Morgunblaðið - 28.12.2010, Blaðsíða 9

FRÉTTIR 9Innlent
MORGUNBLAÐIÐ ÞRIÐJUDAGUR 28. DESEMBER 2010
Jólaannríki
Morgunblaðið/ Óli Már Aronsson
Gleði Jólasveinarnir voru á ferð um jólin eins og venjulega.
ÚR BÆJARLÍFINU
Óli Már Aronsson
Hella
Dvalar- og hjúkrunarheimilið
Lundur á Hellu er vel sett með
starfsfólk. Alla vega sjúkraliða. Nú
fyrir áramót eru sex starfsmenn á
Lundi að útskrifast með sjúkraliða-
próf. Að auki eru þrír starfsmenn að
ljúka framhaldsnámi í sjúkraliðun
með umönnun aldraðra sem sér-
grein.
  
Lionsklúbburinn Skyggnir í
Rangárvallasýslu hefur í gegnum
tíðina verið með á dagskrá hjá sér
öðru fremur að styrkja og styðja við
starfsemina á Dvalar- og hjúkr-
unarheimilinu Lundi á Hellu. Upp
úr miðjum desember hélt Skyggnir
samkomu á Lundi eins og gert hefur
verið fyrir jól í um það bil 30 ár. Á
þessum samkomum er boðið upp á
hugvekju frá presti, hljóðfæraleik og
söng með jólaglöggi og allt heim-
ilisfólk fær jólapakka frá lions-
félögum. Þetta er góður siður hjá
lionsmönnum og ber að þakka.
  
Þorláksmessuskata er að
ryðja sér til rúms um allt land. Hér í
Rangárvallasýslu virðist þessi siður
verða æ algengari með árunum. Í
Búkollu sem er lítið auglýsingablað
sem kemur út vikulega á héraðsvísu
eru fjögur veitingahús sem auglýstu
skötuveislu á Þorláksmessu. Laus-
leg könnun fréttaritara bendir til
þess að víða hafi verið fullt út úr dyr-
um og eitthvað er um að fólk eldi
skötuna heima hjá sér. Ljóst er að
fleiri hundruð manns hafa tekið
þennan sið upp síðustu árin hér um
slóðir.
  
Flugbjörgunarsveitin á Hellu
hefur nú um margra ára skeið að-
stoðað nokkra jólasveina við að kom-
ast á milli húsa á Hellu og dreifa
jólapökkum til barna á öllum aldri á
aðfangadag. Þetta hefur mælst ákaf-
lega vel fyrir hjá þeim yngri og
styttir daginn þegar beðið er eftir að
jólahátíðin gangi í garð. Íbúar á
svæðinu launa síðan Flugbjörg-
unarsveitinni þetta og önnur störf
með því að kaupa af þeim flugelda
milli jóla og nýárs. Íþróttafélagið
Garpur veitir sömu þjónustu við
dreifingu jólapakka á aðfangadag á
sínu félagssvæði, sem er Ásahrepp-
ur, Holt og Landsveit.
  
Kirkjur eru fjölmargar í Rang-
árvallasýslu og samkvæmt auglýs-
ingum í áðurnefndri Búkollu, eru
ekki minna en 23 guðsþjónustur og
athafnir í 14 kirkjum og á dval-
arheimilum aldraðra á Hellu og
Hvolsvelli í tengslum við jólahátíð-
ina. Flestar þeirra eru á aðfangadag
og jóladag, en einhverjar nær ára-
mótum. Það eru fjórir prestar sem
sinna þessum embættisverkum
núna, en eftir áramót mun fækka um
einn prest á svæðinu þegar sr. Hall-
dór Gunnarsson í Holti lætur af
embætti.
Rangur
fæðingardagur
Í æviágripi um Önnu Guðjónsdóttur
í blaðinu á Þorláksmessu slæddist
villa. Var sagt að móðir hennar Erla
Hulda Valdimarsdóttir hefði verið
fædd 12. ágúst 1923. Hið rétta er að
hún var fædd 12. apríl 1923.
Rangt föðurnafn
Nafn Vigdísar Hrefnu Pálsdóttur
leikkonu misritaðist í myndatexta á
baksíðu blaðsins í gær. Beðist er vel-
virðingar á þessum mistökum.
Stöður
heilsugæslulækna
Í frétt Morgunblaðsins 24. desem-
ber síðastliðinn var því ranglega
haldið fram að erfitt hefði reynst að
manna stöður sjálfstætt starfandi
heimilislækna á höfuðborgarsvæð-
inu. Hið rétta er að mikil ásókn er í
þau störf. Hins vegar hefur gengið
erfiðlega að manna stöður heilsu-
gæslulækna.
LEIÐRÉTT
Fáðu fréttirnar
sendar í símann þinn
Opinn fundur um sjávarútveg verð-
ur haldinn í sal Nesskóla í Neskaup-
stað á morgun, 29. desember kl. 13-
14:45. Í fréttatilkynningu segir að
hagkvæmur sjávarútvegur sé mik-
ilvæg undirstaða velferðar. Bent er
á að á Austurlandi starfa 6-700
manns beint við veiðar og vinnslu,
auk þeirra fjölmörgu sem starfa í
þjónustu við greinina. Um Fjarða-
byggðahafnir fara 27% alls sjáv-
arafla sem landað er á Íslandi.
Á fundinum fjallar Gunnþór
Ingason, framkvæmdastjóri Síld-
arvinnslunnar, um hvernig fyr-
irtækið hefur þróast á síðustu ár-
um. Einnig flytja erindi þeir Árni
Bjarnason, forseti FFSÍ, og Ragnar
Árnason, prófessor við HÍ.
Opinn fundur um
sjávarútvegsmál
í Neskaupstað
K A K A Á R S I N S 2 0 0 9
Þessi er alveg svakaleg!
Kveðjum árið með köku ársins.
1.198.-Útsalan hefst í dag
Fleiri myndir á facebook
Vertu vinur
Laugavegi 54,
sími 552 5201
30-70%
30-70%
afsl.
afsl.