Ljósmæðrablaðið - 01.12.1982, Side 5

LJÓSMÆÐRABLAÐIÐ
85
brjóskinu á milli hryggjaliða. Ef kalsíummagn fæðunnar er of
lítið, losnar kalsíum frá beinum, en kalsíum frá tönnum losnar
ekki. Því stafa skemmdir á tönnum ekki af kalsíumskorti, heldur
af breytingum á sýklagróðri eða skorti á hreinlæti tannanna.
Bjúgur getur komið í góm og tannhold á meðgöngu, en verður
aftur eðlilegt fljótt eftir fæðingu.
Húðin
Á meðgöngu geta komið fram óeðlilegar litabreytingar á húð-
inni, sem eru taldar stafa af breytingu á starfsemi nýrnahettubark-
ar. Þessi litabreyting getur verið mjög áberandi og komið fram
sem brúnleitir blettir eða skellur (chloasmata). Mest einkennandi
eru þessar litabreytingar á geirvörtum og miðlínu kviðar (linea
alba). Einnig verða burðarbarmar og svæðið í kringum endaþarm
(anus) fyrir sterkum litarbreytingum.
Innkirtlastarfsemin
Bris (pancreas);
,,Langerhans’ske eyjarnar” í brisinu stækka á meðgöngu og
aukning er á insulini í blóði, sérstaklega á síðari hluta meðgöngu.
Af því leiðir, að blóðsykurmagn er aðeins lægra, en vanalega
mjög stöðugt. Aukið næmi er fyrir insulini, sérstaklega á siðari
hluta meðgöngu, fyrir áhrif meðgönguhormónsins ,,HCS”. Kon-
ur sem hafa lágmarks briskirtilsstarfsemi, geta um meðgöngu þró-
ast yfir í leynda eða raunverulega (kliniska) sykursýki.
Kalkakirtlar (Parathyreoidea)
Stækkun verður gjarnan á þessum líffærum og aukið magn
kalsíum útskilst, sérstaklega frá 15.—35. viku meðgöngu. Á þessu
tímabili er þörf fóstursins mest fyrir kalsíum.
Nýrnahettubörkurinn (Glandulae supra renales)
Nýrnahettubörkur stækkar á meðgöngu og aukning verður á
myndun barkstera. Yfir 90% af þessum vökum hormonum) eru
bundnir eggjahvítu, (lífeðlisfræðilega óvirkt), þó er þéttni af
óbundnu cortisoli aðeins aukið og getur það verið ástæðan fyrir
litarbreytingu í húð, og breytingum í sykurefnaskiptum (hærri
blóðsykur). „Aldosteron” hormon eykst einnig örlítið á með-