Morgunblaðið - 11.03.2011, Qupperneq 4
4 FRÉTTIRInnlent
MORGUNBLAÐIÐ FÖSTUDAGUR 11. MARS 2011
„Núna er staðan sú að með
ákveðna þætti í verndar-
áætluninni ríkir mjög mikil
óánægja,“ segir Þórarinn. Í
áætluninni séu þættir sem
byggist á fordómum og mis-
skilningi, til að mynda um
skaðleg áhrif gangandi
veiðimanna í kringum Snæ-
fell, og för bifreiða um Von-
arskarð, sem hvorugur
samræmist áratugareynslu ferðamanna á
svæðinu. Þórarinn segir þá sem nýtt hafa sér
svæðið um áratugaskeið hafa byggt upp ákveð-
ið siðferði hvað umgengni við það varðar.
Skúli H. Skúlason, framkvæmdastjóri Úti-
vistar, segir öllum athugasemdum frá aðild-
arfélögum Samtaka útivistarfélaga hafa verið
svarað með sama staðlaða bréfinu. „Kannski
var stjórnin einfaldlega búin að gera upp hug
sinn áður en að athugasemdaferlinu kom, en þá
vaknar spurningin hvaða tilgangi athuga-
semdaferlið gegndi,“ segir Skúli.
Samráð í samræmi við lög
Í greinargerð umhverfisráðherra vegna
staðfestingar verndaráætlunarinnar kemur
fram að ráðuneytið telji að skilyrðum laga um
samráð hafi verið fullnægt og að athugasemd-
um hafi verið svarað „á fullnægjandi hátt og
með rökum“. Stjórn Vatnajökulsþjóðgarðs hafi
ekki borið skylda til þess að svara öllum at-
hugasemdum eða birta þær. Ákvæði stjórn-
sýslulaga, meðal annars um andmælarétt
málsaðila, eigi ekki við í þessu máli.
Þórarinn og Skúli segja ferlið nú geta haft
skaðleg áhrif á sambærileg verkefni í framtíð-
inni. „Menn ættu að spyrja sig að því hvernig í
ósköpunum stendur á því að nú, þegar komið
er að ferðalokum í þessu verkefni, er það sem
var tilhlökkunarefni í upphafi orðið að svona
miklu bitbeini,“ segir Þórarinn. „Þessi ágrein-
ingur er hættulegur af því við eigum vonandi
eftir að fara í fjölmörg önnur verkefni til þess
að skilgreina akkúrat svona heilög svæði, þjóð-
garða. [...] Ef það er svona mikið ósætti kemur
upp mjög djúpt vantraust og þá verður enginn
friður um þau verkefni sem framundan eru.
Það má ekki gerast,“ segir Þórarinn.
Skúli segir ferlið hafa leitt til þess að mörg-
um finnist lítið til þjóðgarðsins koma og horfi
tortryggnum augum á allar hugmyndir um
friðlönd. Það sé skaðlegt fyrir alla náttúru-
vernd.
Vantraust skaðlegt náttúruvernd
Hagsmunaaðilar telja skort hafa á samráð við gerð verndaráætlunar fyrir Vatnajökulsþjóðgarð
Skaðlegt fyrir sambærileg verkefni í framhaldinu, segir formaður Ferðafélagsins Útivistar
Þórarinn Eyfjörð
BAKSVIÐ
Einar Örn Gíslason
einarorn@mbl.is
Nokkurrar óánægju gætir með vinnubrögð í
tengslum við gerð Verndaráætlunar Vatnajök-
ulsþjóðgarðs, sem stjórn þjóðgarðsins vann og
umhverfisráðherra staðfesti undir lok síðasta
mánaðar.
Nægt samráð þykir ekki hafa verið haft við
hagsmunaaðila, einkum þau útivistar- og
ferðasamtök sem mest sækja verndarsvæðið
heim. Þórarinn Eyfjörð, formaður Ferða-
félagsins Útivistar, segir sátt ekki ríkja um
samþykkta verndaráætlun. Í upphafi hafi ríkt
tilhlökkun meðal hagsmunaaðila, sem almennt
voru jákvæðir í garð áætlunargerðarinnar.
Einar Örn Gíslason
einarorn@mbl.is
„Umhverfis- og samgönguráð hef-
ur lengi haft það að leiðarljósi að
bæta aðgengi gangandi og hjól-
andi vegfarenda. Okkur hugnast
ekkert sérstaklega vel þegar göt-
ur, sem reyndar eru þjóðvegir í
þéttbýli, eru skilgreindar sem
stofnbrautir. Þetta eru götur sem
við viljum líta á sem borg-
argötur,“ segir Karl Sigurðsson,
formaður Umhverfis- og sam-
gönguráðs Reykjavíkurborgar.
Fyrr í vikunni samþykkti ráðið
tillögu þess efnis að hámarkshraði
á hluta Miklubrautar yrði lækk-
aður úr 60 km./klst. niður í 50
km./klst.
Kaflinn sem um ræðir
nær frá Stakkahlíð og
að Snorrabraut, en ná-
kvæm lengd hans ræðst af
nálægð húsa við Miklubraut-
ina. Frá Kringlumýrarbraut
að Stakkahlíð er til að mynda
nokkuð langt í hús, en
sú vegalengd styttist til
móts við Stakkahlíð.
Lengd vegarkaflans er
tæpur kílómetri. Lækkun
hámarkshraðans hefði ekki
áhrif á háannatímum, þegar
meðalaksturshraði er á bilinu 10
til 20 km./klst. Karl segir vonir
standa til þess að með lækkun
hraðans megi allt í senn draga úr
kostnaði vegna slysa og draga úr
hljóð- og loftmengun. „Við erum
þegar búin að fara sjö sinnum yf-
ir heilsuverndarmörkin á þessu
ári, sem eru öll sjö skiptin sem
við leyfum okkur á ári,“ segir
Karl um svifryksmengunina.
Dæmi séu um að börn sem búa
svæðinu hafi kastað upp vegna
svifryksins. Umferðarslys eru al-
geng á vegkaflanum sem um ræð-
ir, en á árunum 1996 til 2009
urðu þar 900 óhöpp, í 120
slysanna slösuðust vegfarendur.
Slysin eiga sér oftast stað á nótt-
unni, þegar aksturshraði er mun
meiri en á annatímum.
Fyrirhugaðar breytingar eru
háðar samþykki Vegagerð-
arinnar, þar sem Miklabraut telst
þjóðvegur, og lögreglunnar á höf-
uðborgarsvæðinu. Málið er ekki
komið inn á borð til lögreglunnar,
og því hefur afstaða ekki verið
tekin til þess. Að samþykki
fengnu verður hámarkshraðanum
breytt strax í kjölfarið, segir
Karl.
Lækka hámarks-
hraða á Miklubraut
Lækkunin fækki slysum og dragi úr loft- og hljóðmengun
Til skoðunar er að gera breytingar annars staðar í Reykjavík, einkum
í íbúðahverfum, í því skyni að draga úr aksturshraða. Karl Sigurðs-
son, formaður umhverfis- og samgönguráðs Reykjavíkurborgar, segir
ekkert niðurneglt í þeim efnum en leggur áherslu á mikilvægi samráðs
milli íbúa og borgarinnar.
„Við höfum fengið ábendingar frá hverfum,“ segir Karl. „Okkur
[í ráðinu] finnst mjög gott að fá ábendingar frá íbúum og hverfa-
ráðum. Það hefur reynst okkur gott veganesti að skynja vilja íbú-
anna í hverfunum, því oft er það þannig að þeir sem þekkja nær-
umhverfið best eru best til þess fallnir að koma með tillögurnar.“
Nokkur umræða um nágrenni Miklubrautar spannst í kjölfar þess að
Vegagerðin setti upp vegrið við hluta hennar. Karl segir þetta hafa flýtt
fyrir þeirri tillögugerð sem nú liggur fyrir.
Fleiri staðir í skoðun
LÆKKUN AKSTURSHRAÐA
Morgunblaðið/Sigurgeir S
Ferð Meðalhraði á háannatíma er mun lægri en fyrirhugaður hámarkshraði milli Stakkahlíðar og Snorrabrautar.
Hafðu samband. Við hjálpum þér að velja rétta kortið.
MASTERCARD
KREDITKORTA
BJÓÐUM ALLAR TEGUNDIR
kreditkort.is | Ármúla 28
Rakel Ýr Birgisdóttir, nemandi í 10.
bekk í Laugarlækjarskóla, afhenti
menntamálaráðherra, Katrínu Jak-
obsdóttur, 1.018 undirskriftir í há-
deginu í gær, þar sem mótmælt er
hverfaskiptingum framhaldsskól-
anna.
Samkvæmt tilmælum frá mennta-
málaráðuneytinu er framhaldsskól-
unum gert að taka inn 40% nemenda
úr nærliggjandi hverfum áður en
öðrum er hleypt inn í skólann haust
hvert. Rakel segir regluna mismuna
umsækjendum, þeim sem búa í
sama hverfi og tiltekinn skóli er dugi
slakari námsárangur til að komast
inn en nemendum úr öðrum hverf-
um.
„Við erum á móti því að fólki sé
mismunað á þennan hátt,“ segir
Rakel, sem finnst að allir ættu að fá
að velja hvar þeir stunda nám. Bæði
sé námsframboð skólanna mismun-
andi, sem og námsfyrirkomulag.
„Hverfaskóli allra sem búa í Graf-
arvogi er til dæmis fjölbrautaskóli
en það kerfi hentar ekki öllum. Sum-
um myndi henta betur að vera í
bekkjakerfi,“ segir hún. Hún sagðist
hafa átt ágætt spjall við ráðherrann
en engin loforð hafa fengið um að
málið yrði skoðað. holmfridur@mbl.is
Vilja að allir sitji
við sama borð
Morgunblaðið/Golli
Mótmæla Ketill Antoníus, Erla Ösp og Rakel Ýr afhentu undirskriftirnar.