Almanak Hins íslenska þjóðvinafélags - 01.01.1997, Blaðsíða 102
1.011, sem er 35 stundum undir meðaltali. Úrkoma varð
584 mm, sem er 123% af meðalúrkomu. Mestur hiti á Ak-
ureyri á árinu mældist 2. júlí, 23,0 stig, en kaldast varð 26.
desember, en þá mældist þar 20,6 stiga frost.
I janúar var kalt og veðrasamt. Hinn 16. janúar hófst
óveðurskafli, sem stóð í viku. Tvær djúpar lægðir fóru yfir
landið úr austri með miklum norðan- og norðvestanveðr-
um og gífurlegri fannkomu. Snjóflóð urðu víða. Frá Snæ-
fellsnesi norður og austur í Pingeyjarsýslu var talað um
mesta snjó í tvo áratugi. - í febrúar var nær alltaf frost og
norðanátt og komst frostið yfir 20 stig á Hveravöllum 8.
febrúar. Á hinn bóginn olli hláka í Reykjavík 3. febrúar
mörgum slysum og lentu 90 manns á slysadeild. í Reykja-
vík var mánuðurinn hinn sólríkasti frá 1977. - I rnarz var
áfram kalt og 16. marz olli hvassviðri af norðaustri
skemmdum á gróðri á Suðvesturlandi. Var talið, að í
Reykjavík hefðu þá orðið mestu gróðurskemmdir síðan
1963. Hinn 21. marz gerði hláku víða sunnanlands eftir
langt frosta- og snjóatímabil. Mikil flóð urðu í Keflavík,
Vestmannaeyjum og víðar. - Apríl og maí voru kaldir og
snjóþungir, einkum norðanlands. - í byrjun júní hlýnaði
loks norðanlands, og 11. júní urðu flóð og vatnavextir víða.
I Reykjavík var mánuðurinn sólarlítill. - í júlí var hiti í
meðallagi en nokkur hret gerði og snjóaði til fjalla. Hinn 5.
júlí gerði aftakaveður af norðaustri á Vestfjörðum með
verulegri snjókomu. Leitað var tveggja Spánverja á
Drangajökli, en þeir fundust heilir á húfi. Á Hveravöllum
snjóaði. Upp úr 20. júlí hlýnaði norðanlands, en þá kom
rigningatíð syðra. - Rigningar héldu áfram sunnanlands í
ágúst og fór svo, að einhver úrkoma var í Reykjavík í 27
daga í mánuðinum. Höfðu ekki verið svo margir rigninga-
dagar í borginni síðan 1976. Sólskinsstundir í Reykjavík
voru 75, en 149 á Akureyri. - í síðari hluta september tók
að snjóa norðanlands og varð jörð alhvít á Akureyri 25.
september. Á Suðvesturlandi gerði mikið rok 30. septem-
ber. Pá brotnaði 20 m skarð í hafnargarðinn í Keflavík, og
kornakrar stórskemmdust á Suðurlandi - í fyrri hluta októ-
(100)