Vera - 01.08.1991, Blaðsíða 33

ÞINGMÁL
fram í sækir. Meðal breytinga má
nefna að skattakerfið verður
samræmt. Það blasir við Dönum
að breytingarnar muni setja
dönsku velferðarkerfi stólinn fyrir
dyrnar, en þeir eru framar flestum
þjóðum EB þegar félagslegt öryggi
þegnanna á í hlut. Félagsmála-
hliðin er ófrágengin og það er hið
versta mál.
7• Eins og áður segir teljum við
það grundvallaratriði að hver
einstaklingur geti haft áhrif á
umhveríi sitt og eigi hlut í þeim
ákvörðunum sem varða líf hans og
þar með þjóðarinnar. Á hinu
evrópska efnahagssvæði verður
komið á fót dómstól og eftirlits-
stofnun sem munu dæma í málum
sem varða samninginn um EES.
Þessar stofnanir verða æðri
þjóðþingum og innlendum dóm-
stólum. Samningarnir ná ylir
breitt svið og lagabálkar EB sem
gilda munu á öllu svæðinu ná til
hinna smæstu atriða. Þvi mun
verða mikil breyting á íslenskum
lögum, án þess að Íslendingar geti
haft nokkur áhrif á einstök atriði,
hvað þá alþingi sem stendur
frammi fyrir því að samþykkja öll
herlegheitin eða fella. Þarna er á
ferðinni yiirþjóðlegt vald, sem við
verðum að hlíta. Það verða ekki
lengur íbúar landsins sem ráða
för, heldur þær ákvarðanir sem
teknar verða í Brussel, en þar
munu EFTA-ríkin hafa afar lítil
áhrif. Við viljum ekki sjá
íslendinga í þessari stöðu, þótt á
móti komi tollfríðindi og hugsanleg
atvinnuuppbygging,
8. Grundvallaratriði í þeim breyt-
ingum sem framundan eru innan
Evrópubandalagsins er hið svo-
kallaða f|órfrelsi. Frelsi fjármagns-
ins, frelsi vinnuaflsins, frelsi
vöruílutninga og þjónustu. Ef af
samningum um evrópskt efna-
hagssvæði verður mun íjórfrelsið
gilda á öllu svæðinu. Engin úttekt
hefur verið gerð á þvi hvað þetta
rnun hafa í för með sér fyrir
Islendinga. Engin umræða hefur
átt sér stað opinberlega um það
hversu langt íslendingar vilja
ganga í þessum efnum, enda engir
fyrirvarar lengur af hálfu íslensku
samningamannanna hvað varðar
ijórfrelsið. Aðalatriðið er að fólk
geri sér grein fyrir því hvað þessir
samningar hafa í för með sér og
taki afstöðu út frá því.
9. Nokkrar EFTA-þjóðir eru þegar
á leið inn í EB, af ýmsum ástæð-
um. Svo dæmi sé tekið af Svíum þá
eru viðskipti þeirra við EB gífurleg
og þeir sjá fram á mun lakari
samkeppnisstöðu utan banda-
lagsins en innan þess og vilja hafa
áhrif á stefnumótun. Willy Brandt
sem hér var á ferð fyrir skömmu
benti á að það hlyti að verða hálf
einkennileg staða fyrir EFTA-ríkin
að hlíta lögum og samþykktum EB
en hafa lítil sem engin áhrif á
ákvarðanir þess. Því er niður-
staðan sú að eitt skref bjóði nánast
óhjákvæmilega upp á annað, þ.e.
inngöngu í Evrópubandalagið.
Aðild að EB kemur ekki til greina
fyrir okkur að óbreyttu og þvi á
ekki heldur að stíga fyrsta skreflð.
10. Aðild að hinu evrópska efna-
hagssvæði mun fylgja mikill
kostnaður fyrir íslendinga. Hér
verður að koma upp starfsliði og
sérfræðingum (il að annast þau
mál sem snerta EES, en ekkert
liggur fyrir um það hvað aðild mun
kosta í starfsliði. Einn af samn-
ingamönnum Sviss sem hér var á
ferð ásamt nokkrum þingmönnum
EB og EFTA spurði mig hvort
íslendingar hefðu sérmenntaðan
mannskap í þetta allt og hvernig
íslendingar ætluðu að ráða við þau
ósköp sem fylgdu. Því gat ég ekki
svarað. Þá þurfa íslendingar að
greiða dágóða upphæð í þróunar-
sjóð EB sem aðstoða mun van-
þróuð svæði Suður-Evrópu. Það er
útbreiddur misskilningur að
íslendingar muni njóta góðs af
sjóðum EB ef við álpumst þangað
inn, en það er ekki rétt. Við erum
háþróað svæði samkvæmt skil-
greiningum EB og getum vel séð
um okkur sjálf. Ekki verður
grænan eyri þaðan að hafa nema
hugsanlega til samstarfsverkefna
ileiri þjóða.
Af því sem hér hefur verið
tíundað má ljóst vera að við íslend-
ingar stöndum frammi fyrir
gífurlega mikilvægum ákvörðun-
um sem varða framtíð okkar allra
svo og komandi kynslóða. í 114 ár
(1830-1944) börðust íslendingar
fyrir því að ná löggjafarvaldinu,
framkvæmdavaldinu og dóms-
valdinu úr höndum Dana og færa
stjórn eigin málefna frá Kaup-
mannahöfn til Reykjavíkur. Sú öld
sem nú er að renna sitt skeið á
enda hefur einkennst af baráttu
fyrir mannréttindum og jöfnuði
allra þegna þessa lands. Það er
stórt skref að snúa blaðinu við og
taka stefnuna í faðm evrópskrar
sameiningar undir merkjum við-
skiptafrelsis, sem kann að hafa í
för með sér afsal á stjórn eigin
mála á mörgum sviðum og bakslag
í þeirri jafnréttisbaráttu sem hér
hefur verið háð með nokkuð
góðum árangri. Ekki vil ég spá þvi
að glötun íslenskrar þjóðar blasi
við. Ég hef einfaldlega það mikla
trú á lýðræðis- og baráttuhefðum
Evrópubúa að ég irúi því ekki að
þeir muni sætta sig við mið-
stýringarbáknið til lengdar. Við
Kvennalistakonur viljum gott
samstarf og samvinnu við allar
þjóðir heims, jafnt í Evrópu sem
annars staðar, en við teljum
hagsmunum okkar betur borgið
utan efnahagsheilda en innan. Við
eigum þess enn kost að segja NEI,
og hafna aðild að EES. Við eigum
að bíða átekta og leita þeirra leiða
sem henta okkur best.
Kristín Ástgeirsdóttir
VELJUM ÍSLENSKT!
FÉLAG ÍSLENSKFIA IÐNREKENDA