Ljósmæðrablaðið - 01.07.1972, Blaðsíða 8
56
LJÓSMÆÐRABLAÐIÐ
Annar er sá maður, sem konur eigi mikið að þakka í
þessu sambandi og það er franski læknirinn dr. Lanaze.
Dr. Lanaze hafði kynnst rússneskum lækni, dr.
Nikolajew, sem þreyttizt aldrei á að tala um þann glæsi-
lega árangur, sem náðist í fæðingarhjálp með því að und-
irbúa konurnar réttilega. Dr. Lanaze þótti þetta allt
nokkuð öfgakennt, en þáði þó boð dr. Nikolajew til Lenin-
grad til að kynnast þessu af eigin raun.
Árið 1951 sá dr. Fernand Lanaze með sínum eigin aug-
um það, sem hann hafði átt svo bágt með að trúa. Með
tárvotum augum lofaði þessi þá fullorðni maður því, að
hann skyldi verja þeim starfsárum sem hann ætti eftir,
til þess að breiða þessar kenningar út meðal starfsbræðra
sinna í heimalandi sínu og meðal kvenna þar. Við þetta
stóð hann dyggilega. Ári síðar sá hann glæsilegan árangur
heima í sinni eigin borg, á sínum eigin spítala. Þessi spítali
dr. Lanaze er nú þekktur langt út yfir landamæri Frakk-
lands.
Sjálf hefi ég notið þeirra ánægju að kynnast dr. Read
og konu hans persónulega. Stórkostleg kynni, sem mér
munu aldrei gleymast. Árið 1968 naut ég svo þeirra for-
réttinda að vera um tíma í París á spítala dr. Lanaze,
Centre de Santé des Métallurgistes.
I starfi mínu um árabil sem ljósmóðir hefi ég sjálf
sannfærst um gildi þessara kenninga og í fátæklegum
mæli reynt að útbreiða þær. Ég hefi ekki verið nógu
dugleg — langt þar frá enda takmarkað hvað ein mann-
eskja getur gert sérstaklega vegna þess að ég hefi ekki
verið starfandi við Ljósmæðraskóla Islands. En þaðan
kemur uppspretta allra góðra hluta í sambandi við þá
þjónustu sem ljósmæður framtíðarinnar veita. Þessvegna
varð ég afar glöð, þegar ég frétti að vísir væri lagður
að þessir mæðrafræðslu í Fæðingardeildinni. Þar með veit
ég að ljósmæðranemarnir eru virkir þátttakendur og þar
með er málunum borgið.