Austurland - 23.12.1984, Page 1

Norðfjörður
Þú ennþá átt þinn fagra fjallahring
minnfjörður tœr með spegilgljáann mjúka.
Þig teygjast þeirra armar allt um kring
og ásýnd þína mjúkum fingrum strjúka.
Þú brosir enn eins blítt og áður fyrr
svo birtu slœr á hlíðarvanga grœna.
Þú liggur sem í blíðum blundi kyrr
og bláir tindar niður í djúp þín mœna.
Og börn þín ennþá brauð sitt fá hjá þér.
Á brjóstum þínum rœttust vonir margar.
Til manndómsþroska ýmsir ólust hér,
og enn er sótt á dýpstu mið til bjargar.
Á smáum fleytum fjarðarmiðum á
hinn fyrsti vísir óx til nýrra dáða.
Og nú má þína glœstu sigling sjá,
og sífellt stefnir fram til heillaráða.
María Bjarnadóttir.