SunnudagsMogginn - 07.08.2011, Blaðsíða 42

42 7. ágúst 2011
F
yrir mörgum árum þurfti ég á
föstudegi að eiga viðskipti við
fyrirtæki eitt allumsvifamikið í
Reykjavík. Allt fór það vel fram
og ég fékk vöruna afgreidda af rosknum
manni sem sá vel fyrir þörfum mínum,
gjörkunnugum vörunni sem hann seldi
mér (sem var algengt í þá gömlu góðu
daga áður en afgreiðslustörf urðu íhlaupa-
vinna, gjarna unglinga). Þegar ég hafði
fengið vöruna þakkaði ég fyrir mig eins og
mér hafði verið kennt: „Kærar þakkir“.
Maðurinn svaraði mér strax með hefð-
bundnu svari, „takk sömuleiðis“, en bætti
svo við „og eigðu góða helgi“.
Þetta varð til þess að ég settist niður
með manninum og við ræddum þessi ný-
tilkomnu kveðju- og þakkarorð. Ég lýsti
þeirri skoðun minni að þau væru sérlega
illa til fundin, auk þess innflutt og fylltu
ekkert autt skarð í tungumálinu. Mað-
urinn var mér hjartanlega sammála;
kvaðst vera gamall sveitamaður og kann-
aðist ekki við slíkt orðfæri. Hann greindi
mér hins vegar frá því að á vegum fyr-
irtækisins hefði verið haldið námskeið
fyrir starfsmenn þar sem kennt var við-
mót við kúnna. Þar hefði „einhver helv …
fígúra“ fullyrt að „eigðu góða helgi“ eða
„hafðu góða helgi“ væri lykilatriði til að
viðskiptavinurinn skildi að hann væri ein-
hvers virði. Sjálfur kvaðst maðurinn finna
fyrir óbragði í hvert sinn sem þessi orð
hrytu honum af munni. Hann var greini-
lega feginn að finna í mér bandamann og
var léttur á brún er við kvöddumst. Hann
óskaði mér ekki góðrar helgar sem þó
bjargaðist vel.
Ekki þarf að orðlengja að viðbótin
„eigðu góða helgi“ eða „hafðu góða helgi“
eða styttingin „góða helgi“ fór illu heilli
sigurför um landið.
Þetta varð til þess að ég fór að hlusta
betur eftir því hvernig fólk svaraði við-
skiptavinum sem þökkuðu fyrir sig.
Nokkrum árum síðar fór ég síðla kvölds í
mikilli súkkulaðiþörf inn í sjoppu eina í
Kópavogi.
Ég bauð gott kvöld. Unglingsstúlka,
sem afgreiddi, svaraði mér ekki svo að ég
benti henni á að ég hefði boðið gott kvöld.
Stúlkan starði á mig og átti ekki orð. Ég
sótti mér súkkulaðið mitt og greiddi fyrir
og þakkaði fyrir mig. Stúlkan svaraði ekki
svo að ég endurtók þakkirnar.
Stúlkunni var greinilega órótt, var
komin með áberandi störu og ég sá að
henni stóð ekki á sama um þennan uppá-
þrengjandi viðskiptavin. Í dyrunum
staldraði ég við og bauð góða nótt.
Við þessa óvæntu atlögu mátti glöggt sjá
að stúlkan fór úr þessu litla jafnvægi sem
eftir var.
Ég fór heim og borðaði mikið súkkulaði.
Undanfarnar tvær vikur hef ég gert það
að verkefni mínu að taka sérstaklega vel
eftir orðfæri verslunarfólks sem svarar
þakklæti viðskiptavina og kveðjum. Þess-
ar eru niðurstöður könnunarinnar: Lang-
flestir svara þakklætisorðum fólks kurt-
eislega með orðunum „takk sömuleiðis“.
Allmargir hnýta hallærinu „hafðu góða
helgi“, „eigðu góða helgi“ eða „góða
helgi“ aftan við (ef helgi er í aðsigi) og það
vekur óneitanlega spurninguna af hverju
maður á að eiga eða hafa þessa fínu helgi
en lifa hina dagana af án fyrirbæna.
Kannski eru helgar þannig að ekki veitir af
að óska manni velfarnaðar. Það skal þó
tekið fram að „hafðu góðan dag“ og
„eigðu góðan dag“ kom nokkrum sinnum
við sögu í könnun minni, þannig að ein-
hverjum sýnist ekki veita af að hafa alla
daga vikunnar góða.
En ýmislegt fleira kom við sögu í rann-
sókn minni. Í lyfjaverslun einni þakkaði ég
kærlega fyrir góða þjónustu: „Kærar
þakkir“. Svar lyfjafræðingsins var „allt í
þessu fína“ sem fær mann til að velta fyrir
sér hvað er í þessu fína (í landi þar sem
eiginlega ekkert er í þessu fína, allra síst
allt). Annar afgreiðslumaður (en nú í
byggingavöruverslun) svaraði miklu
þakklæti mínu fyrir vel grundaða þjón-
ustu með orðunum „allt í góðu“ sem ég
hef enga burði til að skilja hvað merkti.
Að lokum skal getið þess sem verulega
áberandi er, þagnarinnar. Þakkarorðum
er ekki svarað. Viðskipta„vinurinn“ er
ekki til. Slíkt kann ekki góðri lukku að
stýra í nokkru fyrirtæki. Um daginn
þakkaði ég kærlega fyrir mig í kaffihúsi
einu um leið og ég greiddi fyrir vöruna.
Svarið sem ég fékk var þetta: „Sigga,
SIGGA, þetta á að fara á borð númer
fimm.“
Að heilsast
og kveðjast
’
Þar hefði „einhver
helv … fígúra“ fullyrt
að „eigðu góða helgi“
eða „hafðu góða helgi“ væri
lykilatriði til að viðskipta-
vinurinn skildi að hann
væri einhvers virði.
El
ín
Es
th
er
PEDRÓ-
KAUP
OSTUR
á tilboð
i!
MJÓLK
fyrir all
a,
konur o
g
karla
Takk
fyrir. Farðu!
Snáfaðu burt!
Góða helgi!
4.823,-
Málið
Þórður
Helgason
E
ngin íslensk upphefð tekur því
framar að vera boðið til mót-
töku til forsetans. Fundarefni
samkvæmt boðskortinu:
Hvernig nýtist Ísland okkur best á næst-
unni?
Úr fjarlægð, af hlaðinu, virði ég Bessa-
staði fyrir mér: Virkið, brjóstvörn þjóð-
arinnar lýðræðisins frelsisins hins nýja
íslenska þúsundáraríkis um leið og ég
geng inn í anddyri alls lýðveldisins bjart
hlýtt faðmandi fjallið mitt fjallið eina.
Frakkinn er klæddur af mér eins og ég sé
fyrirmenni af samlanda mínum í þjóns-
búningi, til hliðar við mig í anddyrinu sé
ég að félagarnir úr karlakórnum eru að
safnast saman. Hér eru allir sem eru eitt-
hvað saman komnir. Athafnaskáldin nýju
í svörtum naumhyggjulegum jakkafötum
ekki með bindi efstu tvær skyrtutölurnar
óhnepptar og vatnsflaska í vinstri, svo
listamennirnir safnaðarhirðirnir emb-
ættismennirnir og að síðustu stjórn-
málamennnirnir. Eins og venjulega er ég
samt of seinn því ég sé að fremstu sæta-
raðirnar inni í viðhafnarsalnum eru þeg-
ar uppteknar og það af Nýju Kynslóðinni
úr Sam- eitthvað hvað sem þessi flokkur
kallar sig núna eða er það hreyfing eða
kannski afl? Hvort sem er renna þessir
krakkar allir saman út í eitt fyrir mér
allavegana enda eru þau flest nokkurn
veginn eins alin upp öll saman í Æsku-
lýðs- eitthvað send þangað af foreldr-
unum úr Hinni Einu Sönnu Kynslóð sem
ætlaði að breyta heiminum 19sextíuogs-
úrkál en gafst upp á því meikaði það bara
ekki og flutti svo í bárujárnshús við Berg-
þórugötuna og ætlar sér að láta afkvæmin
um að klára öll góðverkin. Og afkvæmin
láta ekki að sér hæða enda eru þau öll
eins, stúlkur í mussum og drengir í kí-
naskóm alin upp innan markanna alin
upp innan marka Kvosarinnar og þaðan
fer maður jú bara til að komast með
strætó upp í MH þangað og ekki lengra
takk fyrir. Og heimurinn er Æskulýðs-
og þegar maður er orðinn of gamall til að
vera þar gengur maður sjálfkrafa upp í
Sam- hvað heitir hún aftur og svo fer
maður í prófkjör auðvitað þegar maður
er búinn að klára Háskólann sko og allir
hinir úr Æskulýðs-Sam er það félagið?
kjósa mann auðvitað og það er búið að
passa upp á allan tímann að maður hafi
sést reglulega í fjölmiðlunum alls staðar
þar sem eru hugsjónir eða mótmæli og
þess vegna nýtur maður trausts í þjóð-
félaginu og þarmeð er maður kominn inn
á Þing en þar er reyndar, því miður,
bannað að vera í mussum og kínaskóm.
Nú eru hins vegar aðrir tímar en hug-
sjóna og mótmæla nú eru allt aðrir tímar
og það vita krakkarnir enda búin að
tryggja sér öll sætin á fremstu bekkj-
unum í viðhafnarsalnum um leið og þau
reyna að ná augnsambandi við athafna-
skáldin góðu því þar liggur framtíðin
framtíð landsins þeirra ójá ójá Framtíðin
sem er svo spennandi. Þarna sitja þau öll
saman á fremstu bekkjunum börn fyrr-
verandi byltingarsinnanna með allar
hugsjónirnar sínar og foreldranna í fang-
inu vel geymdar þar af því nú eru aðrir
tímar og hugsjónirnar eiga kannski ekki
alveg við núna á okkar tímum og nú er
annað sem er meira spennandi æsandi
jafnvel það er eitthvað dýrslega sexý
segja dagblöðin við þessa athafnamenn
og ég tek eftir að sum byltingarbarnanna
eru komin hálf upp á stólana sína til að
geta veifað meira áberandi skælbrosandi
til jöfranna. Það er ekki eins víst að at-
hafnamönnunum finnist samkoman í dag
svo spennandi sé ég á þeim því þeir eru
eitthvað farnir að ókyrrast og hendurnar
á sumum þeirra kippast örlítið til eins og
ósjálfrátt skil ekki af hverju þeir þurfa nú
aldeilis ekki að vera stressaðir hér inni. Í
hópinn eru að bætast fulltrúar erlendu
þjóðríkjanna kínverjar sádar hvítrússar
og einhverjir afríkanar sem bera fátækt-
ina ekki utan á sér nema síður sé og ein
afrókonan með uppstoppaðan páfugl í
hattinum sínum sem á einhvern und-
arlegan hátt fellur vel inn í umhverfið.
Hér má einnig líta listasmiðina miklu
margfræga vel þekkta auglýsta meðal
annars þennan sem gefið hefur út allar
bækurnar með myndunum af börnum að
blæða út og þunnfljótandi hægðum ásamt
þessum líka sem skráði sögu allra hand-
rukkana sinna með öllum hnúajárns-
höggunum í smáatriðum þið munið bók-
in sem var sérlega vinsæl á
metsölulistunum fyrir síðustu jól.
Þannig eru fyrirmyndir nútímans vel
representeraðar.
   
Skyndilega byrja loftljósin í kristalsk-
rónunum að blikka þetta er að byrja þetta
er að byrja og allir hlaupa til og troðast
6. október
2008
Smásaga eftir Hlyn Níels Grímsson, krabba-
meinslækni á Landspítalanum, sem einnig lauk
M.A.-gráðu í English Language and Literature
frá Stony Brook University í New York, 1994
Lesbók