Morgunblaðið - 28.12.2010, Qupperneq 2

Fiskurinn eftirsóttur á
mörkuðum um hátíðarnar
Geysihátt verð hefur fengist á fisk-
mörkuðum síðustu daga, meðalverð á
kíló af óslægðum þorski var liðlega
430 krónur í gær sem er hæsta með-
alverð undanfarin þrjú ár að minnsta
kosti. Ragnar H. Kristjánsson, fram-
kvæmdastjóri Fiskmarkaðs Suður-
nesja í Sandgerði, sagði dragnótabát-
inn Örn KE 14 hafa farið út í gær-
morgun, fengið rúm fjögur tonn og
verðið verið 522 krónur á kíló.
„Framboðið af fiski var lítið, ekki
nema um 68 tonn af öllum tegundum
á landinu,“ sagði Ragnar. „Þannig
verður þetta stundum á þessum tíma.
Það voru bara tveir dragnótabátar á
sjó hérna suðurfrá, veðrið var svo
leiðinlegt. Oft eru þessir bátar stutt
undan landi ef eitthvað er að veðri.
Oft smalar ákveðin átt þorskinum
hálfpartinn upp að landi og það borg-
aði sig hjá þeim að fara út í morgun.“
Hann sagði fiskbúð á höfuðborgar-
svæðinu hafa keypt nokkuð af fisk-
inum en annars hefði megnið af hon-
um farið í flug á markað erlendis.
Fyrir jól hefði kílóið af slægðum
steinbít úr togaranum Gunnvöru á
Ísafirði farið í 744 krónur. Menn yrðu
stundum að kaupa fisk á yfirverði um
þetta leyti til að fullnægja pöntunum.
kjon@mbl.is
 Kíló af óslægðum
þorski fór á 522 kr.
2 FRÉTTIRInnlent
MORGUNBLAÐIÐ ÞRIÐJUDAGUR 28. DESEMBER 2010
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
Björn Jóhann Björnsson
bjb@mbl.is
Hjálparsíma Rauða krossins, 1717, bárust 353
símtöl frá Þorláksmessu og fram á annan í jól-
um. Karen Theodórsdóttir, verkefnisstjóri
Hjálparsímans hjá Reykjavíkurdeild RKÍ, segir
að þetta sé svipaður fjöldi og um síðustu jól.
Hins vegar hefur símtölum fjölgað í desember
miðað við sama mánuð í fyrra. Í gær höfðu 1.611
símtöl borist frá 1. desember en á sama tíma í
desember fyrir ári voru símtölin alls 1.584.
Karen segir síðasta ár hafa verið mjög sér-
stakt og varla samanburðarhæft. Þá hafi mikið
álag verið á starfsfólki og sjálfboðaliðum Hjálp-
arsímans sem fyrst og fremst er rakið til fjár-
hagserfiðleika fólks í kreppunni. Á sama tíma í
fyrra höfðu um 25.500 símtöl borist það ár, í
samanburði við um 23.400 símtöl frá síðustu ára-
mótum. Telst þetta ár vera mjög svipað og árið
2008 þegar Hjálparsíminn fékk um 23.500 sím-
töl.
„Síðasta ár var mjög sérstakt en lengi fram-
an af þessu ári urðum við ekki vör við miklar
áhyggjur fólks tengdar kreppunni. Hins vegar
varð breyting núna í haust. Þá fórum við að fá
fleiri erfið símtöl þar sem gætir mikils vonleysis
hjá fólki og margir hafa hringt hingað í sjálfs-
vígshugleiðingum,“ segir Karen.
Hún segist reikna með fjölgun símtala á ný
eftir áramótin. Reynsla þeirra sýni að yfirleitt sé
ekki svo mikið hringt yfir sjálfa jólahátíðina en í
janúar og febrúar er meira hringt. „Þá fara
reikningarnir eftir jólin að berast og raunveru-
leikinn skellur hart á fólki,“ segir Karen.
Alls skipta um 100 sjálfboðaliðar með sér
verkum við að svara í símann, sem er gjaldfrjáls
og opinn allan sólarhringinn árið um kring. Að
jafnaði eru tveir sjálfboðaliðar á vakt hverju
sinni, auk starfsmanna Rauða krossins á þeirra
vinnutíma.
Fólk á öllum aldri hringir
Karen segir vel hafa gengið að fá sjálf-
boðaliða til þessara starfa. Fólk með mismun-
andi menntun og bakgrunn svari í símann og það
hafi gefist mjög vel. Aðspurð segir hún að fólk á
öllum aldri hringi í Hjálparsímann og af báðum
kynjum; börn sem aldraðir og fjölskyldufólk
jafnt sem einstæðingar.
„Við heitum þeim fyllsta trúnaði sem í okk-
ur hringja, setjum aldrei nein mál í eitthvert
ferli nema viðkomandi samþykki það. Okkar
hlutverk er fyrst og fremst að hlusta og veita
upplýsingar um þau úrræði sem fyrirfinnast í
samfélaginu. Við erum ekki með faglega sál-
fræðimeðferð en stundum gerist það að við fylgj-
um ákveðnum einstaklingum eftir. Þetta eru
ekki allt erfið símtöl, fólk hringir einnig og þakk-
ar okkur fyrir þjónustuna eða aðstoðina sem það
hefur áður fengið hjá okkur,“ segir Karen að
endingu.
Hjálparsíminn fær fleiri erfið símtöl
 Hjálparsíminn fékk 353 símtöl um þessi jól  Rólegra yfir jólin, en eftir áramótin blasir kaldur
veruleikinn við mörgum  Símtölum í desember fjölgaði en fækkun varð á árinu miðað við 2009
353
símtöl í Hjálparsímann frá Þorláks-
messu til og með 2. í jólum
1.611
símtöl bárust í símann frá
1. desember sl. til dagsins í gær
23.400
símtöl hafa borist frá síðustu ára-
mótum til RKÍ í númerið 1717
‹ SÍMTÖL Í 1717 ›
»
©
IL
V
A
Ís
la
n
d
20
10
ILVA Korputorgi, Blikastaðavegi 2-8, 112 Reykjavík
mánudag - fimmtudag 11-18:30
gamlársdagur 9-12, nýársdagur LOKAÐ
sunnudagur 12-18
SIENA.
Kampavínsglas 180 ml
595,-/stk.
Gleðilegt
nýtt ár
Jónas Margeir Ingólfsson
jonasmargeir@mbl.is
Atli Gíslason, einn þeirra þriggja
stjórnarþingmanna sem sátu hjá
við afgreiðslu fjárlagafrumvarps-
ins, segir misfarið með ýmislegt í
greinargerð Árna Þórs Sigurðsson-
ar, starfandi þingflokksformanns
Vinstri grænna. „Eins og t.d. að við
höfum ekki gert fyrirvara. Ég
gerði skýran fyrirvara við at-
kvæðagreiðslu við aðra umræðu
frumvarpsins. Ég tíðka það nú ekki
í pólitík, þó ég sé ósammála skoð-
unum manna eða hugsjónum sem
þeir telja sig berjast fyrir, að kalla
þá ódrengilega. Ég er bara ósam-
mála en hann kallar okkar skoðanir
ódrengilegar. Ég er svolítið hissa á
því, mér finnst það ekki viðeigandi
á milli einstaklinga sem greinir á.“
Atli kveður þingflokksfund VG
hafa verið boðaðan 5. janúar. „Það
þarf að ræða þessi mál, óhjákvæmi-
lega, og það verður gert. Bæði af
hálfu þingflokksformannsins og
okkar.“
Atli kveður Árna þurfa að eiga
þessa greinargerð við sjálfan sig.
„Ég hefði ekki gert þetta. Ekki
með þessum orðum. Mér finnst allt
í lagi að hann orði sínar skoðanir
og ágreining við okkur en það hef-
ur alltaf valdið mér vonbrigðum ef
ágreiningur er persónugerður eins
og gert hefur verið í ríkum mæli
gagnvart okkur þremenningunum.
Það er ekki pólitík að mínu skapi.
Þetta er skotgrafapólitík og hin
gamla stjórnmálamenning sem
vonandi er á förum.“
Skotgrafapólitík
vonandi á förum
 Boðað til þingflokksfundar VG 5. jan.
Brjóstmynd af Gylfa Þ. Gíslasyni, fyrrverandi formanni
Alþýðuflokksins, ráðherra og prófessor, var afhjúpuð í
hátíðarsal Háskóla Íslands í gær. Brjóstmyndina gerði
Erlingur Jónsson myndhöggvari. Langafabarn Gylfa,
Gylfi Þorsteinn Gunnlaugsson, afhjúpaði brjóstmyndina
en gefendur voru Árni Gunnarsson, Ásgeir Jóhannesson
og Óttar Yngvason ásamt öðrum vinum og velunnurum.
Gylfi var fæddur 1917 og lést 2004. Hann var skipaður
dósent í viðskiptafræði við Háskóla Íslands árið 1941 og
varð prófessor í laga- og viðskiptadeild Háskóla Íslands
árið 1946. Gylfi gegndi embætti menntamálaráðherra
1956-1971. Einnig stýrði hann árum saman ráðuneytum
iðnaðar- og viðskiptamála. Gylfi sat á þingi 1946 til 1978
og var formaður Alþýðuflokksins 1968-1974.
Eftir að hann hætti sem ráðherra kenndi hann við-
skiptafræði við Háskólann allt til ársins 1987. Hann var
gott tónskáld og gerði m.a. þekkt lög við ljóð Tómasar
Guðmundssonar.
Brjóstmynd af Gylfa Þ.
Morgunblaðið/Árni Sæberg
Hátíðarsalur Á myndinni eru f.h. Gylfi Þorsteinn, Erlingur og Kristín Ingólfsdóttir háskólarektor.