Almanak Hins íslenska þjóðvinafélags - 01.01.1997, Qupperneq 69

Ágúst
Júpíter er í gagnstöðu við sól snemma í ágúst og er þá í hásuðri um
tágnættið, 9° yfir sjónbaug í Reykjavík. Eftir miðjan mánuð sest hann
fyrir birtingu. Hann er sunnarlega í sólbrautinni, í steingeitarmerki.
Satúrnus er austar, í fiskamerki, ekki nærri eins bjartur, en kemst hærra
á loft og sest ekki meðan dimmt er. Venus er kvöldstjarna, mjög lágt á
vesturhimni við sólarlag og sest fyrir myrkur.
September
Júpíter og Satúrnus eru báðir á næturhimninum. Júpíter er miklu
fyartari, en hann er sunnar á hvelfingunni, í steingeitarmerki, og kemst
því ekki hátt á loft. Hann er í suðri fyrir miðnætti, 8° yfir sjónbaug í
Reykjavík og sest þegar líða tekur á nóttu. Satúrnus er á lofti alla nótt-
>na. Hann er í fiskamerki og í suðri eftir miðnætti, hátt á lofti. Venus
verður með naumindum sýnileg sem kvöldstjarna fyrst í mánuðinum,
rett yfir sjónbaug í vest-suðvestri frá Reykjavík við sólarlag. Um miðj-
an mánuðinn verður færi á að sjá Merkúríus sem morgunstjörnu
skammt vestan við sól. Frá 16. til 21. september nær hann 8° hæð yfir
sjónbaug í austri við birtingu í Reykjavík. Birta hans fer vaxandi á því
tímabili.
Október
Júpíter er skærasta stjarnan á kvöldhimninum. Hann er í suðri
snemma kvölds og sest fyrir miðnætti. Júpíter er í steingeitarmerki.
Satúrnus er austar, í fiskamerki. Hann kemst í gagnstöðu við sól í mán-
uðinum og er þá í hásuðri um miðnættið, hátt á lofti. Eftir miðjan mán-
uðinn sest hann fyrir birtingu í Reykjavík.
Nóvember
Júpíter er lágt á suðurhimni eftir að dimmt er orðið og sest þegar
líða tekur á kvöld. Hann er í steingeitarmerki. Satúrnus er austar, í
fiskamerki. Hann er mun daufari en Júpíter, en liggur betur við athug-
un, er hátt t suðri að áliðnu kvöldi og sest ekki fyrr en síðla nætur. Ven-
us kemst lengst í austur frá sól í mánuðinum og ætti því að sjást sem
kvöldstjarna, en hún er svo sunnarlega á himni að hún sést varla frá Is-
landi. Frá 27. október til 16. nóvember kemur hún ekki upp fyrir sjón-
deildarhring í Reykjavík.
Desember
Venus er bjartasta stjarnan á kvöldhimninum, í suðri við sólarlag. I
fyrstu er hún afar lágt á lofti, en hækkar smám saman, og í árslok er
hún komin í 8° hæð yfir sjónbaug við sólarlag í Reykjavík. Júpíter verð-
ur einnig áberandi sem kvöldstjarna, lágt á suðurhimni. Hann er Iengra
frá sól en Venus, en sest þó löngu fyrir miðnætti. Júpíter er enn í stein-
geitarmerki. Satúrnus er í fiskamerki. Hann er hátt í suðri snemma
kvölds og er á lofti fram eftir nóttu.
(67)