Morgunblaðið - 01.04.2010, Qupperneq 7

Stórauknar skattbyrðar
• Skattar á heimili og fyrirtæki hafa aukist umfram það sem gengið var út frá við gerð stöðugleikasáttmálans.
• Skattaleg umgjörð fyrirtækja er óhagstæðari en áður sem dregur úr fjárfestingum og atvinnusköpun.
Aðgerðaleysi í atvinnumálum
• Ítrekað hefur verið unnið gegn nýjum verkefnum á sviði orkuvinnslu og orkunýtingar.
• Skipulagi hreppa við neðri hluta Þjórsár var hafnað með fordæmalausum hætti.
• Fjármögnun stórra verkefna með þátttöku lífeyrissjóðanna hefur ekki gengið eftir.
• Andstaða er við stór verkefni til atvinnusköpunar á borð við einkarekin sjúkrahús og fleira.
Hægagangur í mörgum öðrum málum og vanefndir
• Vextir eru enn allt of háir og vaxtamunur milli Íslands og nágrannalandanna of mikill, gjaldeyrishöftin hafa
enn ekki verið afnumin og áform um afnám þeirra eru afar metnaðarlítil.
• SA harma að ríkisstjórnin skyldi ekki hafa sett umfjöllun um breytingar á stjórn fiskveiða í sáttafarveg eins
og lofað var í yfirlýsingu hennar frá 28. október 2009.
• Ríkisstjórnin skuldbatt sig til þess að lögbinda framlög og iðgjöld til Starfsendurhæfingarsjóðs fyrir árslok
2009. Það var ekki gert.
Viðbrögð SA koma ekki á óvart
Samtök atvinnulífsins hafa allt frá því í október 2009 lýst yfir miklum áhyggjum við ríkisstjórnina vegna fram-
gangs stöðugleikasáttmálans. Upplausn hans er mjög óæskileg vegna mikilvægis þess að samstaða ríki með
stjórnvöldum og aðilum vinnumarkaðarins á þessum erfiðu tímum.
Samtök atvinnulífsins (SA) komu á síðasta
ári að gerð stöðugleikasáttmála með aðild
alls vinnumarkaðarins og ríkisstjórnarinnar.
Markmið sáttmálans var að stuðla að sam-
stilltu og öflugu átaki í atvinnumálum.
Skapa átti skilyrði fyrir aukinni fjárfestingu
innlendra sem erlendra aðila, auknum hag-
vexti og leggja grunn að bættum lífskjörum
til framtíðar.
SA fylgdu sáttmálanum eftir með aðgerða-
áætlun sem nýlega var kynnt undir yfir-
skriftinni „Atvinna fyrir alla“. Ef fylgt væri
öflugri atvinnustefnu gæti kreppunni lokið á
þessu ári.
Ráðherrar telja sig hins vegar óbundna
af þeim samningum sem oddvitar ríkis-
stjórnarinnar hafa undirritað og því hefur
traustmilli SAogríkisstjórnarinnarbrostið.SA
var í raun vísað frá stöðugleikasáttmálanum.
Samtök atvinnulífsins eru heildarsamtök íslensks atvinnulífs. Aðildarfyrirtæki SA eru um tvö
þúsund talsins og eru í margs konar rekstri. Innan SA er að finna allt frá einyrkjum til stærstu
fyrirtækja landsins. Hjá félagsmönnum SA starfar um helmingur launamanna á almenna
vinnumarkaðnum á Íslandi.
Við viljum atvinnu og uppbyggingu
YFIR 15.000 ÍSLENDINGAR ERU ÁN ATVINNU – ÞVÍ VERÐUR AÐ BREYTA
ENGA KYRRSTÖÐU
Kynntu þér aðgerðaáætlun
Samtaka atvinnulífsins á
www.sa.is