Almanak Hins íslenska þjóðvinafélags - 01.01.1997, Side 153
RAFORKUMÁL
Ný staða kom upp í raforkumálum Islendinga með
ákvörðun álversmanna í nóvember um stækkun álversins í
Straumsvík. Jafnframt var hafin umræða um byggingu fleiri
álvera. Ljóst er nú, að umframorka frá Blönduvirkjun mun
nýtast, og þörf er á frekari virkjunum.
Framkvæmdir á vegum Landsvirkjunar á árinu 1995 voru
í lágmarki, og var einkum unnið að rannsóknum. Afram
var unnið við rannsóknir vegna miðlunarlóns í Köldukvísl
við Syðri-Hágöngur. Þá voru hafnar rannsóknir og undir-
búningur vegna 5. áfanga Kvíslaveitu, en í hana verður
ráðizt vegna stækkunar álversins í Straumsvík.
Heildarrafmagnsöflun Landsvirkjunar á árinu var 4.650,0
gígavattstundir (4.446,9 árið áður) eða 696 megavött (669).
Vatnsárið var í lakara lagi vegna þess, að veturinn 1994-
95 var kaldur og án hlýindakafla. Þórisvatn fylltist ekki á
árinu, og hefur það ekki gerzt síðan 1988. Varð vatnsborðið
hæst 30. september, 576,95 m yfir sjó. Lægst varð það 24.
aprfl, 563,61 m yfir sjó.
Helztu kaupendur raforku á árinu voru ísal með 196
megavött (186 árið áður), Rafmagnsveitur ríkisins 138
(133), Rafmagnsveita Reykjavíkur 128 (122) og íslenzka
járnblendifélagið 81 (82).
Rekstrartekjur Landsvirkjunar voru 7.663 milljónir
króna (6.917) en rekstrargjöld 8.292 milljónir (8.408). Halli
varð því á rekstrinum fjórða árið í röð, en hann fór nú
mjög minnkandi. Nam hallinn 629 milljónum króna, en ár-
ið áður var hann 1.491 milljón.
SAMGÖNGUR OG FERÐAMÁL
Komum erlendra ferðamanna fjölgaði enn á árinu, og
varð nú fjölgun í öllum mánuðum nema janúar. Alls komu
til landsins 189.796 útlendingar (árið áður 179.241). Er það
5,9% fjölgun frá árinu á undan. Af þeim voru 36.840 Þjóð-
verjar (34.403), 28.633 Bandaríkjamenn (25.898), 22.512
(151)