Morgunblaðið - 17.07.2010, Side 14

14 FréttirINNLENT
MORGUNBLAÐIÐ LAUGARDAGUR 17. JÚLÍ 2010
ÚR BÆJARLÍFINU
Atli Vigfússon
Þingeyjarsýsla
Sumar er í sveitum þessa dag-
ana og mikið líf er í sýslunni. Ferða-
menn eru hvert sem litið er og um-
ferðin mjög mikil. Bændur eru að
drífa heim heyin og hver þurrk-
dagur er nýttur til hins ýtrasta. Þok-
an lónar við norðausturströndina, en
erfitt er að spá um það hvor hún fer
eða kemur og hve langt inn í landið
hún nær.
  
Skógardagur var hjá Skógrækt-
arfélagi Suður-Þingeyinga nýlega og
var skógræktin á Ytra-Fjalli í Að-
aldal skoðuð undir leiðsögn Indriða
Ketilssonar. Þar eru mörg stór og
gömul tré af ýmsum tegundum en
svæðið var friðað árið 1926. Þetta
var fróðlegur dagur og kunni fólk vel
að meta skógardaginn í elsta bænda-
skógi héraðsins.
  
Fornir fimmtudagar voru
haldnir nokkrum sinnum í sumar á
vegum hins þingeyska fornleifa-
félags og Fornleifastofnunar Ís-
lands. Um var að ræða gönguferða-
dagskrá um minjasvæði í sýslunni
og voru heimsóttir staðir þar sem
rannsóknir hafa verið í gangi. Forn-
leifafræðingar gengu með gestum,
greindu frá rannsóknum og sýndu
búsetuminjar frá landnámsöld.
Þetta tókst mjög vel og voru allir
ánægðir.
Fornleifaskóli barnanna verð-
ur með nýju sniði í sumar en í honum
verður fengist við fjölbreytt og
spennandi verkefni sem tengjast lífi
þeirra sem byggðu landið. Öll börn á
tilteknum aldri sem vilja og eru bú-
sett í Þingeyjarsveit fá að taka þátt
og fimmtudaginn 22. júlí verður boð-
ið til víkingaveislu á Litlulaugum
þar sem eldað verður að hætti land-
námsmanna.
  
Gæsir komu upp ungum sem
aldrei fyrr og hafa menn sjaldan séð
svo mikið af gæsarungum sem nú
eru farnir að koma í túnin. Nýlega
sást gæsapar hjá þjóðveginum við
Hólkot í Reykjadal með 20 unga á
eftir sér en þannig stórfjölskylda
þarf mikið að matast. Kornakrar og
nýræktir eru vinsælir áningarstaðir
þessara fugla en svo virðist sem
stofninn sé enn að stækka. Kríunni
gekk líka vel að koma upp ungum og
nýlega sást mikið af sandsíli í fjör-
unni hjá bænum Sandi í Aðaldal sem
veit á gott fyrir svanga kríuunga.
  
Kýrnar una vel hag sínum í hag-
anum og hafa farið út flesta daga því
ekki hefur verið illviðrasamt það sem
af er sumri. Útivistin gefur þeim nýja
orku sem nýtist þeim langt fram eftir
vetri og léttir þeim innistöðuna. Þá er
krydd í tilveruna þegar kálfar fæðast
í haganum og eru þeir oftast fljótir á
fót í grænu grasinu.
Morgunblaðið/Atli Vigfússon
Fyrstu skrefin Það er gott að fyrstu skrefin eru á mjúku grasinu.
Oft koma kálfar
í kúahaganum
FRÉTTASKÝRING
Helgi Bjarnason
helgi@mbl.is
Íslendingar hófu seint ferðalög um
landið í sumar, ef marka má upplýs-
ingar frá tjaldsvæðum. Umferðin
jókst eftir að Heimsmeistaramótinu
í knattspyrnu lauk og er víða orðin
svipuð og á sama tíma á síðasta
sumri. Enn virðist vera hræðsla við
að gista á tjaldsvæðum í nágrenni
Eyjafjallajökuls, jafnvel á stöðum
þar sem lítið öskufall varð og engin
aska er að fjúka nú.
„Þetta byrjaði mjög rólega í sum-
ar,“ segir Vilberg Tryggvason sem
rekur tjaldmiðstöðina á Flúðum.
Hann telur að HM í knattspyrnu og
veðrið hafi dregið úr fólki að fara af
stað. Aðsóknin hafi aukist stórlega
eftir að heimsmeistaramótinu lauk.
Vilberg er bjartsýnn á sumarið.
„Fjölskyldufeðurnir þurfa að vinna
upp þann tíma sem þeir tóku í HM,
fara með börnin eitthvað. Við erum
stutt frá Reykjavík og auðvelt að
skreppa hingað yfir helgi.“
Fólk farið af stað
Árni Sigurpálsson, hótelstjóri í
Bjarkarlundi, segir að umferðin hafi
farið seint af stað vegna HM en
margir séu á ferðinni þessa dagana
enda ýti veðrið undir það.
Góð aðsókn var að tjaldsvæði í Ás-
byrgi í júní enda voru þrjár góðviðr-
ishelgar á því svæði og Íslendingar
láta veðurspána alltaf mikið stjórna
á ferðalögum sínum. Regína Hreins-
dóttir, þjóðgarðsvörður í Skaftafelli,
segir að eftir rólega byrjun í sumar
sé umferðin í júlí að nálgast það sem
var á sama tíma í fyrra.
Þótt veðurspáin ráði miklu um það
hvert íslensku fjölskyldurnar stefna
á sumrin hefur annar áhrifavaldur
bæst við í sumar. Það er eldgosið í
Eyjafjallajökli. Fólkið streymir ekki
þangað til að sjá afleiðingar gossins
heldur virðist forðast það eins og
heitan eldinn að gista í nágrenninu.
Ördeyða er á tjaldsvæðum sem Ís-
lendingar hafa sótt mikið á, bæði
með fjölskyldur sínar á ferð eða á
ættarmót. Húsbílar og fellihýsi fara
hratt framhjá.
Hræddir um húsbílana
Þetta á til dæmis við um Fljóts-
hlíð, Eyjafjöll og Mýrdal. „Fólk spyr
mikið um öskuna, heldur að hér sé
allt á kafi. Ástandið er fínt, við feng-
um bara sýnishorn af öskunni og hún
hefur ekki hreyfst í margar vikur,“
segir Helga Ólafsdóttir hjá Ferða-
þjónustunni í Þakgili í Mýrdal.
Soffía G. Ólafsdóttir, formaður
Félags húsbílaeigenda, telur að
margir húsbílaeigendur séu ragir við
að fara mikið um öskusvæðið og
gista. Nefnir sem dæmi að lítil þátt-
taka hafi verið í ferð sem farin var í
júní í Hallgeirsey í Landeyjum. Þá
gistu fáir á Hvolsvelli í stórri hring-
ferð sem nú stendur yfir.
Soffía telur að menn séu einkum
hræddir við að fá ösku í loftsíurnar
og þar með inn í bílana. Þá séu þeir á
varðbergi vegna sólarrafhlaðanna
sem taldar eru viðkvæmar fyrir
óhreinindum.
Ferðafólkið farið af stað eftir
heimsmeistaramótið í knattspyrnu
 Innlendir ferðamenn enn hræddir við að gista á tjaldsvæðum undir Eyjafjallajökli
Morgunblaðið/Eggert
Tjaldað Skoskur ferðamaður sem tjaldaði á Hamragörðum hafði hálft tjaldsvæðið fyrir tjald sitt og hjól.
„Það var vel bókað hjá okkur fyrir gos og það hefur
staðist,“ segir Einar Jóhannsson á Hótel Önnu á
Moldnúpi undir Eyjafjöllum. Hann hefur aðra sögu
að segja af tjaldsvæðinu og farfuglaheimilinu sem
fyrirtækið rekur í Skógum. Reksturinn þar byggist á
lausaumferð og mikið hefur dregið úr henni. Áber-
andi er hversu fáir Íslendingar koma.
Erlendir ferðamenn gista mest á Moldnúpi og þeir
virðast ekki láta fréttir af eldgosi og öskufjúki hafa
eins mikið áhrif á sig og innlendu ferðamennirnir.
„Gestirnir kvarta ekki enda er hér ekki öskufjúk alla
daga eins og fólk virðist halda. Það hefur dregið
mikið úr því, sérstaklega eftir rigningarnar,“ segir Einar.
Hann hefur fengið ýmsar skrítnar fyrirspurnir, meðal annars um það
hvort fært sé að Moldnúpi. Þá halda sumir gestanna að þeir geti séð
hraun renna á þessum slóðum.
„Ástandið var vissulega slæmt á meðan fjallið gaus og flug fór úr
skorðum. En ef eldfjallið þegir vonast ég eftir ágætu ári, þótt þetta
verði aldrei sama draumaárið og í fyrra,“ segir Einar.
Útlendingarnir skila sér á hótelið
52%
Íslendinga gista í tjaldi, fellihýsi eða
húsbíl á ferð um eigið land.
260.000
nóttum eyða Íslendingar á hótelum
og gistiheimilum á landinu.
‹ GISTA Á TJALDSVÆÐUM ›
»
„Þetta er ekki svipur hjá sjón. Hér
hafa aðallega gist Íslendingar en
þeir hafa ekki látið sjá sig í sum-
ar,“ segir Ársæll Hauksson sem
rekur tjaldsvæðið á Hamragörðum
undir Eyjafjöllum, rétt við Selja-
landsfoss. Svo virðist sem inn-
lendir ferðamenn forðist að nota
tjaldsvæðin í nágrenni Eyjafjalla-
jökuls, af hræðslu við öskufok.
Ársæll segir að síðustu tvö ár
hafi verið mjög góð. Fjöldi felli-
hýsa og húsbíla hafi verið þar um
hverja helgi, auk tjalda. Blásið
hafi verið til tveggja til þriggja
ættarmóta um hverja helgi sum-
arsins.
Nú er hún Snorrabúð stekkur.
Nefnir Ársæll tvær stórar ferða-
helgar. Enginn gestur hafi verið
fyrstu helgina í júní og fimm tjöld
fyrstu helgina í júlí. Fjöldi gesta
var um þessar helgar á síðasta
sumri, meðal annars tvö ættarmót
fyrstu helgina í júlí, auk lausa-
umferðar.
„Mér líður eins og þetta sé að
glæðast en enn sé ég enga Íslend-
inga,“ segir Ársæll þegar blaða-
maður kom við hjá honum. Það
munar um það því Hamragarðar
hafa verið vinsælt svæði fyrir ís-
lenskt ferðafólk, bæði þá sem eru
á lengri ferðalögum og í helg-
arferðum. Þar sést engin aska
enda hefur gróðurinn bundið þau
korn sem þangað kunna að hafa
blásið. Ársæll tekur fram að í
hvassviðri megi sjá ösku í ná-
grenninu en það trufli ekki gest-
ina á nokkurn hátt.
„Ég skil vel að fjölskyldur með
börn keyri hjá ef það sér fína ösku
fjúka. Það á bara ekki við hér,“
segir hann. Sömu sögu er að segja
af fleiri tjaldsvæðum í nágrenninu
sem innlendir ferðamenn hafa
notað mikið, meðal annars í
Fljótshlíð. Þeir láta ekki sjá sig.
Ársæll segir lítið við þessu að
gera, úr þessu. Ekki sé hægt að
leggja í mikinn kostnað við að
draga að fólk. „Maður verður bara
að vona að næsta sumar verði
betra,“ segir hann.
Ekki svipur
hjá sjón
Umsjón Ársæll Hauksson sér fram á
magurt ár í rekstri tjaldsvæðisins.
HJÓLHÝSI OG FELLIHÝSI SJÁST EKKI LENGUR
Hótel Anna Einar
Jóhannsson rekur
hótel á Moldnúpi.