Almanak Hins íslenska þjóðvinafélags - 01.01.1971, Blaðsíða 130

Hinn 18. maí lagði Apolló 10 af stað til tungls-
ins, og var nú tunglferjan með í förinni. Geimfar-
arnir þrír, Thomas Stafford, John Young og Eugene
Cernan, höfðu fengið það verkefni að reyna Apolló-
samstæðuna á hringsóli um tunglið og æfa undir-
búning að lendingu þar. Ferðin náði hámarki 22.
maí, er þeir Stafford og Cernan skildu tunglferj-
una frá móðurskipinu og lækkuðu sig niður í 15 km
hæð yfir væntanlegum lendingarstað á Hafi frið-
arins (Mare Tranquillitatis). Tóku þeir félagar mik-
ið af myndum, sem ætlunin var að nota til að velja
kennileiti fyrir aðflug til lendingar í næstu ferð.
Eftir tvær umferðir um tunglið á lágri braut los-
uðu þeir félagar lendingarþrep tunglferjunnar frá
og notuðu flugtaksþrep hennar til að hækka sig til
móts við móðurskipið. Tunglferjan var skilin frá og
send á braut um sólu.
Apolló 10 var einn sólarhring til viðbótar á braut
um tunglið. Var sá tími notaður til að ljósmynda
gíga og aðrar yfirborðsmyndanir á tunglinu. AIls
voru farnar 32 hringferðir um tunglið á 62 klukku-
stundum. Að morgni 24. maí var hreyfillinn ræst-
ur og geimskipinu stefnt áleiðis til jarðar. í dögun
26. maí lenti stjórnfarið svo á Kyrrahafi um 600
km austur af Samóaeyjum.
Að þessari för lokinni þótti Bandaríkjamönnum
sér ekkert að vanbúnaði að reyna fyrstu lendinguna
á tunglinu. Hófst nú endanlegur undirbúningur
þeirrar sögulegu tilraunar, og þegar líða tók á júlí-
mánuð, beindist athygli umheimsins æ meir að skot-
stöðinni á Kennedyhöfða. Miðvikudaginn 16. júlí
rann stundin upp, og Apolió 11 var skotið á loft
frá Kennedyhöfða áleiðis til tunglsins. Meira en ein
milljón manna hafði gert sér sérstaka ferð til að
(128)