunnar
Toscu í Keflavíkurkirkju.
Óþekktarormarnir hrella kirkjuvörðinn!
36 7. ágúst 2011