Almanak Hins íslenska þjóðvinafélags - 01.01.1997, Page 70
Úranus er allt árið í steingeitarmerki. Hann er svo sunnarlega í sól-
brautinni að hann kemst ekki hærra en 7° yfir sjóndeildarhring í
Reykjavík. Þegar þar við bætist að Úranus er í gagnstöðu við sól um
hásumarið (29. júlí), verður að telja ólíklegt að hann sjáist frá íslandi
þetta árið. Birtustig hans er um 5,7 svo að hann myndi sjást með berurn
augum við góð skilyrði.
Neptúnus heldur sig í bogmannsmerki, ef frá er talið tímabil í apríl
og maí þegar hann reikar yfir í steingeitarmerki þar sem Júpíter og
Úranus eru fyrir. Birtustig Neptúnusar er um 8,0 svo að hann sést
aldrei án sjónauka, og þar sem hann er í gagnstöðu við sól að sumri til
(21. júlí) og lágt á lofti, verður nær ógerlegt að sjá hann frá íslandi.
Plútó er á mörkum Naðurvalda og sporðdrekamerkis, skammt frá
þeim stað þar sem þessi tvö merki mæta vogarmerki. Birtustig Plútós
er um 13,7 svo að hann sést einungis í stjörnusjónauka. Árið 1979 gekk
Plútó inn fyrir braut Neptúnusar, og fram til 1999 verður hann nær sól
en Neptúnus.
HRINGAR SATÚRNUSAR 1997
Hringarnir snúa nú suðurhlið að jörðu og halli hringflatarins frá
jörðu séð er tæplega 4° í byrjun árs. Halli hringanna fer vaxandi og
nemur um 9° í árslok. Hallinn getur mest orðið 21° og gerist það á 15
ára fresti eða þar um bil. Næsta hámark verður árið 2002.
MYRKVAR JÚPÍTERSTUNGLA 1997
Taflan hér að neðan sýnir hvenær tunglin Jó (I), Evrópa (II),
Ganýmedes (III) og Kallistó (IV) myrkvast í skugga Júpíters. f töflunni
eru taldir þeir myrkvar sem líklegast er að unnt verði að sjá frá íslandi,
en Júpíter liggur ekki vel við athugun þetta árið. Tunglin hverfa (h) og
birtast (b) vestan megin við Júpíter fram til 9. ágúst, en síðan austan
megin.
Dags. Kl. Dags. Kl. Dags. Kl. Dags. Kl.
27.7. 01 30 I h 4.9. 02 17 I b 7.10. 21 35 II b 14.11. 20 28 III b
11.8. 03 46 IV b 5.9. 21 43 II b 9.10. 20 41 III h 21.11. 20 50 III h
12.8. 00 30 II b 12.9. 22 40 I b 14.10. 19 18 I b 22.11. 17 53 I b
12.8. 02 05 I b 13.9. 00 21 II b 21.10. 21 13 I b 29.11. 19 48 I b
19.8. 03 08 II b 20.9. 00 35 I b 1.11. 18 48 II b 3.12. 18 38 II b
20.8. 22 28 I b 28.9. 20 59 I b 6.11. 19 33 I b 15.12. 18 08 I b
28.8. 00 14 III b 2.10. 20 19 III b 8.11. 21 26 II b 22.12. 20 03 I b
28.8. 00 22 I b 5.10. 22 54 I b 13.11. 21 28 I b 27.12. 16 58 III h
(68)