Morgunblaðið - 20.09.2011, Qupperneq 10

10 DAGLEGT LÍFHreyfing og útivist
MORGUNBLAÐIÐ ÞRIÐJUDAGUR 20. SEPTEMBER 2011
María Ólafsdóttir
maria@mbl.is
F
jallagarpurinn og leið-
sögumaðurinn Atli
Pálsson er nú á leið-
inni til Nýja-Sjálands
í annað sinn til að
starfa sem jöklaleiðsögumaður.
Atli hóf fjallamennsku sína í hjálp-
arsveit skáta í Kópavogi fyrir sjö
árum.
Hugmynd yfir kaffibolla
„Þegar ég byrjaði í hjálp-
arsveitinni hafði ég ekki hugmynd
um að hægt væri að starfa sem
leiðsögumaður. En síðan bauðst
mér að aðstoða móðurbróður minn
með hóp ferðamanna sem ætluðu
að ganga Laugaveginn að Fjalla-
baki árið 2005. Ég varð hálfundr-
andi að heyra að hann ætlaði að
borga mér fyrir að sinna áhuga-
málinu mínu og sá þá að þetta
gæti orðið eitthvað sem ég gæti
starfað við. Síðan réð ég mig sem
leiðsögumann í Kverkfjöll heilt
sumar og eftir það varð ekki aftur
snúið. Starfið á Nýja-Sjálandi fékk
ég svo í gegnum nýsjálenskan
fjallaleiðsögumann sem ég tók
próf í jöklaleiðsögn hjá hér á Ís-
landi. Ég hafði nefnt við hann yfir
kaffibolla að það væri gaman að
fara til Nýja-Sjálands og hann lét
fyrirtækið sem hann vann hjá ytra
vita af mér. Síðan barst mér bara
tölvupóstur með boði um að koma
og ég sló til,“ segir Atli.
Jöklaganga í regnskógi
Atli starfar í bænum Fox á
vesturströndinni en bærinn er við
sjávarmál og fellur Fox-jökullinn
Jöklaleiðsögumaður
á Nýja-Sjálandi
Atli Pálsson segir fjallabakteríuna vera nokkuð sem menn hafi ekki getað útskýrt
almennilega. Hann starfar sem fjalla- og jöklaleiðsögumaður hér heima á sumrin
en mun eyða næsta vetri sem jöklaleiðsögumaður í nýsjálenska bænum Fox. Stað-
urinn er á heimsminjaskrá en það er allsérstætt að jökullinn rennur í gegnum
regnskóg og hefst gangan því innan um litríkar plöntur og villta páfagauka.
Fjallagarpur Alpaklifur í Nýja Sjálandi, tekið á Mt.Cook.
Vefsíðan netfit.co.uk er ein stærsta
og mest leiðandi vefsíðan um heilsu
og hreyfingu í Bretlandi. Þar má
finna greinar og góð ráð um matar-
æði, líkamsrækt og almenna næring-
arfræði. Á vefsíðunni má meðal ann-
ars kynna sér hvernig best þykir að
ná magavöðunum stinnum og flott-
um.
Æfingunum er skipt eftir þremur
erfiðleikastigum og eru ljósmyndir
sýndar af hverri æfingu. Eins er skýr-
ingartexti með myndinni þar sem
segir hversu oft maður eigi að endur-
taka æfinguna. Kemur sér vel fyrir þá
sem vilja gera góðar magaæfingar
ýmist heima fyrir eða í líkamsræktar-
salnum. Oftast þarf ekkert aukalega í
æfingarnar en sumar eru þó gerðar á
bolta eða notað lóð með æfingunni.
Vefsíðan Netfit er full af góðum ráð-
um fyrir bæði byrjendur og lengra
komna.
Vefsíðan www.netfit.co.uk
Púl Í góðu veðri er hægt að gera magaæfingarnar úti við.
Leiðin að stinnari maga
Sunnudaginn næstkomandi verður
Hjartadagshlaupið haldið og verða
hlaupnir 5 km og 10 km með tíma-
töku. Hlaupið hefst kl. 10:00 á Kópa-
vogsvelli og verða úrslit birt eftir ald-
ursflokkum í karla- og kvennaflokki.
Allir sem ljúka hlaupi fá þátttöku-
viðurkenningu frá Hjartavernd. Veitt
verða vegleg verðlaun fyrir fyrsta
karl og konu í 5 og 10 km hlaupi og
útdráttarverðlaun. Hlaupið verður út
á Kársnes og til baka í mark inni á
Kópavogsvelli. Skráning fer fram á
hlaup.is, þar sem nálgast má nánari
upplýsingar, og á staðnum sama dag
frá klukkan 9.
Endilega …
… hlaupið fyrir
Hjartavernd
Morgunblaðið/Golli
Hlaup Hlaupið á degi Hjartaverndar.
Síðastliðinn fimmtudag, 15. sept-
ember, var Icelandair-hlaupið en þá
var að venju hlaupið kringum Reykja-
víkurflugvöll. Þetta er 7 km leið, slétt
og hröð braut, ekki of langt og ekki of
stutt og því tilvalið fyrir byrjendur.
Enda lét unga fólkið sig ekki vanta. Í
heildarúrslitum var Kári Steinn Karls-
son, fæddur 1986, fyrstur í mark á
tímanum 21:12.
Í öðru sæti var Haraldur Tómas
Hallgrímsson, fæddur 1990, á tím-
anum 24:13. Fast á hæla honum í
þriðja sæti var Tómas Zoëga Geirs-
son, fæddur 1993, á tímanum 24:18,
en Tómas var auk þess efstur í sínum
aldursflokki, 15-18 ára.
Bróðir Tómasar, Reynir Zoëga
Geirsson, fæddur 1999, var efstur í
sínum aldursflokki á tímanum 26:40.
Í aldursflokki stelpna 14 ára og
yngri var Arna Dís Þórdísardóttir,
fædd 1997, fyrst í mark á tímanum
30:48.
Í aldursflokki stelpna 15 til 18 ára
landaði Anna Þuríður Pálsdóttir,
fædd 1993, fyrsta sætinu á tímanum
35:04
Úrslit
Unga fólkið stóð sig vel í vin-
sælu Icelandair-hlaupinu
Sprett úr spori Bæði byrjendur og lengra komnir hlupu um nýliðna helgi.
Skannaðu kóðann
til að fara inn á
vefsíðuna.
Svanhildur Þorgeirsdóttir bar um
helgina sigur úr býtum í svokallaðri
Metroform-keppni sem haldin var á
vegum veitingastaðarins Metro.
Keppnin var fólgin í því að ná sem
bestum árangri í bættum lífsstíl og
betri heilsu. Alls tóku 20 manns á aldr-
inum 20 til 48 ára í þátt og öttu kappi í
átta vikur. Siguvegarinn hlaut eina
milljón króna í verðlaun og því var til
mikils að vinna.
Alvöru lífsstílsbreyting
„Þetta gekk vonum framar og ég
missti 10,3 kg á sjö vikum. Mér hefur
aldrei gengið jafn vel í baráttunni við
aukakílóin og held að ein aðalástæðan
sé sú að nú var ég að gera þetta á rétt-
um forsemdum. Í sumar var ég t.d. að
reyna að hamast fyrir brúðkaupið mitt
sem var bara einn dagur en þetta er
miklu meiri lífsstílsbreyting,“ segir
Svanhildur. Hún hætti að drekka gos
og svo gott sem að borða sælgæti.
Annars borðaði hún allan venjulegan
mat nema bara minna af honum. „Það
er mikilvægast að gera þetta í litlum
áföngum og fara hægt af stað. Þú
eyðileggur ekkert átakið þó þú stelist í
tvær kexkökur einn daginn, þá gerir þú
bara betur næsta dag,“ segir Svan-
hildur. Hún er þakklát aðstandendum
keppninnar og segir alla keppendurna
í raun standa uppi sem sigurvegara.
Með vinningsfénu ætlar hún að fjár-
festa í heilsunni og bjóða eiginmann-
inum í brúðkaupsferð.
Sigurvegari í Metroform
Morgunblaðið/Kristinn
Hamingjustund Sigurvegarinn var að vonum ánægður með árangurinn.
Mikilvægt að fara hægt af stað og muna að tvær
kexkökur einn daginn eyðileggja ekki átakið
Sigurvegari Svanhildur náði góðum árangri og missti tæplega 11 kg.