Almanak Hins íslenska þjóðvinafélags - 01.01.1971, Side 70

unnar fram til ársloka var um 10 500 tonn á 519,1
millj. kr. Ákveðið var að hraða síðari áfanga ál-
verksmiðjunnar, þannig að honum verði lokið 1972
í stað 1975 eins og ákveðið hafði verið. Hafinn var
undirbúningur að stækkun áburðarverksmiðjunnar
í Gufunesi. Unnið var að stækkun og umbótum á
kísilgúrverksmiðjunni við Mývatn. Framleiðsla á
kísilgúr var 7 600 tonn (árið áður 2 700).
Ýmis ný iðnfyrirtæki voru stofnuð, og teknar
voru upp ýmsar nýjungar í framleiðslu. Fyrirtækið
Glit h.f. fékk tékkneska sérfræðinga til að rann-
saka íslenzk hráefni til keramikframleiðslu. Hafin
var framleiðsla á teppum og peysum úr vélrænt að-
greindri ull, en þeir Stefán Aðalsteinsson og Pétur
Sigurjónsson höfðu unnið að ullarrannsóknum á
síðustu árum í samvinnu við norska sérfræðinga.
Tilraunir með þaravinnslu voru gerðar á Reykhól-
um, og voru í sambandi við þær notuð tæki af nýj-
um gerðum. Gerðar voru tilraunir með framleiðslu
á spónaplötum úr íslenzkum grastegundum. Vef-
arinn hf. í Reykjavík hóf framleiðslu á nýjum gerð-
um gólfteppa. Hafin var bygging flugeldaverksmiðju
á Akranesi. Fyrirtækið Samverk hf. á Sauðárkróki
vann að byggingu verksmiðju til framleiðslu á sokk-
um og sokkabuxum, og voru fluttar í hana vélar
sokkaverksmiðjunnar Evu á Akranesi, sem hætti
störfum. Félagið Loðskinn hf. vann að byggingu
sútunarverksmiðju á Sauðárkróki. Unnið var á Hofs-
ósi að byggingu verksmiðju Stuðlabergs hf., en
verksmiðjan á að framleiða ýmsa vélahluta, t. d.
hljóðdunka í bíla og dráttarvélar. Á Akureyri var
unnið að endurbyggingu skóverksmiðju og sútun-
arverksmiðju S.Í.S. eftir brunann 3. janúar. Unnið
var að byggingu tveggja strandferðaskipa í Slipp-