Almanak Hins íslenska þjóðvinafélags - 01.01.1997, Page 106
Hrátt kjöt var í fyrsta sinn flutt til landsins með lögleg-
um hætti í september. Voru þetta sænskir kjúklingar, sem
seldir voru í Bónus.
Útflutningur lifandi hrossa minnkaði aftur og voru flutt
út 2.614 hross (2.758 árið áður). Mest var flutt út til Þýzka-
lands, 1.129. Útflutningur óx til Danmerkur og Kanada, en
til síðarnefnda landsins fóru 105 hross (5 árið áður).
Mjólkurframleiðsla var 102.864.461 lítrar (102.052.324
árið áður). Smjörframleiðsla var 843 lestir (916) og smjörvi
648 lestir (580). Framleiddar voru 418 lestir af léttsmjöri
(457).
Kýrin Huppa 107 á Ytri-Reistará í Arnarneshreppi
mjólkaði mest allra kúa á landinu á árinu, 10.103 kg.
Loðdýrabú voru í árslok 81 (78 árið áður).
Laxveiði var aðeins meiri en árið á undan og veiddust
135.953 laxar (123.939 árið áður). Af þessari veiði voru
34.241 laxar veiddir á stöng (28.042), 13.185 í net í ám og í
sjó (6.712). Frá hafbeitarstöðvum komu 88.953 laxar
(89.225). - Mesta laxveiði þetta árið var í Norðurá í Borg-
arfirði, en þar veiddust 1.697 laxar (1.625 árið áður). Næst
kom Þverá/Kjarrá í Borgarfirði, en í henni veiddust 1.638
laxar (1.625), síðan Laxá á Ásum með 1.549. Rangámar
voru í 4. sæti með 1.523 laxa.
Búnaðarfélag Islands og Stéttarsamband bænda voru
sameinuð 1. janúar. Formlegur stofnfundur var 13. marz,
og var samtökunum þá gefið nafnið Bændasamtök íslands.
Ari Teitsson, bóndi á Hrísum í Suður-Þingeyjarsýslu, var
kosinn fyrsti formaður nýju samtakanna. Hann fékk 18 at-
kvæði í fyrri umferð í formannskjöri, Haukur Halldórsson
fékk 12 og Jón Helgason 9. í síðari umferð var kosið á milli
Ara og Hauks, og fékk Ari þá 22 atkvæði en Haukur 16. -
Sigurgeir Þorgeirsson var í apríl ráðinn framkvæmdastjóri
Bændasamtakanna. Auka-Búnaðarþing var haldið í
Reykjavík dagana 10.-11. október. Það ræddi og samþykkti
nýjan búvörusamning, 30:1.
Búvörusamningurinn fól í sér breytingu á samningi frá
1991, og er þessi breyting á kafla um sauðfjárafurðir. I
(104)