Morgunblaðið - 20.09.2011, Side 22

22 MINNINGAR
MORGUNBLAÐIÐ ÞRIÐJUDAGUR 20. SEPTEMBER 2011
✝ Árni Árnasonfæddist 12.
febrúar 1927.
Hann lést 13. sept-
ember 2011.
Árni var sonur
hjónanna Árna Jó-
hanns Ingimundar
Árnasonar, sem
kenndur var við
Gasstöðina, og
Helgu Guðmunds-
dóttur eiginkonu
hans. Bróðir hans var Guð-
mundur Árnason, forstjóri, sem
nú er látinn.
Árni fæddist í húsinu Aust-
urbakka við Bakkastíg í
Reykjavík og ólst þar upp til
1929 er fjölskyldan flutti á
Bergstaðastræti 80 í Reykjavík.
Þann 23.12. 1950 kvæntist
Árni Guðrúnu Pálsdóttur hús-
móður, f. 5.9. 1929. Hún er dótt-
ir Páls Einarssonar rafmagns-
eftirlitsmanns og Ingunnar
Guðjónsdóttur, sem bæði eru
látin. Börn Árna og Guðrúnar
eru 1. Árni Þór Árnason, f.
1951, kvæntur Guðbjörgu Jóns-
dóttir, f. 1951. Börn þeirra eru
a) Sandra Dögg, f. 1976, gift
Davíð Guðmundssyni, f. 1972.
Börn þeirra eru Daníel Aron, f.
2002, Helena María, f. 2005 og
Carmen Sara f. 2011. b) Árni, f.
1978, giftur Hörpu Dögg Magn-
úsdóttur, f. 1979. Börn þeirra
eru Tara Lóa, f. 2006 og Árni
Jóhann, f. 2009. c) Agnes Þóra,
f. 1988. 2. Þórhildur, f. 1954,
gift Valdimar Olsen, f. 1948.
Börn þeirra eru a) Rúnar Örn,
f. 1974, b) Guðrún, f. 1980 og c)
Valdimar 1981. 3. Guðjón Ingi,
til rúms eða fjölga starfs-
mönnum, en þau Guðrún höfðu
séð um alla starfsemina hingað
til. Þau fluttu búferlum til
Punta Gorda í Florida og sett-
ust að við 3 green á golfvelli
bæjarins og nutu efri áranna
þar, en komu árlega til Íslands
öll árin. Árið 2008 fluttu þau al-
farið til Íslands og settust að í
Sóltúni 10, Reykjavík. Árni æfði
og keppti í handknattleik með
kf. Víking á sínum yngri árum.
Hann sat í stjórn handknatt-
leiksdeildar Víkings, í 15 í
stjórn og formennsku í hand-
knattleiksráði Reykjavikur,
beitti sér fyrir stofnun Hand-
knattleikssambands Íslands
(HSI) árið 1957 og var formað-
ur þess fyrstu 2 árin. Stofnaði
handknattleiksdómarafélagið
og kom á fyrstu milliríkja-
samskiptum í handknattleik
með þátttöku kvennalandsliðs í
handknattleiksmóti norður-
landanna 1956 og var far-
arstjóri íslenska hópsins. Hann
beitti sér fyrir þátttöku Íslands
í heimsmeistarakeppni karla
1958 í Austur-Þýzkalandi og
var fararstjóri íslenska liðsins.
Sat í stjórnum ÍBR, ÍSÍ og ýms-
um nefndum varðandi íþróttir,
einkum er lutu að handknatt-
leik. Þá sat hann í nokkur ár í
stjórn Íslendingafélagsins í N-
Kaliforníu, m.a. sem formaður
og í fjögur ár í stjórn Íslend-
ingafélagsins í Florida. Hann
var sæmdur gullmerki HKRR,
gullmerki Víkings, stjörnu ÍBR,
krossi ÍSÍ og heiðurskrossi HSÍ,
fyrir störf í þágu íþróttahreyf-
ingarinnar.
Útför Árna fer fram frá
Dómkirkjunni í Reykjavík í
dag, 20. september 2011, og
hefst athöfnin kl. 15.
f. 1958, í sambúð
með Sigríði Dögg
Geirsdóttur, f.
1960. Börn hans og
fv. eiginkonu hans,
Guðrúnar Gunn-
arsdóttur, f. 1959,
eru a) Gunnar, f.
1982, b) Helgi, f.
1983 og c) Brynja,
f. 1986.
Árni stundaði
nám í Menntaskóla
Reykjavíkur í fjóra vetur og
réðst til American Overseas
Airlines 1948-50 og stofnaði í
framhaldi Flugferðir hf. með
Steindóri Hjaltalín og sá um
rekstur þess sumarið 1950 þar
til flugvél félagsins fórst á Mel-
gerðismelum. Hann starfaði sem
sölumaður hjá G. Þorsteinsson &
Johnson 1950-61. Var forstjóri
og meðeigandi í Ford bifreiða-
umboðinu Sveinn Egilsson hf.
1961-63 og framkvæmdastjóri
bíladeildar SÍS 1963-67. Það ár
stofnaði hann heildverslunina
Austurbakka utan um Dunlop
umboðið og nokkur smærri um-
boð á heilbrigðissviði. Hann var
forstjóri til ársins 1982 er hann
flutti til Bandaríkjana og setti
upp innkaupafyrirtækið East-
bank Trading í Vacaville í ná-
grenni San Francisco í Kali-
forníu. Þar stóð hann fyrir
vöruútvegun fyrir bæði íslensk
og evrópsk fyrirtæki. Hann rak
fyrirtækið til 1991 þegar það
var orðið það umfangsmikið að
annaðhvort var að flytja starf-
semina til Íslands sem var þá
auðveldara með þeirri fjar-
skiptatækni sem hafði rutt sér
Elsku pabbi, það er erfitt að
kveðja þó að við vissum hvert
stefndi. Erfiðri baráttu er nú lok-
ið og þú kominn upp í ljósið, þar
sem þú hefur fengið frelsi. Aðal-
atriðið er að þér líður vel núna.
Þú varst góður gamall maður og
það var gaman að sjá hvað þú
elskaðir barnabörnin mikið. Ég
ætla að hafa þetta stutt því við
vorum búin að kveðjast, fara með
bænir og syngja saman á spít-
alanum og ég búin að segja þér
allt. Þú kvaddir í frið og ró og
veðrið var eins dásamlegt og
hægt var, þú sveifst inn í sólar-
lagið. Við skulum hugsa eins vel
um mömmu og hægt er. Ég kveð
þig með þessum línum
Vort traust er allt á einum þér,
Því allt þú gott oss veitir.
Þín náð og miskunn eilíf er,
þú öllu’ í sigur breytir.
(P. Jónsson.)
Þín dóttir
Þórhildur.
Ég er yngsta barnabarn afa.
Hann var fluttur til Bandaríkj-
anna áður en ég fæddist. Þegar
ég var 18 ára fékk ég tækifæri til
að dvelja hjá ömmu og afa í Flo-
rida og sækja skóla þar í þrjá
mánuði. Ég þekkti afa ekki mikið
áður en ég flutti út, en á þessum
þrem mánuðum fékk ég að kynn-
ast honum almennilega í fyrsta
skipti. Við áttum margar yndis-
legar stundir saman þegar hann
skutlaðist með mig út um allt,
höfðum það kósí við sundlaugar-
bakkann og síðan deildum við
sameiginlegu áhugamáli sem er
að borða góðan ís.
Afi var mikill business-maður
og ísbúðin í hverfinu var alltaf
með „Buy one, get one free“ á
rigningardögum og þar af leið-
andi fórum við afi alltaf út í ísbúð
þegar það var rigning. Minningin
um afa mun alltaf lifa með með
mér og ég er fegin að hafa fengið
að búa með afa og ömmu og feng-
ið að kynnast afa svona vel.
Ég sakna þess að vera ekki
með ömmu í dag og sendi hjart-
ans kveðjur heim.
Blessuð sé minning hans.
Agnes Þóra Árnadóttir
Colorado Springs.
Ótæmandi talning minnis-
stæðra og ánægjulegra atvika
kemur upp í hugann þegar sest
er niður og reynt er að einbeita
sér að því að skrifa nokkur fá-
tækleg orð um stórmerkilegan
mann, hann afa okkar, afa Árna
eða afa í Ameríku eins og við
systkinin kölluðum hann þegar
við vorum lítil og jafnvel enn.
Nafngiftin hefur reyndar erfst
niður til niðja okkar því barna-
barnabörnin hafa alla tíð kallað
hann afa í Ameríku þó að afi og
amma séu löngu flutt heim til Ís-
lands.
Afi og amma í Ameríku fluttu
til Californiu þegar við vorum 7
og 5 ára og svo seinna til Florida.
Ævintýrablærinn var mikill yfir
Ameríkubúunum og snemma átt-
uðum við okkur á því að afi hafði
mikil sambönd og stundaði við-
skipti að kappi. Það var ekkert
sem afi gat ekki reddað og eng-
inn sem hann þekkti ekki. Við
skrifuðum ömmu og afa ótal bréf
til Ameríku og þar sem þau
bjuggu nú í sama landi og Mich-
ael Jackson þá þótti okkur alger-
lega nauðsynlegt að skrifa hon-
um líka bréf í leiðinni og sendum
bréfið til afa þannig að hann gæti
farið með bréfið í eigin persónu.
Hann tók að sjálfsögðu vel í það
og sagðist mundu koma bréfinu
til skila. Afi hafði þá einstöku
hæfileika að láta okkur líða eins
og engin takmörk væru á því
hvað hægt væri að gera.
Afi var mikill framkvæmda-
maður og gekk oft skrefinu
lengra en aðrir í þeim efnum.
Okkur er ofarlega í huga þegar
hann var staddur á flugvelli með
Adda og þeir hittu frægan körfu-
boltamann úr NBA-deildinni. Afi
lét ekki tækifærið renna sér úr
greipum og óð að körfuboltahetj-
unni og fékk að taka mynd af
honum með barnabarninu. Allt
til að gleðja barnabarnið og njóta
augnabliksins svo munað var eft-
ir. Það var líka afa líkt að ganga
enn lengra því ákvað síðan að
senda svo körfuboltamanninum
myndina í kjölfarið áritaða af
barnabarninu hans. Við erum
enn fullviss um að körfubolta-
hetjan heldur allra mest upp á
þessa mynd því enginn nema afi
gengur aðeins lengra en aðrir.
Fyrir okkur var það líka það sem
gerði hann sérstakan.
Afi var víðsýnn og ævintýra-
gjarn, ávallt tilbúinn til að læra
nýja hluti og fá nýjar viðskipta-
hugmyndir, sem hann fram-
kvæmdi. Hann lærði að sigla
skútu á eldri árum og lét sér það
ekki nægja heldur lagði það á sig
að læra líka á tölvu; það eiga ekki
margir afa sem er yfir 80 ára og
sendir manni tölvupóst. Reyndar
fannst honum öruggara að
prenta út frekar en að áfram-
senda tölvupósta.
Afi naut þess að vera í kring-
um barnabarnabörnin sín fimm.
Við munum oft eftir honum sitja
löngum stundum og fylgjast með
þeim í leik án þess að eiga við þau
orðastað. Bara að gleðjast yfir
leik ungviðisins. Við þau var
hann alla tíð svo blíður.
Við munum sakna afa Árna
mikið en gleðjumst jafnframt yf-
ir ánægjulegum samvistum við
hann. Fyrir það erum við ævar-
andi þakklát.
Sandra Dögg Árnadóttir
og Árni Árnason.
Árni Árnason, föðurbróðir
okkar, verður í dag lagður til
hinstu hvíldar. Útförin fer fram
frá Dómkirkjunni í Reykjavík.
Árni hélt góðri heilsu fram á síð-
ustu ár og náði því að verða 84
ára.
Það var stutt fyrir okkur
systkinin að fara á Bergstaða-
strætið í æsku. Einungis var yfir
tvo garða að fara. Árni og Guð-
rún bjuggu þar ásamt Árna afa
og Helgu ömmu. Frændsystkinin
voru bæði leikfélagar og skóla-
félagar þannig að kynnin urðu
einnig meiri þess vegna. Það
hélst svo í hendur að foreldrar
okkar frændsystkinanna fluttu í
stuttan tíma út á Seltjarnarnes
eftir að húseignirnar á Berg-
staðastræti og Fjölnisvegi, þar
sem við bjuggum, höfðu verið
seldar. Og þaðan var flutt í Háa-
leitishverfið. Ekki var langt á
milli Brekkugerðis og Stóragerð-
is.
Snertifletirnir voru einnig í fé-
lagsstarfi og atvinnurekstri. Árni
vann hjá föður okkar um tíma og
svo skemmtilega vildi til að Mar-
grét, systir okkar, varð fram-
kvæmdastjóri Austurbakka árið
2005 þegar nýir eigendur tóku
við rekstri fyrirtækisins. Árni
eignaðist hlutabréfin í fjöl-
skyldufélaginu Austurbakka
þegar hann stofnaði heildverslun
sína með sama nafni á árinu 1967.
Eftir að Árni flutti til Bandaríkj-
anna og stofnaði Eastbank Trad-
ing hafði hann milligöngu um út-
vegun á ýmsum vörum frá
Bandaríkjunum fyrir Árvík, sem
faðir okkar stofnaði árið 1983,
þegar heildversluninni G.Þor-
steinsson & Johnson var skipt í
tvö félög. Árni starfaði um tíma
sem sölumaður hjá því félagi
þegar það var til húsa í Grjóta-
götu 7.
Það var gott að heimsækja
Árna og Guðrúnu í Bandaríkjun-
um. Þau tóku á móti miklum
fjölda gesta um langt árabil, bæði
í Kaliforníu og Florída. Ræturn-
ar voru þó alltaf til Íslands og
komu þau hjónin reglulega heim
á jólum og á sumrin. Tengslin
voru þá endurnýjuð.
Við frændsystkinin vottum
Guðrúnu og börnunum, Árna
Þór, Þórhildi og Guðjóni Inga,
mökum þeirra, börnum og barna-
börnum innilega samúð okkar við
fráfall Árna. Við kveðjum hann
með virðingu og þakklæti.
Margrét, Helga Lára,
Aðalsteinn og Árni.
Kveðja frá Knattspyrnu-
félaginu Víking
Látinn er í Reykjavík á áttug-
asta og fimmta aldursári sóma-
og framkvæmdamaðurinn, Árni
Árnason, forstjóri og gullmerk-
ishafi Knattspyrnufélagsins Vík-
ings og velgjörðarmaður um
langa tíð. Má með sanni segja að
fáir menn í liðugri 100 ára sögu
félagsins hafi komið jafn víða við
og markað jafn djúp spor í þá
sögu sem Árni Árnason.
Starfsvettvangur Árna varð
snemma verslun og viðskipti.
Hann stofnaði og varð fyrsti for-
stjóri heildverslunarinnar Aust-
urbakka hf. árið 1967 eftir feril
sem sölumaður, framkvæmda-
stjóri og stjórnarformaður
margra fyrirtækja í Reykjavík
og víðar á sjötta, sjöunda og fram
á níunda áratug síðustu aldar.
Má segja með sanni að vöru-
merki hans alla tíð í öllum rekstri
hafi verið heilbrigð og traust við-
skipti í hvívetna. Skaphöfnin var
alltaf ljúf en hann var mikill
keppnismaður og honum var
ósýnt um að tapa.
Árni varð snemma félagsmála-
maður og helgaði Kf. Víkingi
krafta sína óskipta, einkum
handknattleik, alveg frá stofnun
handknattleiksdeildar í félaginu
á árunum 1939 og 1940, bæði sem
leikmaður og formaður deildar-
innar 1954 til 1957. Hann verður
formaður Handknattleiksráðs
Reykjavíkur 1954 í þrjú ár og aft-
ur stjórnarmaður 1960 til 1972 og
var helsti hvatamaður að stofnun
heildarsamtaka handknattleiks-
manna, HSÍ, árið 1957 og fyrsti
formaður þeirra. Það voru ein-
mitt Víkingar undir forystu Árna
ásamt Valsmönnum, sem áttu
hugmyndina að fyrsta Íslands-
mótinu í þeirri merku íþrótta-
grein árið 1940 og sáu um fram-
kvæmd þess.
Árni sat í aðalstjórn Kf. Vík-
ings á miklum umbrota- og upp-
gangstímum í sögu félagsins á
árunum 1950 til 1954 við flutning
þess í nýtt hverfi í Reykjavík,
Bústaða- og Smáíbúðahverfi, en
sú ákvörðun að flytja höfðuð-
stöðvar félagsins úr miðbæ
Reykjavíkur var mjög umdeild á
þeim tíma í félaginu. Árni var
formaður fyrstu hússtjórnar fé-
lagsheimilis Kf. Víkings við
Hæðargarð 1958 og til er ávarp
formannsins frá sama ári þar
sem stefnumálum stjórnarinnar
er lýst í fáum en hnitmiðum orð-
um. Má segja með sanni að nán-
ast hvert orð í þeirri stefnumót-
un hefur gengið eftir í tímans
rás.
Árni varð fyrsti formaður
blakdeildar félagsins 1973 til
1977 og sat í stjórn skíðadeildar
1980 til 1982. Eftir að stjórnar-
störfum lauk sýndi hann félaginu
sínu alla tíð mikla ræktarsemi og
fylgdist grannt með gangi mála.
Fyrirtæki hans komu ævinlega
að stuðningi við flestar deildir fé-
lagsins þegar kom að útvegun
hvers kyns keppnisbúnaðar á
hverjum tíma, en Árni lagði sig
alltaf eftir því í sínum rekstri að
bjóða fram mikið úrval slíkra
vara.
Árni Árnason var mikill gæfu-
maður í einkalífi sínu. Hann
kvæntist ágætri konu, Guðrúnu
Pálsdóttur f. 1929. Þau voru
einkar samhent hjón og ævinlega
nefnd saman í sömu andrá. Þeim
hjónum varð þriggja barna auðið,
sem öll lifa föður sinn. Þeim öll-
um og fjölskyldum þeirra eru
sendar samúðarkveðjur við frá-
fall Árna Árnasonar, forstjóra.
Við Víkingar kveðjum höfð-
ingja og þökkum honum leið-
sögnina.
Hafðu þökk fyrir allt og allt,
kæri vinur.
Hvíl í friði.
Ólafur Þorsteinsson, form.
fulltrúaráðs Kf. Víkings.
Kveðja frá
formannafélagi HSÍ
Árni Árnason fyrsti formaður
Handknattleikssambands Ís-
lands er látinn. Við undirbúning
að stofnun HSÍ árið 1957 var
Árni sá sem ruddi brautina og
lagði grunninn að stofnun sam-
bandsins, hugmynd sem þá hafði
verið rædd í nokkur ár milli for-
ustumanna handboltans á Ís-
landi. Á þeim tíma var hann for-
maður Handknattleiksráðs
Reykjavíkur og þekkti því vel til
og skildi manna best nauðsyn
þess að stofna HSÍ. Í kjölfarið
tók karlalandsliðið þátt í heims-
meistarakeppninni sem haldin
var árið eftir og þar með var
brautin rudd í þátttöku Íslend-
inga í alþjóðlegum keppnum í
handknattleiknum. Ekki þarf að
kynna landsmönnum árangurinn
því allir þekkja glæsilegan ár-
angur handboltans í öllum
stærstu keppnum í þau rúm
fimmtíu ár sem HSÍ hefur starf-
að. Orð eru til alls fyrst en oft er
framkvæmdin erfiðari en Árni og
hans félagar lögðu sterkan grunn
að starfi HSÍ sem íþróttin nýtur
enn í dag.
Síðar, eða í kringum 1980 kom
Árni aftur inn í stjórn HSÍ, þegar
sá sem þetta ritar var formaður.
Hann var gjaldkeri í tvö ár og
skilaði góðu verki, hagnaði bæði
árin. Stuttu síðar flutti Árni
ásamt eiginkonu sinni, Guðrúnu
Pálsdóttur, til Bandaríkjanna og
bjó þar í um tvo áratugi. Við
heimkomuna tók hann upp þráð-
inn. Hafði samband við okkur
fyrrverandi formenn og hvatti til
þess að við tækjum einhver verk-
efni að okkur fyrir HSÍ. Á 50 ára
afmæli sambandsins árið 2007
var ákveðið í samráði við forustu
HSÍ að formannafélagið tæki að
sér að sjá um að láta skrifa og
gefa út sögu handboltans á Ís-
landi allt frá því að íþróttin barst
til landsins um 1920. Árni hafði
mikinn áhuga á þessu verkefni og
lagði sitt af mörkum til þessa að
vel mætti takast. Nú er því verki
að ljúka og stefnt að útgáfu
tveggja bóka síðar á þessu ári.
En nú er skarð fyrir skildi og
okkar fyrsti formaður genginn á
vit feðra sinna. Það verður því
söknuður þegar sú stund rennur
upp að sagan góða kemur ljóslif-
andi fyrir sjónir landsmanna. En
enginn ræður sínum næturstað
og á kveðjustundu senda fyrrver-
andi formenn HSÍ eiginkonu og
öllum ástvinum Árna samúðar-
kveðjur.
Minningin um góðan félaga og
góðan dreng lifir áfram með okk-
ur öllu. Guð blessi minningu
Árna Árnasonar.
Júlíus Hafstein.
Árni Árnason var einn af
brautryðjendum handknattleiks-
íþróttarinnar á Íslandi og mark-
aði djúp spor ekki síst í fé-
lagslega sögu hennar. Ungur
heillaðist hann af þessari
skemmtilegu íþrótt, lék um ára-
bil með Víkingi og þótti efnileg-
ur. Keppnisferill hans var hins
vegar stuttur þar sem hann hóf
störf á Keflavíkurflugvelli og var
þá hægara sagt en gert að stunda
æfingar.
Fyrir hreina skyldurækni við
félagið sitt tók Árni sæti í stjórn
Handknattleiksráðs Reykjavíkur
árið 1954 og var þá strax kjörinn
formaður ráðsins. Á þeim tíma
fór HKRR raunar með stjórn
íþróttarinnar á Íslandi en tölu-
verð lausatök voru hins vegar á
ráðinu og þegar Árni tók við for-
mennskunni og óskaði eftir gögn-
um þess fékk hann þau afhent í
skókassa. En hann tók verkefni
sitt alvarlega og málin þokuðust í
rétta átt. Eitt af fyrstu verkefn-
um Árna var að koma mótamál-
unum í betra horf og halda dóm-
aranámskeið en á þessum árum
kom það stundum fyrir að leita
þurfti að dómurum á áhorfenda-
pöllunum þegar leikir voru að
hefjast.
Og Árni gerði meira. Í árarað-
ir hafði verið rætt um að stofna
sérsamband handknattleiks-
manna en ekkert orðið úr því.
Árni dreif í því máli og átti öllum
öðrum fremur frumkvæðið að því
að HSÍ var stofnað árið 1957.
Hann var kjörinn fyrsti formaður
sambandsins og það var hann
sem átti frumkvæðið að því að ís-
lenskt handknattleikslið var sent
til þátttöku í HM árið 1958. Og þá
gerði hann annað og meira þar
sem allur undirbúningur ferðar-
innar og fjáröflun lenti á hans
herðum. Með þessari ferð var
fyrsta stóra skrefið stigið við að
koma Íslandi á alheimskort
íþróttarinnar.
Þótt Árni gæfi ekki kost á sér
til endurkjörs hjá HSÍ var langt
frá því að afskiptum hans af
handknattleiknum væri lokið.
Þegar um hægðist hjá honum
starfaði hann aftur innan HKRR
og átti sæti í stjórn HSÍ um ára-
bil. Alla tíð hafði hann mikinn og
einlægan áhuga á handknatt-
leiknum og lagði honum mikið
lið, fullur einlægs áhuga, og fátt
gladdi Árna meira en sú vel-
gengni sem íþróttin á að fagna og
sá glæsilegi árangur sem íslenskt
handknattleiksfólk hefur náð.
Handknattleikshreyfingin á
Íslandi á Árna Árnasyni mikið að
þakka. Hann var ekki maður sem
stóð á torgum og miklaðist af
störfum sínum. Þau vann hann af
hógværð og eljusemi en ákveðni
og ýtni þegar þess þurfti með.
Hann náði árangri. Fyrir það
þakkar ekki aðeins handknatt-
leiksforystan heldur allt hand-
knattleiksfólk landsins. Árna
Árnasonar verður minnst sem
hins sanna dugnaðarmanns og
foringja.
Að leiðarlokum eru Árna
þökkuð óeigingjörn störf hans og
þau spor sem hann markaði. Eft-
irlifandi eiginkonu hans, börnum
þeirra hjóna, barnabörnum, öll-
um aðstandendum og vinum eru
sendar samúðarkveðjur. Guð
blessi minningu um góðan dreng.
Kveðja frá Handknattleiks-
sambandi Íslands.
Knútur G. Hauksson,
formaður,
Einar Þorvarðarson,
framkvæmdastjóri.
Árni Árnason
HJARTAVERND
Minningarkort
535 1825
www.hjarta.is 5351800