Almanak Hins íslenska þjóðvinafélags - 01.01.1997, Side 156

Eimskip og dótturfyrirtæki þess höfðu í árslok 10 skip í
rekstri (10 árið áður). Þar af voru átta í áætlunarflutningum
og tvö í stórflutningum. Starfsmannafjöldi var að meðaltali
876 (788) og af þeim störfuðu 218 (162) erlendis. Dóttur-
félög Eimskipafélagsins voru 14 í árslok og tengdust þau
öll flutningastarfsemi nema Burðarás hf. Meðal eigna Eim-
skips er 34,0% hlutur í Flugleiðum hf., 40,4% í Marel hf.,
11,7% í Skeljungi hf. og 44,6% í Tollvörugeymslunni hf.
Samskip voru rekin með 183 milljóna kr. hagnaði á árinu
(82 árið áður), sem er um 4.0% af rekstrartekjum félagsins.
Var afkoman hin bezta hjá félaginu frá 1990. Hætt var sam-
skiptum við Eimskip um Ameríkusiglingar og tekið upp
samstarf við Mærsk-félagið danska, sem er eitt stærsta skipa-
félag í heimi. Samskip keyptu á árinu um 80% hlutafjár í
Landflutningum ehf., og var í framhaldi af því sameinuð
vöruafgreiðsla Samskipa innanlands og Landflutninga.
Bílferjan Norröna flutti 6.438 farþega til landsins (7.255
árið áður) og 2.161 vélknúið ökutæki (2.151).
Samgöngur á landi. Innflutningur bifreiða tók nú kipp
upp á við eftir nokkurra ára samdráttartímabil. 6.445 nýir
fólksbílar voru fluttir til landsins á árinu (5.391 árið áður)
og er það fjölgun um 19,6%. Alls voru flutt inn 7.254 ný
fjórhjóla ökutæki (5.970). Japanskir bílar voru sem fyrr
vinsælastir, en hlutdeild þeirra í markaðinum fór þó
minnkandi. Mest selda tegundin af nýjum fólksbflum var
Toyota frá Japan með 1.376 bíla (1.398) eða 21,35%. Nissan
frá Japan kom næst, en af þeirri tegund voru fluttir inn 882
bílar (803 árið áður) eða 9,7%. Síðan kom Volkswagen frá
Þýzkalandi með 787 bíla eða 12,2%. Sala á Subaru, Suzuki
og Opel óx mjög á árinu, en sala á Mitsubishi minnkaði
enn. Af einstökum bflum var Toyota Corolla vinsælastur,
en af honum voru flutt inn 963 eintök (1.016). Næstur kom
Volkswagen Golf, 520 eintök.
í árslok voru 135.284 bifreiðir á skrá í landinu (131.840
árið áður). Af þeim voru 119.232 fólksbifreiðir (116.243),
1.295 hópferðabifreiðir (1.249) og 14.757 vöru- og sendibif-
reiðir (14.348).
(154)