Morgunblaðið - 11.03.2011, Side 6

6 FRÉTTIRInnlent
MORGUNBLAÐIÐ FÖSTUDAGUR 11. MARS 2011
FRÉTTASKÝRING
Eftir Unu Sighvatsdóttur
una@mbl.is
Ekki er enn útséð um úrslit stóra sorptunnumáls-
ins í höfuðborginni. Eins og fram kom í Morg-
unblaðinu í gær hefur málinu verið vísað inn á borð
til skipulagsstjóra og byggingafulltrúa Reykjavík-
urborgar til umsagnar.
Vafi þykir leika á því hvort sú krafa, að íbúar
húsa sem ekki uppfylla 15 m regluna dragi sorp-
tunnurnar út að götu eða greiði sérstakt gjald ella,
stangist á við ýmsar aðrar reglur, s.s. bygginga-
reglugerð og deiluskipulag í hverju hverfi fyrir sig.
Magnús Sædal Svavarsson, byggingafulltrúi
Reykjavíkurborgar, segir að leggjast þurfi yfir
rúmlega 50 ára tímabil þar sem hver reglugerðin
tók við af annarri, til að skera úr um málið.
„Mér sýnist að það sé allavega hálf öld síðan
menn byrjuðu að hafa afskipti af staðsetningu
sorpíláta hér í höfuðborginni og ég þarf að afla mér
gagna áður en ég fer að tjá mig um málið. Þetta á
sér reglugerðasögu alveg aftur til 1960 og það verð-
ur að skoða bæði núgildandi byggingareglugerð og
eldri reglugerðir.“
Engar reglur um elstu húsin
Magnús vill þó ekki meina að málið sé í eðli
sínu sérlega flókið, en fyrir leikmann kann það þó
að virðast svo, ekki síst í ljósi þess að nýjar reglu-
gerðir eru ekki afturvirkar.
Þannig gilda í raun ólík viðmið um sorp-
geymslu hvers og eins húss eftir því hvenær það
var byggt. Í núgildandi byggingareglugerð, frá
1998, er til dæmis tekið fram að sorptunnur skuli
geymdar annaðhvort í sk. sorpgerði eða -skýli á lóð
eða þá í innbyggðri sorpgeymslu við húsið.
Líkt og þeir sem búa í eldri hverfum borg-
arinnar vita er við sum hús hvergi að finna neitt
sem kallast getur sorpgerði eða -skýli, en íbúar
þurfa þó ekki að óttast að um ómeðvitað lögbrot sé
að ræða því húsin voru byggð eftir viðmiðum síns
tíma og nýrri reglugerðir ekki afturvirkar sem fyrr
segir. „Við getum jafnvel haft hús þar sem sorp-
tunnur hafa aldrei verið til umfjöllunar yfir höfuð,
eins og hús sem eru byggð fyrir þann tíma að menn
settu fyrstu reglurnar,“ segir Magnús.
Umsögn verður gefin fyrir 22.
mars.
Hamlandi fyrir vegfarendur?
Þetta hliðarspor í fyrirhugaðri 15 metra
vegferð í sorphirðumálum ætti því ekki að tefja
að breytingin geti tekið gildi hinn 1. apríl eins og
stefnt er að. Það sem gæti hins vegar tafið
málið er færðin í borginni þessa dagana, því
snjór og skaflar trufla mælingar og er þeim
því enn ekki lokið. Vafaatriðin eru auk þess mý-
mörg eins og áður segir. Meðal þess sem velt hefur
verið upp er hvort það kunni að skapa almanna-
hættu að stilla ruslafötum upp á gangstéttum dag-
langt, þar sem það geti hamlað för gangandi veg-
farenda, ekki síst þeirra sem ferðast í hjólastól eða
með barnavagn.
Þá hefur verið bent á að íbúar hafi fæstir kost
á að færa ruslatunnur til baka fyrr en að vinnudegi
loknum og megi sjá fyrir sér að hús þar sem rusla-
fötur standa tómar úti á götu fram á kvöld verði
sem opnar veiðilendur fyrir innbrotsþjófa.
Frístandandi eða fastar tunnur
Aðrir lýsa efasemdum um að ruslaföturnar fái
að vera í friði fyrir reykvísku roki frístandandi eftir
tæmingu. Má nefna að mörg önnur bæjarfélög
kveða sérstaklega á um að nauðsynlegt sé að festa
sorpílát tryggilega þar sem ekki sé kostur á lok-
uðum sorpgeymslum.
Samkvæmt upplýsingum frá umhverfis- og
samgöngusviði hefur aðeins ein umsókn borist um
undanþágu frá 15 metra reglunni, með vísan í
heimild um að þeir sem þurfa, heilsu sinnar vegna,
megi hafa sorpílátin nærri húsi. Viðbúið sé að ein-
hverjar undanþágur verði veittar en það skýrist
þegar þær verði afgreiddar.
Ruslatunnur í samhengi
50 ára reglugerðasögu
 15 metra reglan til skoðunar  Efasemdir um innbrotsþjófa og norðanvinda
Morgunblaðið/Golli
Hörkupúl Starf sorphirðumanna er enginn dans á rósum, allra síst þegar snjór og skaflar tefja för.
Vegna færðarinnar er allur mannskapur Sorphirðunnar í því að sækja tunnur og mælingar hafa tafist.
Enn er ósamið í kjaradeilu flug-
umferðarstjóra og Samtaka at-
vinnulífsins og ekkert nýtt komið
fram á sáttafundum að sögn Ottós
G. Eiríkssonar, formanns Félags ís-
lenskra flugumferðarstjóra.
Flugfélag Íslands þurfti að flýta
þremur áætlunarferðum í fyrradag
vegna yfirvinnubannsins. Það hefur
að öðru leyti ekki truflað áætlunar-
flugið frá 15. febrúar að sögn Árna
Gunnarssonar, framkvæmdastjóra
FÍ.
Ekkert þokast í
kjaradeilu FÍF og SA
Reykjavíkurborg er ekki fyrsta sveitarfélagið
sem tekur upp 15 metra regluna, því sam-
bærilegt viðmið var samþykkt í Fjallabyggð
árið 2009, þótt það hafi ekki farið eins hátt.
„Við höfum ekki verið harðir á að fylgja
þessu eftir, ekki ennþá, og það eru engin við-
urlög, en fólki ber nú samt að fara eftir
þessu og stærstur hlutinn
gerir það,“ segir Valur
Þór Hilmarsson,
umhverfisfulltrúi í
Fjallabyggð. Engin sér-
stök vandamál hafi kom-
ið upp tengd 15 metra
reglunni, en hún létti
mjög á starfi sorphirðu-
fólks.
15 metra viðmið
en engin viðurlög
SAMA REGLA GILDIR Í FJALLABYGGÐ
Steinþór Guðbjartsson
steinthor@mbl.is
Borgarfulltrúar Sjálfstæðisflokksins
furða sig á þeim mikla hraða sem
meirihluti Samfylkingar og Besta
flokksins hefur ákveðið að viðhafa í
sambandi við umdeilda ákvörðun um
sameiningu skóla og breytingar á
skólastarfi og vöktu athygli á gangi
mála með fyrirspurnum á borgar-
ráðsfundi í gær.
Júlíus Vífill Ingvarsson, borgar-
fulltrúi Sjálfstæðisflokksins, segir að
umsögnum um fyrirhugaðar breyt-
ingar eigi að skila föstudaginn 25.
mars, en óskað hafi verið eftir um-
sögnum frá mörgu fagfólki og hags-
munasamtökum. Útlit sé fyrir að
fundað verði um málið í borgarráði,
menntaráði og íþrótta- og tóm-
stundaráði mánudaginn 28. mars og
það sennilega afgreitt í borgarstjórn
daginn eftir. Hugmynd meirihlutans
sé að stefna að
auka-borgar-
stjórnarfundi
þriðjudaginn 29.
mars og senda
síðan leikskóla-
og skólastjórn-
endum uppsagn-
arbréf fyrir 1.
apríl. Þetta þýði
einfaldlega að
hvorki eigi að
skoða innsendar umsagnir né kalla
inn fólk til frekari skýringa á um-
sögnum sínum. Því síður ætli meiri-
hlutinn sér andrými til þess að
breyta afstöðu sinni til málsins.
Borgarstjóri til útlanda
„Þetta er ótrúleg aðför og aðferð í
þessu máli,“ segir Júlíus Vífill. „Að-
för að skólasamfélaginu, skólastjór-
um, kennurum, foreldrum og nem-
endum. Að virða ekki þeirra hag og
kynna sér betur mál þeirra.“
Júlíus bætir við að borgarstjóri
hafi bókað ferð til Vínarborgar í
næstu viku og verði því bersýnilega
ekki á öllum fundum með foreldrum
um málið á þeim tíma. Hann verði
hins vegar væntanlega á tveimur
fundum í Breiðholti og Grafarvogi.
Leyndarhyggja
Samfylkingin og Besti flokkurinn
hafa boðað til fyrsta fundarins í
Rimaskóla nk. laugardag. Júlíus Víf-
ill segir að það sé nýmæli að borg-
arstjóri boði til funda í nafni meiri-
hlutaflokka í stað borgarstjórnar.
Fulltrúar Sjálfstæðisflokks hafi ósk-
að eftir upplýsingum um aðra fundi
en ekki fengið nein svör frá borg-
arstjóra. „Við fréttum þetta frá for-
eldrunum sjálfum. Það er í samræmi
við þá leyndarhyggju sem þetta mál
hefur verið sveipað allan tímann,“
segir Júlíus Vífill.
Meirihlutinn vill skólamál
borgarinnar í hraðferð
 Lítill tími til að fara yfir umsagnir og aukafundur líklegur
Júlíus Vífill
Ingvarsson
Nokkur dæmi eru um að tollverðir í
Flugstöð Leifs Eiríkssonar geri
gjaldeyri upptækan sé hann meiri
en þær 350 þúsund krónur sem
leyfilegt er að fara með úr landi.
Að sögn Snorra Ólsen tollstjóra
kemur stundum í ljós við vopnaleit
að fólk er með umtalsverðar upp-
hæðir í erlendum gjaldeyri í hand-
töskum sínum. Fari upphæðin yfir
mörkin sé lagt hald á peningana.
Fólk fái þá aftur geti það sannað að
það sé sannarlega eigandi fjármun-
anna.
Snorri segir reglur um eftirlit
með peningasendingum úr landi
lengi hafa verið í gildi en þær hafi
verið hertar eftir að gjaldeyris-
höftin voru sett.
Tollverðir gera gjald-
eyrinn upptækan
Morgunblaðið/Golli
Sanddæluskipið Skandia var nýbú-
ið að fylla sig af sandi þegar það
festist við Landeyjahöfn í gær.
Þorði skipstjóri skipsins ekki að
beita skrúfunni vegna þess hver
skipið var nálægt grjótgarðinum en
lóðsinn í Vestmannaeyjum kom til
aðstoðar og gekk vel að draga skip-
ið á flot.
Vel gekk að dæla upp sandi í gær
enda loks komið gott sjóveður.
Stefnt var að því að skipið ynni
áfram að dælingu í nótt.
Skandia festist við
Landeyjahöfn
Jóhann Torfi Ólafsson
„Almenna reglan er sú að við samn-
ingsgerð þarf að koma skýrt fram
hvort samningurinn er ótímabund-
inn þannig að segja þurfi honum
upp sérstaklega eða hvort hann sé
tímabundinn
þannig hann
renni út sjálf-
krafa,“ segir
Gísli Tryggvason,
talsmaður neyt-
enda, spurður út
í áskriftarpakka
Stöðvar 2 fyrir
heimsmeist-
aramótið í hand-
bolta í febrúar.
Í grein sem
talsmaður neyt-
enda birti undir fyrirsögninni, Þögn
er ekki sama og samþykki, kemur
fram „að fyrirtækjum er óheimilt
að stunda neikvæða samningsgerð
sem felur í sér að þögn neytanda sé
það sama og samþykki. Því sé það
ekki grundvöllur kröfu á hendur
hans.“
„Ef fólk hefur haft réttmæta
ástæðu til að skilja að um tíma-
bundinn samning sé að ræða hlýtur
það að gilda,“ segir Gísli og tekur
ennfremur fram að einungis sé
hægt að krefjast þess sem þú
skuldbindur þig til. Spurður út í
valkvæðar greiðslur sem fyrirtæki
birta fólki segir Gísli þær vera sér-
stakt álitamál og þurfi að skoða
betur hvað þær ganga langt.
„Mörgum neytendum finnst óþægi-
legt að vera með hangandi kröfu á
sig þó gefið hafi verið upp að um
valkvæða greiðslu sé um að ræða.“
Skilmálar
þurfa að
vera skýrir
Gísli
Tryggvason
„Óþægilegt að vera
með hangandi kröfu“
Deilur Lauk HM-áskrift með HM?