Morgunblaðið - 17.08.2011, Qupperneq 16

BAKSVIÐ
Andri Karl
andri@mbl.is
S
tyttast fer í að Alþingi
komi saman á haustþingi
til að afgreiða mál sem
ekki náðist að klára fyrir
þingfrestun í sumar.
Nefndarstarfið er hafið og eitt
þeirra mála sem fundað hefur verið
um í vikunni er frumvarp efnahags-
og viðskiptaráðherra til laga um
ökutækjatryggingar. Viðskipta-
nefnd fundaði um málið í byrjun vik-
unnar og fyrirhugað er að taka það
fyrir aftur á föstudag. Nóg er um að
ræða enda kemur fram töluverð
gagnrýni á frumvarpið í umsögnum,
m.a. frá Umferðarstofu, Samtökum
fjármálafyrirtækja og sýslumann-
inum í Bolungarvík.
Meðal annars hefur komið fram
gagnrýni á eina helstu nýbreytni
sem fram kemur í frumvarpinu. Það
er að Umferðarstofu verði gert að
kyrrsetja eða fjarlægja ökutæki,
þegar vátrygging er fallin úr gildi
vegna vanskila, á kostnað og ábyrgð
eiganda eða umráðamanns þess.
Mikil ánægja lögreglu
Lögregla sér í dag um að klippa
skráningarnúmer af ótryggðum
ökutækjum, og í umsögn lög-
reglustjórans á höfuðborgarsvæðinu
kemur fram mikil ánægja með að
það verkefni verði af henni tekið
„enda fellur umrætt hlutverk ekki
undir hlutverk lögreglu eins og það
er skilgreint í 1. gr. lögreglulaga.“
Hjá Umferðarstofu ríkir hins
vegar ekki sama ánægja. Segir í um-
sögn hennar að yfirfærslan sé var-
hugaverð og margar spurningar
vakni, s.s. hvernig viðkomandi
starfsmaður á að stöðva óvátryggt
ökutæki í umferð þar sem hann hef-
ur ekki lögregluvald. Einnig þurfi að
mörgu að huga gerist Umferð-
arstofa framkvæmdaraðili. „Í fyrsta
lagi hefur Umferðarstofa eingöngu
starfsemi að Borgartúni 30 í Reykja-
vík en ökutækin sem þyrfti að kyrr-
setja/fjarlægja eru staðsett um allt
land. Þar af leiðandi þyrfti að ráða
fjölda starfsmanna sem staðsettir
væru í hverjum landsfjórðungi til að
annast verkið. Í öðru lagi þyrfti Um-
ferðarstofa að ráða til sín löglært
starfsfólk til að annast kyrrsetn-
ingabeiðnir til sýslumanna í þeim
umdæmum [þar] sem eigendur öku-
tækjanna búa, sem og nauðung-
arsölubeiðnir.“ Nefnd eru fleiri
þættir líkt og að Umferðarstofa
þurfi að eiga dráttarbifreiðar og
geymsluhúsnæði í hverjum lands-
hluta fyrir ökutæki sem fjarlægð
eru. „Eins og gefur að skilja fylgja
ofangreindu gríðarleg fjárlútlát.“
Frekar tryggingafélögin
Í umsögn Umferðarstofu kem-
ur fram að ef til vill væri skyn-
samlegra að fela tryggingafélög-
unum heimildina beint og þá án
milligöngu Umferðarstofu. Raunar
segir einnig í umsögn Samtaka fjár-
málafyrirtækja að eðlilegt sé að
tryggingafélögunum sé falið það
hlutverk og sýslumaðurinn í Bolung-
arvík telur umhugsunarefni hvort
ekki sé heppilegra að fela öðrum að-
ila en stjórnsýslustofnun að annast
hlutverkið. „Hins vegar sýnist t.d.
eitthvert innheimtu- eða sýslu-
mannsembætti vel koma til greina í
þessu sambandi,“segir í umsögn
sýslumannsembættisins.
Bæði Umferðarstofa og Samtök
fjármálafyrirtækja benda á að
tryggingafélögin hafi mikla hags-
muni af sem fæstum óvátryggðum
ökutækjum í umferð. Umferð-
arstofa segir svo að trygginga-
félögin gætu svo framselt
heimildina til annars aðila
sem annast gæti verkið fyrir
öll tryggingafélögin, líkt og
gert er með tjónaskýrslur
vegna umferðaróhappa.
Tilfærsla verkefna
vekur spurningar
Morgunblaðið/Ómar
Bílar Markmið nýrra laga um ökutækjatryggingar er aukið umferðarör-
yggi allra vegfarenda og að í gildi sé ábyrgðartrygging vegna ökutækja.
16
MORGUNBLAÐIÐ MIÐVIKUDAGUR 17. ÁGÚST 2011
Hægt er að lýsa skoðun á ritstjórnargreinum Morgunblaðsins á http://www.mbl.is/mogginn/leidarar/
Gamansagansegir frálögreglu-
manni sem stöðvar
ökumann drukkinn
undir stýri á þjóð-
veginum. Þegar sá
nappaði skrúfar niður rúðuna
segir lögreglumaðurinn:
„Hvernig í ósköpunum ferðu að
þessu?“ „Hvað meinarðu?“ seg-
ir hinn aumi ökumaður. „Hvern-
ig geturðu verið að keyra úti á
þjóðvegunum og ölvaður að
auki, eins og það kostar núorðið
að fylla bíl af bensíni og mann af
brennivíni.“
Hvað sem gríni og flimting-
um líður er þetta allt þó dauð-
ans alvara, eins og ölvunarakst-
urinn sjálfur. Hagur fjölskyldna
þrengist dag frá degi og þanþol-
ið er á þrotum. Núverandi
stjórnvöld í landinu hafa haldið
um taumana nokkuð á þriðja ár.
Þau kenna þriggja ára gömlu
bankafalli um allt sitt aðgerð-
arleysi og þær ófarir almenn-
ings sem af því hafa hlotist. En
þau tóku raunar við hálfu ári
eftir það fall. Og þau sögðust þá
ætla að tryggja „norræna vel-
ferð“ í landinu og „slá skjald-
borg um heimilin.“ Þegar vel-
ferðarráðherrann fréttir loks
um mikla erfiðleika leigjenda
eftir umfjöllun Morgunblaðsins
segir hann að ekki sé hægt að
hjálpa upp á þær sakir fyrr en
eftir hálft annað ár! Þá verður
kjörtímabil stjórnarinnar úti.
Hver skattahækkunin á fæt-
ur annarri dregur kraft úr fólk-
inu í landinu og fyrirtækjum
þess. Það mætir
þeim með sam-
drætti í sínum út-
gjöldum, því meiri
tekna verður ekki
aflað vegna þeirrar
stöðnunar sem rík-
ir. Samdrátturinn kemur fljótt
fram hjá þjónustufyrirtækj-
unum sem hafa búið við þreng-
ingar. Hjá sumum þeirra verður
það dropinn sem fyllir mælinn.
Hjá öðrum tekst að halda sjó
áfram með því að fækka fólki og
draga saman. Atvinnulausum
fjölgar.
Ríkisstjórnin finnur áður en
langur tími líður hjá að skatt-
tekjur eru að dragast saman á
ný. Og allir vita hver viðbrögð
hennar verða: „Skatta verður
ekki komist hjá að hækka enn
frekar.“ Uppbygging atvinnu-
lífs er ekki á dagskrá. Ekki skal
gefa nýjum fyrirtækjum færi
eða laða að fjárfestingu. Þau
gömlu skulu skattlögð enn frek-
ar í næstu atrennu því „þeir
skattar koma ekki niður á nein-
um.“ Sjávarútvegi skal haldið í
pólitískri gíslingu mánuðum og
árum saman, svo hann treysti
sér ekki í fjárfestingu eða upp-
byggingu.
Það er hægt að ímynda sér að
innan tíðar verði lögreglumanni
á að stöðva ráðherrabíl sem
honum sýnist eitthvað mikið að.
Þegar hinn nappaði skrúfar nið-
ur rúðuna er hann spurður:
„Hvernig geturðu verið úti að
aka svona úti að aka og hverjum
datt í hug að setja þig undir
stýri?“
Uppbygging, frum-
kvæði, sköpun og
fjárfesting eru í út-
legð}
Lífskjör skrúfuð niður
Í fjárlagavinnuvelferðarríkis-
stjórnarinnar
gagnsæju eru meg-
inlínur óbreyttar,
að sögn Árna Þórs
Sigurðssonar þing-
manns Vinstri
grænna. Meðal stjórnarþing-
manna er ekki ágreiningur um
niðurstöðuna, hvorki um tekju-
né gjaldahliðina, segir þing-
maðurinn.
Með öðrum orðum þá liggur
fyrir að sögn Árna Þórs að
þingmenn Samfylkingar og
Vinstri grænna eru á einu máli
um að skera niður um 3% al-
mennt og um 1,5% í velferð-
armálunum. Ennfremur liggur
fyrir að stjórnarliðar eru á einu
máli um að hækka skatta á þær
tegundir fyrirtækja sem öðrum
hvorum stjórnarflokknum eða
báðum er í nöp við.
Velferð velferðarríkis-
stjórnarinnar kemur að mati
stjórnarliðanna fram í því að
velferðin skuli „aðeins“ skorin
niður um 1,5% þegar aðrir
þættir eru skornir um 3%. Á
þetta bendir velferðarráðherr-
ann ítrekað hróð-
ugur. Spurður út í
þau orð forstjóra
Landspítalans að
slíkur niðurskurð-
ur sé ómögulegur
án þess að skerða
þjónustu við sjúk-
linga, segir velferðarráðherr-
ann að útreikningum ráðuneyt-
isins og spítalans beri ekki
nákvæmlega saman um það
hversu marga tugi prósenta
velferðarríkisstjórnin hefur
skorið af spítalanum fram til
þessa.
Vandi velferðarráðherra vel-
ferðarríkisstjórnarinnar er
hins vegar sá að öllum er sama
um reiknikúnstir ráðuneytisins.
Allir vita að mikið hefur verið
sparað á spítalanum og allir
vita að velferðarríkisstjórnin
hefur í fjárlagavinnu sinni
ákveðið að forgangsraða í þágu
Brussel en ekki sjúklinganna.
Tilraunir til að fela þessa
staðreynd með þrasi um fortíð-
arútreikninga gera ekkert ann-
að en sýna fólki fram á áhuga-
leysi ríkisstjórnarinnar í
velferðarmálum.
Velferðarráðherra
leggur mikið á sig til
að tryggja velferð
Brussel í fjárlög-
unum}
Þrasað um útreikninga
S
kammt er í að skólahald hefjist hér á
landi og þúsundir nemenda hefji
nám, fjölmargir í fyrsta sinn. Svo vill
til að ég á barnabarn í Perú sem er
nýlega orðið þriggja ára, lítinn
dreng. Skammt er í að hann hefji skólanám, for-
skóli hefst við þriggja ára aldur þar í landi, en
áður en af því verður þarf að velja skóla og svo
þarf skólinn líka að velja barnið.
Í þeim skóla sem varð fyrir valinu þurfti
drengurinn litli að fara í sérstakt inntökuviðtal,
viðtal sem tók allan daginn og foreldrar máttu
ekki vera viðstaddir.
Foreldrarnir sleppa þó ekki, þeir þurfa líka að
fara í viðtal og mega ekki vera saman, það þarf
að yfirheyra þau hvort fyrir sig og spyrja um
svo mikilvæga hluti sem: Hvað finnst þér um
það ef konan er með hærri laun en karlinn? Líka
er spurt svo: Hvað finnst þér um það ef foreldrarnir eru
ekki giftir?
Víst eru þetta grundvallarspurningar og eins gott að
koma slíku á hreint áður en það er samþykkt að foreldr-
arnir borgi 600.000 kr. fyrir þau forréttindi að fá að ganga
í franska, enska, þýska eða ítalska skólann og svo 60.000 á
mánuði fyrir að fá að vera í skólanum.
Nú heldur kannski einhver að það sé ekki stórmál í
hvernig skóla piltur fer þegar hann er svo ungur, en það er
öðru nær. Það er stórmál hvaða skóli er skráður á fer-
ilskrána þegar sótt verður um vinnu í framtíðinni og heim-
ildir mínar herma að málum sé svo háttað að skömmin
sem felst í því að hafa gengið í lélegan skóla
verði aldrei af manni þvegin; sá sem ekki gekk í
réttan skóla fær aldrei góða stöðu eða almenni-
leg laun, sama hversu vel gerður hann er til
munns og handa.
Ofangreint dæmi á vitanlega aðeins við um
einkaskóla í Perú, það er nefnilega líka hægt að
fara í skóla sem rekinn er af hinu opinbera og
það gerir þorri barna þótt ekki séu allir slíkir
skólar góðir. Í perúskum fjölmiðlum rekst mað-
ur og á fregnir af mótmælum foreldra vegna
þess að almenningsskólarnir séu ekki nógu góð-
ir, kennslu ábótavant eða námsgögn lítil eða
engin. Til eru líka ýmsar fræðilegar rannsóknir
sem renna stoðum undir það að sú skipan sem
er við lýði í skólakerfi Perú sé til þess fallin að
viðhalda stéttaskiptingu í landinu; til að mynda
sæki börn í Andesfjöllum, sem hafa quechua að
móðurmáli, frekar almenningsskóla en börn spænsku-
mælandi í stórborgum landsins frekar einkaskóla.
Hugsanlega hverfur þessi skipting með tímanum; op-
inbera skólakerfið hefur aukið læsi úr 35% í 88% á einum
mannsaldri og aukin menntum dregur alla jafna úr mis-
munun, en mörgum þykir sem heldur hægt miði. Þar er-
um við og komin að einum helsta gallanum við kenningar
þeirra sem berjast vilja fyrir einkaskólarekstri – víst sér
ósýnilega höndin fyrir því að allt komist í eðlilegt jafnvægi
á endanum, en það getur tekið svo langan tíma, allt of
langan tíma fyrir börn sem eru að byrja í skóla í næstu
viku eða þarnæstu.
Árni
Matthíasson
Pistill
Í skólanum, í skólanum
STOFNAÐ 1913
Útgáfufélag: Árvakur hf., Reykjavík.
Ritstjórar:
Davíð Oddsson Haraldur Johannessen
Aðstoðarritstjóri:
Karl Blöndal
Útgefandi:
Óskar Magnússon
Samkvæmt tölum frá Umferð-
arstofu voru 7.485 ökutæki til-
kynnt óvátryggð á landinu öllu
1. maí sl. Óvátryggð ökutæki
sem tilkynnt voru á árinu og
enn voru óvátryggð 1. maí voru
1.396 og á síðustu tólf mán-
uðum var tilkynnt um 2.990
óvátryggð ökutæki. Hefur þeim
fjölgað mikið en á síðustu 24
mánuðum var tilkynnt um 3.631
óvátryggt ökutæki til Umferð-
arstofu.
Taka ber fram að ekki öll
þessara ökutækja eru í umferð
en einhver fjöldi þó og ljóst að
grípa verður til einhverra að-
gerða til að fækka þessum öku-
tækjum.
Yfir 7.000
óvátryggð
FJÖLDI ÖKUTÆKJA