Fréttablaðið - 31.10.2011, Blaðsíða 6
31. október 2011 MÁNUDAGUR6
Skaða bankarnir
samkeppni?
Er eignarhald banka á fyrirtækjum
samkeppnishamlandi?
Er eftirlit nægilega markvisst?
Opinn fundur um áhrif eignarhalds banka á fyrirtækjum í
samkeppnisrekstri.
Fundurinn verður haldinn á veitingahúsinu Nauthól,
Nauthólsvegi 106, þriðjudaginn 1. nóvember kl. 16.30
Framsögumenn:
Baldur Björnsson, framkvæmdastjóri Múrbúðarinnar
Jón Steinn Elíasson, forstjóri Toppfisks og formaður SFÚ
Páll Gunnar Pálsson, forstjóri Samkeppniseftirlitsins
Almar Guðmundsson, framkvæmdastjóri
Félags atvinnurekenda
Fundarstjóri:
Elín Björg Ragnarsdóttir, framkvæmdastjóri SFÚ
Skráning á bjarndis@atvinnurekendur.is
eða í síma 588 8910.
LÖGREGLUMÁL Þremur ungmenn-
um, sem réðust óboðin inn í
einkasamkvæmi í Mosfellsbæ
á föstudagskvöld og slógu þar
mann í höfuð með steikarpönnu
og stungu annan í háls með hnífi,
voru látin laus eftir yfirheyrslur
á laugardag.
Ekki fékkst uppgefið hjá lög-
reglu hvort þau voru undir áhrif-
um eiturlyfja en málið er nú
í höndum rannsóknardeildar
lögreglunnar. Ungmennin eru á
aldrinum 16 og 17 ára.
Hinir slösuðu voru fluttir á
slysadeild þá um nóttina þar sem
gert var að sárum þeirra. Þeir
voru útskrifaðir þaðan á laugar-
dagsmorgun.
Málsatvik voru þau að tveir pilt-
ar og ein stúlka gerðust boðflenn-
ur í einkasamkvæmi í Hulduhlíð í
Mosfellsbæ. Þegar gestir hugðust
vísa þeim á dyr sló annar pilturinn
einn gestanna með steikarpönnu í
andlitið en hinn pilturinn stakk
annan mann í hálsinn með hníf.
Gestum tókst að yfirbuga pilt-
inn með steikarpönnuna og halda
honum þar til lögreglan kom á
staðinn. Einnig náðu gestir að
afvopna piltinn með hnífinn áður
en hann og stúlkan flúðu af vett-
vangi. Þau voru handtekin stuttu
síðar í bíl og gistu þau öll fanga-
geymslur. - rat
Slógu mann með steikarpönnu í andlit og stungu annan í háls með hnífi:
Látin laus eftir yfirheyrslur
BASHAR AL-ASSAD MEÐ ASMA KONU SINNI Harkaleg viðbrögð hers og lögreglu hafa kostað um þrjú þúsund mótmælendur lífið.
NORDICPHTOS/AFP
SÝRLAND Bashar al-Assad Sýr-
landsforseti segir að Vesturlönd
taki mikla áhættu ætli þau að
skipta sér af stjórn Sýrlands, landi
þar sem mótmælendur hafa í sjö
mánuði krafist afsagnar forsetans.
„Sýrland er kjarninn í þessum
heimshluta núna. Það er jarð-
sprungan, og ef þú leikur þér
að jörðinni þá veldurðu jarð-
skjálfta,“ sagði Assad í viðtali við
breska blaðið Sunday Telegraph.
„Viljið þið sjá annað Afganistan
eða tíu Afganistan?“
Í viðtalinu segist Assad ekki
hafa trú á öðru en að mótmæl-
in séu að fjara út. Fljótlega eftir
að þau hófust í mars síðastliðn-
um hafi hann brugðist hratt við
og boðað pólitískar umbætur í
landinu. Það eigi að duga.
Þótt Assad eigi enn marga
stuðningsmenn í Sýrlandi, ekki
síst í höfuðborginni Damaskus,
hefur hins vegar ekkert lát verið
á mótmælunum. Þvert á móti
hafa þau vaxið jafnt og þétt.
Stjórnin hefur frá byrjun tekið
harkalega á mótmælendum,
óspart sigað her og lögreglu á þá
með þeim afleiðingum að um þrjú
þúsund mótmælendur hafa látist.
Ekkert bólar heldur á umbót-
unum, sem Assad hefur raun-
ar lofað allt frá því að hann tók
við völdum af föður sínum fyrir
meira en áratug.
Í viðtalinu leggur Assad
áherslu á að hann lifi ósköp
hversdagslegu lífi, spjalli við
nágrannana og fari sjálfur
með börnin sín í skólann. Hann
býr ekki í neinni höll heldur í
tiltölulega litlu húsi við ósköp
venjulega götu í höfuðborginni
Damaskus.
Breski blaðamaðurinn segir
hann vel viðræðuhæfan, geti
tekið gríni og segi sjálfur
brandara. Engir stælar eða
ofríkistilburðir.
Assad lærði augnlækningar
og bjó í tvö ár í London þar sem
hann kynntist eiginkonu sinni.
Hann hefur frá unga aldri verið
áhugasamur um tölvur og þegar
hann ber saman stjórnarhætti í
Sýrlandi við Vesturlönd, þá segir
hann það eins og að bera saman
Macintosh og PC-tölvur:
„Báðar tölvurnar gera sama
hlutinn, en þær skilja ekki hvor
aðra,“ sagði Assad í viðtalinu.
„Það þarf að túlka á milli.“
Assad bjóst aldrei við því að
fara út í stjórnmál, það var bróð-
ir hans sem átti alltaf að taka við
af föður þeirra, en það breyttist
þegar bróðirinn fórst í bílslysi.
gudsteinn@frettabladid.is
Segir afskipti hleypa
öllu í bál og brand
Assad Sýrlandsforseti í óvenjulegu viðtali við breskt blað. Segist enn trúa því að
loforð hans um umbætur dugi til að mótmælin fjari út. Líkir stjórnarháttum í
Sýrlandi og Vesturlöndum við ólík tölvukerfi, sem skilji ekki hvort annað.
LÖGREGLUMÁL Neyðarástand skapað-
ist á meðferðarheimilinu Stuðlum í
fyrrinótt þegar sex skjólstæðingar
heimilisins hugðust strjúka og ógn-
uðu starfsmönnum með bareflum.
Lögreglan var kölluð til þar sem
starfsmenn réðu ekki við ástandið.
Þrír unglingspiltar voru hand-
teknir og fengu að gista fanga-
geymslur.
Piltarnir voru fluttir aftur að
Stuðlum í gær og var starfsmönn-
um á vakt fjölgað, að sögn Böðvars
Björnssonar, deildarstjóra Neyðar-
vistunar Stuðla.
Hann segir einnig að atvikið hafi
ekki haft áhrif á aðra skjólstæðinga
meðferðarheimilisins og hlutirnir
séu komnir í samt horf. Rétt hafi
verið af starfsfólki að kalla eftir
aðstoð lögreglu á laugardagskvöld-
ið og að farið hafi verið í öllu eftir
verklagsreglum meðferðarheimilis-
ins þegar atvik eins og þetta komi
upp. Slík atvik komi upp af og til.
Lögreglan var kölluð að meðferð-
arheimilinu þegar skjólstæðingarn-
ir komust yfir lykla starfsmanns á
laugardagskvöld, tóku sundur sófa
á heimilinu og gerðu sér vopn úr
honum.
Mikið álag er jafnan á Stuðlum
og Barnaverndarstofa hefur kall-
að eftir því að opnað verði nýtt
heimili fyrir unglinga sem svara
meðferð. Bragi Guðbrandsson, for-
stjóri Barnaverndarstofu, sagði í
samtali við Vísi.is að þær aðstæð-
ur sem sköpuðust í fyrrakvöld sýni
enn fremur fram á þessa þörf.
Hann þakkar þrautþjálfuðu starfs-
fólki Stuðla fyrir að ekki fór verr.
Bragi segir að þessar aðstæður
sem komu upp séu fátíðar. Það ger-
ist að jafnaði einu sinni til tvisvar
á ári að starfsmenn Stuðla þurfi að
kalla eftir aðstoð lögreglunnar.
- rat
Þrír unglingspiltar gistu fangageymslur lögreglunnar eftir uppþot á meðferðarheimilinu Stuðlum:
Ógnuðu með bareflum og reyndu að flýja
STUÐLAR Það gerist örfáum sinnum á
ári að starfsfólk Stuðla þurfi að kalla til
lögreglu.
Sýrland er kjarninn í
þessum heimshluta
núna. Það er jarðsprungan,
og ef þú leikur þér að jörð-
inni þá veldurðu jarðskjálfta
BASHAR AL-ASSAD
SÝRLANDSFORSETI
Ert þú sammála dómi Hæsta-
réttar um að neyðarlögin skuli
halda?
JÁ 83,2%
NEI 16,8%
SPURNING DAGSINS Í DAG:
Telur þú lúpínu vera of út-
breidda á Íslandi?
Segðu þína skoðun á visir.is
KJÖRKASSINN