Fréttablaðið - 29.11.2011, Blaðsíða 8

29. nóvember 2011 ÞRIÐJUDAGUR8
1. Hvar er spáð 18 gráðu frosti á
morgun.
2. Hver er flutningsmaður
þingsályktunartillögu um bann við
kaupum útlendinga á jörðum?
3. Hvar hélt hljómsveitin Mínus
tónleika nýverið?
SVÖR:
1. Á Hvanneyri 2. Guðfríður Lilja Grétars-
dóttir 3. Í St. Pétursborg í Rússlandi
EGYPTALAND Biðraðir tóku að
myndast fyrir utan kjörstaði í
Egyptalandi snemma í gærmor-
un þegar langþráðar kosningar
hófust í landinu. Víðast hvar virt-
ist stemningin vera góð. Fólk var
ánægt með að fá að greiða atkvæði
í kosningum, sem talist geta nokk-
urn veginn frjálsar en áratugum
saman hefur litlu skipt hvernig
atkvæði féllu.
„Áður var tilgangslaust að kjósa.
Raddir okkar skiptu nákvæmlega
engu máli,“ hafði franska frétta-
stofan AFP eftir konu í Kaíró, sem
var að greiða atkvæði í fyrsta sinn
á ævinni.
Margir kjósendur þurftu reynd-
ar að bíða nokkuð lengi. Kjörstað-
ir voru ekki allir opnaðir á rétt-
um tíma, sums staðar vegna þess
að kjörseðlar voru ekki komnir á
staðinn í tæka tíð.
Á Tahrir-torgi, þar sem þús-
undir mótmælenda hafa hreiðrað
um sig, var þó ekkert fararsnið á
fólki. Enginn ætlaði að taka þátt
í þessum kosningum af andstöðu
við herforingjastjórnina, sem
þeim finnst ekki hafa staðið sig í
að koma á þeim lýðræðisumbótum
sem byltingin í byrjun árs krafðist.
Mótmælendur krefjast þess að
herforingjastjórnin afhendi völd
sín strax til borgaralegrar bráða-
birgðastjórnar, og telja að kosning-
arnar verði í raun tilgangslitlar
meðan herforingjarnir halda enn
um valdataumana.
Þetta var þó aðeins fyrsti kjör-
dagurinn í löngu kosningaferli,
sem lýkur ekki fyrr en rétt fyrir
miðjan mars. Neðri deild nýkjörins
þings kemur fyrst saman 17. mars
en efri deildin viku síðar.
Skoðanakannanir benda allar
til þess að Frelsis- og réttlætis-
flokkurinn fái flest atkvæði, varla
minna en 20 prósent, en sá flokkur
var stofnaður af Bræðralagi mús-
lima, samtökum heittrúaðra mús-
lima sem áratugum saman hafa
haft mikil áhrif í Egyptalandi
þrátt fyrir að hafa verið að miklu
leyti í ónáð stjórnvalda.
Næststærsti flokkurinn verð-
ur að öllum líkindum Wafd-flokk-
urinn, sem leggur áherslu á að
tryggja bæði markaðsfrelsi og
borgaraleg réttindi, þar á meðal
trúfrelsi og jafnrétti kynjanna.
gudsteinn@frettabladid.is
Langþráðar
kosningar
hófust í gær
Kjósendur fjölmenntu á kjörstaði í Egyptalandi í
gær og biðraðir mynduðust víða. Þetta var fyrsti
kjördagurinn í meira en þriggja mánaða löngu
kosningaferli. Mótmælendur neita að taka þátt.
FORSETAFRAMBJÓÐANDI Í BIÐRÖÐINNI Amr Moussa, einn forsetaframbjóðenda og
fyrrverandi leiðtogi Arababandalagsins, í biðröðinni fyrir utan einn kjörstaðanna.
FRÉTTABLAÐIÐ/AFP
Kosningafyrirkomulagið er harla flókið. Fyrst er kosið til neðri deildar þingsins í
þremur áföngum og síðan til efri deildarinnar, einnig í þremur áföngum. Í hverjum
áfanga er kosið í níu af 27 héruðum landsins. Hverjum áfanga er þar að auki skipt
upp í fyrri og seinni umferð, þannig að alls verður gengið tólf sinnum til kosninga
og dreifast kjördagarnir á rúma þrjá mánuði, sem hér segir:
Kosningar til neðri deildar
■ 1. áfangi (9 héruð af 27): Fyrri umferð 28.-29. nóv., seinni umferð 5.-6. des.
■ 2. áfangi (9 héruð af 27): Fyrri umferð 14.-15. des., seinni umferð 21.-22. des.
■ 3. áfangi (9 héruð af 27): Fyrri umferð 3.-4. jan., seinni umferð 10.-11. jan.
Kosningar til efri deildar
■ 1. áfangi (9 héruð af 27): Fyrri umferð 29. jan., seinni umferð 5. feb.
■ 2. áfangi (9 héruð af 27): Fyrri umferð 14. feb., seinni umferð 21. feb.
■ 3. áfangi (9 héruð af 27): Fyrri umferð 4. mars, seinni umferð 11. mars.
Flókið kosningakerfi
MENNING Fyrrverandi framkvæmdastjóri
Leikfélags Akureyrar ætlar að skoða réttar-
stöðu sína vegna þess sem hann kallar æru-
meiðandi aðdróttanir í skýrslu um ófarir
leikfélagsins.
Egill Arnar Sigurþórsson, sem gegndi
starfi framkvæmdastjóra frá ágúst 2008 til
júlíloka 2011, segir í yfirlýsingu sem send
var fjölmiðlum að ekki sé hægt að skilja
orðalag í skýrslunni öðruvísi en að þar sé
hann sakaður um fjárdrátt. Það segir hann
algera fásinnu, hann hafi greitt af eigin
reikningi til að standa skil á greiðslum fyrir
félagið.
Egill segir að hann beri ekki einn ábyrgð
á slæmri stöðu leikfélagsins. Við gerð fjár-
hagsáætlana hafi aðeins verið gert ráð fyrir
öruggum tekjum, og því hafi þurft að velja
góð leikverk til að stoppa í stórt gat. Það hafi
ekki tekist.
Þá segir Egill leikstjóra félagsins hafa
valið að fara með sýningu til Reykjavíkur og
setja upp Rocky Horror þrátt fyrir varnaðar-
orð sín og annarra hjá félaginu.
„Ég skorast ekki undan því að taka ábyrgð
á því sem mér ber í þessu sambandi en það
virðist deginum ljósara að enginn annar
þeirra sem höfðu aðkomu að málinu telur
sig þurfa að gangast við sinni ábyrgð,“ segir
Egill í yfirlýsingu sinni. - bj
Fyrrverandi framkvæmdastjóri Leikfélags Akureyrar segir ásökun um fjárdrátt fásinnu:
Telur aðdróttanir ærumeiðandi
LEIKFÉLAG Tap á rekstri Leikfélags Akureyrar á síðasta
ári nam um 67 milljónum króna. FRÉTTABLAÐIÐ/SUNNA
VÍSINDI Nýfundnir steingerving-
ar benda til þess að mannfólkið
hafi veitt djúpsjávarfiska með
færi og önglum af bátum löngu
fyrir þann tíma sem talið var að
slík veiðarfæri hafi verið þróuð.
Steingerð bein af túnfiskum
og hákörlum sem fundust í helli
á eyjunni Austur-Tímor í Kyrra-
hafi sýna að fólk gat veitt þessar
tegundir fyrir 42 þúsund árum,
samkvæmt því sem fram kemur
í vísindaritinu Science. Elstu
önglar sem fundist hafa eru um
23 þúsund ára gamlir og eru
gerðir úr skeljum.
Þróun fiskveiða er talin mikil-
væg þar sem hún gefur innsýn í
notkun fólks á bátum. - bj
Fiskabein sýna þróun veiða:
Veitt með öngli
fyrr en talið var
ORKUMÁL Orkuveita Reykjavíkur
(OR) tapaði ríflega 5,3 milljörðum
króna á fyrstu níu mánuðum árs-
ins. Það er talsverður viðsnúning-
ur frá sama tímabili í fyrra þegar
hagnaðurinn var tæplega 17 millj-
arðar króna. Þetta kemur fram í
árshlutareikningi OR sem lagður
var fram í gær.
Þrátt fyrir þetta var afkoma af
reglulegri starfsemi betri en á síð-
asta ári. Rekstrartekjur tímabils-
ins námu 24,4 milljörðum króna en
voru 19,4 milljarðar á sama tíma-
bili í fyrra. Heildareignir OR voru
291,7 milljarðar, en voru 286,5
milljarðar á sama tíma í fyrra.
Auknar tekjur og aðhald í
rekstri skýra betri afkomu, að
því er fram kemur í tilkynningu
frá Orkuveitunni. Á móti kemur
óhagstæð gengisþróun og lækkun
álverðs sem hefur haft verulega
neikvæð áhrif á stöðu félagsins.
Haldbært fé frá rekstri OR nam
14,1 milljarði króna, og hækkaði
um 4,3 milljarða króna frá fyrstu
níu mánuðum síðasta árs sam-
kvæmt árshlutareikningnum.
Í tilkynningu frá OR segir að vel
hafi gengið að ná tökum á rekstr-
inum og skera niður kostnað. Það
sé lykilatriði að fyrirtækið standi
við þá aðgerðaráætlun sem gerð
hafi verið í samstarfi við eigendur
þess í vor. Þar segir jafnframt að
þróun ytri þátta á borð við álverð
og gengi sýni að fyrirtækið sé enn
of viðkvæmt fyrir sveiflum af því
tagi. - bj
Viðsnúningur í rekstri OR frá sama tíma á síðasta ári:
Tap nú 5,3 milljarðar
VEISTU SVARIÐ?