Almanak Hins íslenska þjóðvinafélags - 01.01.1988, Blaðsíða 106

og var það svipað og árið á undan. Votheysverkun óx enn
hlutfallslega og varð um 17,0% af heildarheyfengnum í stað 14,7%
árið áður. Fóðurgildi heyja er talið hafa verið óvenjugott þetta ár,
einkum voru sunnlenzk hey betri en venjulega. - Framleiðsla á
graskögglum nam 5.637 lestum (8.785 árið áður). Mikið var óselt
af graskögglaframleiðslunni í árslok og horfur slæmar í þessari
grein. - Heykögglagerð er vaxandi hjá bændum, en þá er heyið
kögglað heima á bæjum í færanlegum vélasamstæðum. -Komrækt
færist enn í vöxt og var nú sáð í um það bil 250 hektara. Uppskera
er talin hafa verið í lakara lagi.
Kartöfluuppskera var góð á öllum helztu ræktunarsvæðum og
talið, að 165.783 tunnur af kartöflum hafl komið úr jörðu á árinu hjá
þeim, sem hafa kartöflur til sölu (128.120 árið áður). Gulrófna-
uppskera var 1.024 lestir (498). Tómatauppskera var 695 lestir (690
árið áður), gúrkuuppskera 490 lestir (493), hvítkálsuppskera 255
lestir (244), blómkálsuppskera 90 lestir (90), gulrótauppskera 150
lestir (112) og paprikuuppskera 86 lestir (82).
Berjaspretta var talin góð víða um land. Sérstaklega var getið
góðrar sprettu á aðalbláberjum í Norðfirði.
Slátrað var 852.470 kindum í sláturhúsum (816.929 árið áður).
Af því vom 750.316 dilkar (742.244) og 102.154 fullorðið fé
(74.685). Meðalfallþungi dilka var 14,31 kg, sem er 0,06 kg meiri
fallþungi en árið áður. Kindakjötsframleiðslan var 13.026 lestir,
semer 811 lestum meira en árið áður (12.215). - Slátrað var 29.872
nautgripum (26.279). Nautgripakjöt var 3.126 lestir (2.740).
Slátrað var 6.903 hrossum (7.453), og 267 hross vom flutt út til
afsláttar (130). Hrossakjöt fyrir innanlandsmarkað var 719 lestir.
Slátrað var 34.057 svínum (28.800) og var svínakjötsframleiðslan
1.866 lestir (1.630). Hænsnakjötsframleiðsla var 2.200 lestir
(1.650) og eggjaframleiðsla 3.050 lestir (2.850).
Mjólkurframleiðsla var 109.949.695 lítrar (115.877.825 árið
áður) og er það 5,11% samdráttur. Smjörframleiðsla var 741 lest
(840) og smjörvi 546 lestir (595), ostaframleiðsla 3.451 lestir
(3.334).
Loðdýrabú vom í árslok 216 (198 árið áður).
Laxveiði var enn mun meiri en árið á undan og veiddust 91.208
laxar (66.313 árið áður) og var heildarþungi þeirra um 296.000 kg.
(104)