Vera - 01.06.1985, Síða 27

hljótt hefurverið um þessa vænlegu atvinnugrein í allri
þeirri umræðu sem átt hefur sér stað um nýsköpun og
eflingu atvinnulífsins, nánast ekki á hana minnst. Talið
er að ferðaþjónusta hafi skilað rúmlega tveimur milljörð-
um króna í þjóðarbúið á s.l. ári. Þetta nemur um 8% af
útflutningsverðmætum þjóðarbúsins og fyrir þeim unnu
5—6% af mannafla þjóðarinnar. Kristín minntist einnig
á að ferðaþjónusta er atvinnuvegur sem býður upp á
fjölbreytt störf sem flest virðast henta konum vel, en
breyttir atvinnuhættir, tæknivæðing og aukin sérhæfni
hefur bitnað í ríkari mæli á konum en körlum og eru þær
oftast meirihluti atvinnulausra. Það er staöreynd sem
ekki má gleyma við uppbyggingu atvinnulífs á íslandi.
Framtíöarstefna
Móta þarf stefnuna í framtíðaruppbyggingu ferða-
þjónustu hér á landi með eftirfarandi markmið í huga
sem Kristín rakti og hér veröur stuttlega drepið á:
í fyrsta lagi er þörf átaks og samræmingar í landkynn-
ingu og sölustarfsemi á sviði ferðamála.
í öðru lagi ber að leggja áherslu á varðveislu þeirra
séríslensku þátta sem heilla erlenda ferðamenn mest,
þ.e. sérstæða óspillta náttúru, ómengað loft og tært
vatn.
í þriðja lagi, þá þarf að nýta náttúrulegar aðstæður til
uppbyggingar heilsustöðva og stefna að því að selja út-
lendingum þjónustu á sviði heilsuræktar og lækninga.
í fjórða lagi ber aö vinna skipulega að því að laða
hingað fjölþjóðlegar ráðstefnur, sem mest utan aðal-
ferðamannatímans.
Síðast en ekki síst þarf að byggja upp menntunarskil-
yrði fyrir þá sem að ferðamálum starfa, þeim þætti hefur
verið lítill gaumur gefinn og ekki seinna vænna að taka
þar til hendi.
Orkuveisla — vitfirring
Vextir af þeim lánum sem þegar hafa verið tekin til
Blönduvirkjunar nema nú 116 milljónum króna á þessu
ári. Það er fjármagnskostnaður af þeim lánum sem þeg-
ar hafa verið tekin vegna virkunarinnar og er þá sagan
ekki nándar nærri öll.
Vitfirring, orkuveisla — hvaða orð sem menn vilja
nota þá nær þetta ekki nokkurri átt, sagði Sigríður Dúna
Kristmundsdóttir við umræðu um lánsfjárlög fyrir áriö
1985. Daginn sem lánsfjárlögin voru til afgreiðslu í efri
deild lagði iðnaðarráðherra fram breytingartillögu þar
sem veitt er heimild til allt að 82 milljóna króna hækk-
unar á lántöku vegna Blönduvirkjunar ef semst um
stækkun álversins.
Hér er ekki velt vöngum yfir því hvort til séu peningar
eöa ekki, heldur tekið enn eitt dýrt lánið til framleiðslu
sem annaðhvort er óseljanleg á svo mikið sem kostnað-
arverði eöa óseljanleg með öllu, samanber þær um-
frambirgðir sem til eru af raforku sem þegar eru fyrir í
landinu.
Þjóðfélagslegt
gildi
heimilis-
starfa
Það færist sífellt í aukana að rædd séu á Alþingi
málefni sem miða að bættum hag kvenna og barna
og má það fyrst og fremst þakka því að nú á þessum
vetri hafa óvenju margar konur setið á þingi í lengri
eða skemmri tíma. Auk þeirra níu kvenna sem eru
fastir þingmenn hafa sjö konur komið inn sem vara-
þingmenn, þar af þrjár Kvennalistakonur.
Nýlega var flutt þingsályktunartillaga, sem lögð var
fram af Maríönnu Friðjónsdóttur (Alf.), þar sem farið er
fram á að skipuð verði 7 manna nefnd sem hafi það hiut-
verk að meta þjóðhagslegt gildi heimilisstarfa og gera
úttekt á hvernig félagslegum réttindum og mati á
heimilisstörfum er háttað samanborið við önnur störf í
þjóðfélaginu.
Tillaga og málflutningur Maríönnu hlaut góðar undir-
tektir þeirra þingmanna sem á hlýddu. Kristín Halldórs-
dóttir sagði að allt það sem minnst væri á í greinargerð
tillögunnar, væri Kvennalistakonum kappsmál að
breyta til betri vegar. Hún benti á að Kvennalistinn hafi
lagt fram tillögur til úrbóta á þeim vandamálum sem
þarna er vikið að, s.s. varðandi dagvistunarmál og leng-
ingu fæðingarorlofs og að heimavinnandi sitji við sama
borð og útivinnandi i þeim efnum og að nú liggur fyrir
nefnd tillaga þess efnis að heimilisstörf verði metin til
starfsreynslu á vinnumarkaði. Kristín lýsti stuðningi
Kvennalistans við tillöguna og sagði að úttekt og heild-
arskýrsla um ástandið i þessum málum yrði áreiðan-
lega til að vekja menn til umhugsunar og tilefni ein-
hverra athafna.
27