Morgunblaðið - 21.03.2011, Síða 13
Bjarni Ólafsson
bjarni@mbl.is
Hundruð stuðningsmanna Muamm-
ars Gaddafis hafa komið sér fyrir í
kringum og inni í byrginu sem líb-
íski einræðisherrann notar sem höf-
uðstöðvar í hernaði sínum gegn
uppreisnarmönnum. Í frétt The
New York Times segir að hópur er-
lenda ferðamanna hafi verið tekinn
í ferð um byrgið þar sem þeir voru
kynntir fyrir fjölda óbreyttra borg-
ara sem sögðust reiðubúnir að láta
lífið fyrir leiðtoga sinn.
Í hópnum eru margar konur og
börn og sum þeirra sögðust eiga
fjölskyldumeðlimi í herliði Gaddaf-
is. Sögðust þau vera í byrginu til að
verja það fyrir loftárásum vest-
rænna flugherja, en erlendu fjöl-
miðlamennirnir voru færðir í byrgið
um það leyti sem loftárásirnar voru
að hefjast.
„Ef þeir vilja sprengja upp
Muammar Gaddafi þá verða þeir að
sprengja okkur, því við erum öll
Muammar Gaddafi,“ sagði fimmtíu
og tveggja ára gömul ekkja. Margir
hinna svokölluðu „mennsku
skjalda“ eru úr Warfalla-ættbálk-
inum, sem er einn þriggja ættbálka
sem eru með hvað sterkust tengsl
við Gaddafi og stjórn hans.
Fréttastofa líbíska ríkisins hef-
ur sagt að hópar sjálfboðaliða safn-
ist nú saman við hernaðarlega mik-
ilvægar byggingar í sama tilgangi
og fólkið, sem komið hefur að byrgi
Gaddafis.
Vilja nægileg áhrif
Á vefsíðu norska blaðsins Aft-
enposten er haft eftir Grete Fa-
remo, varnarmálaráðherra Noregs,
að sú ákvörðun Gaddafis að skýla
sér á bak við mennska skildi muni
hafa áhrif á það til hvaða aðgerða
norski flugherinn muni grípa.
Segir hún að norskar herflug-
vélar geti verið komnar í loftið inn-
an skamms tíma, en lagði áherslu á
að markmiðið með ályktun Samein-
uðu þjóðanna væri að vernda
óbreytta borgara í Líbíu. „Við þurf-
um því að ganga úr skugga um að
Noregur hafi nægileg áhrif á
ákvörðunartöku og að við höfum
stjórn á því og hvernig norsku her-
valdi er beitt.“
Sagði hún að enginn mætti
vera haldinn órum um að hernaðar-
aðgerðin yrði einföld.
Í frétt Aftenposten er einnig
rætt við Hani al-Hadar, frá borg-
inni Benghazi, sem er eitt af höf-
uðvígjum uppreisnarmanna. Al-
Hadar segist fagna því að alþjóða-
samfélagið sé nú að grípa inn í
borgarastríðið í landinu, en hann
segir að notkun Gaddafis á
mennskum skjöldum geti sett strik
í reikninginn. Vestrænu herirnir
verði að fara varlega því annars
muni margir óbreyttir borgarar
láta lífið. Annar Líbíumaður, Safi
Faragh Breyak, segist einnig fagna
aðgerðum Vesturlanda, en varar við
því að ef erlendir hermenn gangi á
land í Líbíu gæti almenningsálitið
snúist gegn þeim sem Gaddafi hef-
ur kallað krossfara. Þrátt fyrir að
uppreisnarmenn séu ánægðir með
inngrip vestrænna herja í átökin
óttast sumir að þau komi of seint.
Hersveitir Gaddafis hafa verið að
þrengja hringinn utan um Beng-
hazi. Þegar loftárásirnar hófust
voru þær komnar í úthverfi borg-
arinnar.
Sérfræðingar hafa sagt að
vestrænu flugherirnir muni leggja
sig alla fram um að halda mannfalli
meðal óbreyttra borgara í lág-
marki, sem muni gera hernaðar-
aðgerðirnar flóknari og erfiðari en
ella. Til dæmis verði erfitt að ráðast
á sveitir hliðhollar einræðisherr-
anum, eins og þær sem komnar eru
í úthverfi Benghazi og annarra
borga sem eru enn á valdi uppreisn-
armanna.
Edward N. Luttwak, þekktur
sérfræðingur í varnarmálum, varar
við áhrifunum sem það muni hafa
þegar óbreyttir borgarar falli.
„Engu skiptir hvað Bandaríkja-
menn meina vel, þeim mun enn einu
sinni verða lýst sem skepnum og
andstæðingum múslíma og afleið-
ingin verður enn fleiri hryðjuverk,“
segir Luttwak í grein í L.A. Times.
Hann segir að þá muni fljótlega
verða sýnd barnslík í útsendingum
sjónvarpsstöðvarinnar Al-Jazeera.
Reuters
Mannlegur skjöldur Þessi unga stúlka er í hópi þeirra sem hafa komið sér fyrir í kringum hið víggirta byrgi
Muammars Gaddafis í höfuðborginni Trípólí. Á skiltinu stendur „Guð er með Muammar og fólkinu í kringum hann.“
Skýlir sér á bak við
„mennska skildi“
Margir reiðubúnir að hætta lífi sínu fyrir Gaddafi
Mennskir skildir
» Hundruð stuðningsmanna
Gaddafis hafa komið sér fyrir á
hernaðarlega mikilvægum
stöðum til að verja þá fyrir
vestrænum loftárásum.
» Veðjar fólkið, sem og ein-
ræðisherrann sjálfur, á að
Vesturlönd muni forðast að
ráðast á byggingar sem um-
kringdar séu slíkum
mennskum skjöldum.
Árásirnar á Líbíu hafnar
Source: Reuters, media reports, U.S. Department of Defense briefings
Bandarísk og bresk skip skutu um 110-Tomahawk stýriflaugum á
skotmörk í Líbíu á laugardag til að sundra loftvörnum Gaddafis og
bandarískar B-2 sprengjuvélar gerðu síðar loftárásir á flugvelli.
100 km
Tripoli
Benghazi
Miðjarðarhaf
Okba Ibn
Nafa
Mitiga
Zawiya
Misrata
Sirte
Ghat
Al Jufra
L í b í a
HerflugvellirSkotmörk aðfaranótt sunnudags Aðrir vellir
MORGUNBLAÐIÐ MÁNUDAGUR 21. MARS 2011