Morgunblaðið - 26.09.2011, Side 4

4 FRÉTTIRInnlent
MORGUNBLAÐIÐ MÁNUDAGUR 26. SEPTEMBER 2011
Skógarhlíð 18 • sími 595 1000 • www.heimsferdir.is
Birt með fyrirvara um prentvillu. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Tyrkland
9. október í 10 nætur
Kr. 149.900 – Allt innifalið
Netverð á mann, m.v. 2 fullorðna og 2 börn, 2 – 11 ára, í herbergi á Hotel Grand Cettia **** í 10 nætur
með öllu inniföldu. Netverð á mann í tvíbýli kr. 169.900
Frá aðeins 149.900 með „öllu inniföldu“
Heimsferðir bjóða frábært tilboð á allra síðustu sætunum í
10 nátta ferð til Marmaris í Tyrklandi þann 9. október.
Í boði er m.a. frábært sértilboð á Hotel Grand Cettia ****
með öllu inniföldu á ótrúlegum kjörum.
Einnig önnur mjög góð gisting á sérstökum sérkjörum.
Róbert B. Róbertsson
robert@mbl.is
,,Niðurstaðan er mikil vonbrigði,“
segir Steinar Adolfsson, fram-
kvæmdastjóri Landssambands lög-
reglumanna, um niðurstöðu gerðar-
dóms. ,,Það kemur fram í dómnum
að kjaraleg staða lögreglumanna er
veikari en samanburðarhópa, og
vonbrigðin lýsa sér í því að við höfum
ekki fengið meiri leiðréttingu, sem er
í samræmi við þessa veiku kjaralegu
stöðu lögreglumanna.“
Niðurstaða dómsins felur í sér
4,25% launahækkanir, eins og samið
var um á hinum almenna vinnumark-
aði í vor, auk þrettán þúsund króna
hækkunar á álagsgreiðslu.
Lögreglumenn hafa ekki verk-
fallsrétt og því er erfitt fyrir þá að
fara út í aðgerðir til þess að mótmæla
þessari niðurstöðu dómsins. Steinar
Adolfsson sagðist hafa heyrt raddir
sem bentu á úrræði eins og hópupp-
sögn og að hraustir lögreglumenn
tilkynntu sig veika laugardaginn 1.
október þegar Alþingi verður sett.
,,Gagnvart því að menn veikist og
svo framvegis, þá er það að sjálf-
sögðu eitthvað sem menn verða að
eiga við sjálfa sig og heilsuna sína.
Það sama má segja um hugmyndina
um hópuppsögn. Þetta er stór
ákvörðun sem hver og einn verður að
taka fyrir sig og stéttarfélagið getur
ekki staðið fyrir þessu enda nú í gildi
kjarasamningur,“ segir Steinar og
bætir við að hann hafi ekki mikla trú
á því að það mæti enginn lögreglu-
maður til vinnu 1. október.
Vaxandi óánægja
Ögmundur Jónasson innanríkis-
ráðherra sagði í samtali við Morg-
unblaðið í gærkvöldi að augljóst væri
að innan lögreglunar væri mikil og
vaxandi óánægja með launakjörin.
,,Ég, ásamt öðrum ráðherrum, hef
fengið það staðfest í samþykktum frá
Landssambandi lögreglumanna og
félögum innan sambandsins, sem og í
bréfum frá einstökum lögreglu-
mönnum, að menn eru ekki sáttir við
stöðuna.“ Ögmundur telur þó að lög-
reglan muni hér eftir sem hingað til
rækja starfsskyldur sínar, jafnvel
þótt skorist hafi í odda á vettvangi
kjaramála.
,,Ég hef trú á því að þegar til kast-
anna kemur muni lögreglan sinna
sínum starfsskyldum. Það hefur hún
alltaf gert og ég leyfi mér að ætla að
hún geri það við þingsetningu sem og
við aðra atburði þar sem þörf er á
hennar nærveru,“ sagði Ögmundur.
Í ályktun sem Lögreglufélag Vest-
fjarða sendi frá sér á föstudag for-
dæmir félagið framkomu ríkisvalds-
ins gagnvart lögreglumönnum í
landinu og krefst þess að ríkisvaldið
grípi til tafarlausra aðgerða til þess
að leiðrétta kjör lögreglumanna. Þá
harmaði Fangavarðafélag Íslands
niðurstöðu gerðardóms og lýsti jafn-
framt yfir stuðningi við launakröfur
Landssambands lögreglumanna.
Hópuppsagnir nefndar
 Niðurstaða gerðardóms vonbrigði og lögreglumenn íhuga að mæta ekki til vinnu
 „Ég tel að lögreglan muni sinna skyldum sínum,“ segir Ögmundur Jónasson
„Kjaraleg staða
lögreglumanna er
veikari en saman-
burðarhópa.“
Steinar Adolfsson
Kappar úr Skákfélagi Selfoss og Skákfélagi
Vinjar öttu kappi saman í Bíó Paradís í gær.
Tilefnið var frumsýning á kvikmyndinni
Bobby Fischer gegn heiminum á Riff-
kvikmyndahátíðinni. Ekki var um hefðbundna
skák að ræða heldur var teflt samkvæmt svo-
kölluðu Fischer-Random-afbrigði sem heims-
meistarinn fyrrverandi kynnti til sögunnar
fyrir um fimmtán árum.
Í minningu meistarans Bobby Fischers
Morgunblaðið/Árni Sæberg
Kristján H. Johannessen
khj@mbl.is
„Þetta hefur verið gert árlega í
áratugi,“ segir Erpur Snær Han-
sen, líffræðingur, en hann fór
ásamt sjö öðrum og merkti sjósvöl-
ur og stormsvölur síðsumars í El-
liðaey. Hann segir erfitt að átta sig
á stærð stofnanna, m.a. sökum þess
að búsvæðaval fuglanna er talsvert
ólíkt. „Stormsvalan er töluvert
minni tegund enda minnsti sjófugl-
inn í Norður-Atlantshafi,“ segir
Erpur Snær en um er að ræða 25
gramma fugl sem einkum sækir í
klettaglufur og var hópurinn því
útbúinn sérstakri myndavél til að
finna fuglinn djúpt inni í kletta-
berginu. Sjósvalan er um 50
gramma náttfugl sem heldur sig
mjög nærri lunda og segir Erpur
Snær mörg dæmi þess að hún verpi
í lundaholum. „Hún verpir alls stað-
ar í holum […] en það hefur hvergi
verið lýst jafn miklu samneyti við
lundann og virðist vera í Eyjum,“
segir Erpur Snær og bætir við að
slíkt samneyti sé mjög áhugavert í
ljósi þess að lundinn er varkár þeg-
ar kemur að umferð um lundahol-
ur.
„Það er líkt og um vaktaskipti sé
að ræða, þegar lundinn fer að sofa
þá smeygja þær sér inn.“ Erpur
Snær segir nær allt sjósvölu- og
stormsvöluvarp á Íslandi vera í Eyj-
um og að í júní á næsta ári verði
varpárangur og þéttleiki sjósvöl-
unar skoðaður mun betur en í ár.
Leiðangursmenn veiddu alls 394
svölur, þar af voru 167 sjósvölur og
212 stormsvölur. Að auki endur-
heimtust 15 áður merktir fuglar.
Sjósvalan sögð óhrædd
við að nýta lundaholur
Ljósmynd/Jóhann Óli Hilmarsson
Tignarleg Hin smáa stormsvala er
minnsti sjófugl N-Atlantshafsins og
verpir mikill fjöldi hennar í Eyjum.
 Vel heppnaður leiðangur til svölumerkinga í Eyjum
Mikil sorg ríkir nú í Sandgerði en þar
svipti ellefu ára drengur sig lífi á
föstudagskvöld. „Hann náttúrlega
upplifði mjög mikið einelti í langan
tíma. Hann hefur líka verið að glíma
við geðraskanir svo sem þunglyndi og
fleira. Við vitum auðvitað ekki hvað
er orsök og hvað er afleiðing, þannig
að það er mikilvægt að við forðumst
alla sleggjudóma,“ segir Sigurður
Sigurðsson, sóknarprestur í Útskála-
prestakalli
Mikið fjölmenni var við bænastund
sem Sigurður hélt í Safnaðarheimili
Sandgerðis í gær. „Þar fór fram mikil
losun, sem er liður í úrvinnslu á þess-
ari miklu sorg. Það var farið yfir
ákveðnar staðreyndir og fólk hvatt til
þess að standa saman og hlúa hvað að
öðru,“ segir Sigurður.
Foreldrar drengsins, elsta systkini
og fleiri úr fjölskyldunni mættu til
bænastundarinnar. Segir Sigurður
þau mjög þakklát fyrir samstöðuna
og snortin af því að finna þann kær-
leika sem þar var.
Fjölmenn
bænastund
í Sandgerði
Sorg Hvalsneskirkja við Sandgerði.
Sjálfsvíg ellefu ára
drengs á föstudag
Skemmdarverk voru unnin á 29 leið-
um í kirkjugarðinum í Borgarnesi í
fyrrinótt. Sums staðar hafði leg-
steinum verið velt við en annars
staðar voru krossar rifnir upp, auk
þess sem skreytingar voru skemmd-
ar. Lögreglan í Borgarnesi og Döl-
um leitar skemmdarvarganna og
biður þá sem telja sig geta veitt upp-
lýsingar um málið að hafa samband.
Kirkjugarðar og leiði eru friðhelg
samkvæmt lögum um kirkjugarða
og almennum hegningarlögum.
Röskun á grafarhelgi varðar sektum
og allt að sex mánaða fangelsi sam-
kvæmt ákvæðum hegningarlaga.
sigrunrosa@mbl.is
Skemmdir
á 29 leiðum