Almanak Hins íslenska þjóðvinafélags - 01.01.1971, Side 127

Geimannáll
eftir
Hjálmar Sveinsson verkfræðing
Óhætt mun að fullyrða, að lending fyrsta mann-
aða geimskipsins á öðrum hnetti verði talin til merk-
Ustu viðburða mannkynssögunnar. För Apolló 11
til tunglsins í júlímánuði 1969 var ekki aðeins merk-
asti viðburður ársins á sviði geimrannsókna, held-
ur markar hann tímamót í tækniþróun mannsins.
Þótt aðrir atburðir hlytu að falla í skuggann af
þessu einstæða afreki, gerðist margt annað í geim-
rannsóknum árið 1969 sem vert er að geta um. Þar
á meðal má nefna ferðir tveggja sovézkra flauga
til Venusar, för tveggja bandarískra flauga til Mars,
hópflug sovézkra geimskipa á braut um jörðu, at-
hyglisverðar rannsóknir með stjarnkönnunartungl-
iuu OAO, og tilraunir með ný veðurtungl og fjar-
skiptatungl.
Á árinu 1969 var samtals skotið upp 126 geim-
skipum, gervitunglum og geimflaugum, þar af 56
ftieð bandarískum burðarflaugum og 70 með sov-
ézkum. Er þetta í fyrsta skipti síðan 1957 að Sovét-
•ttenn eiga vinninginn tölulega séð. Af þeim gervi-
tunglum sem Bandaríkjamenn sendu upp, var eitt
1 eigu Kanadamanna, eitt á vegum ESRO (samtaka
Evrópuþjóða á sviði geimrannsókna), eitt frá brezka
hernum og eitt frá Þjóðverjum.
(125)