Almanak Hins íslenska þjóðvinafélags - 01.01.1997, Blaðsíða 166
Alþingi kom á ný saman til funda 2. október. Ólafur G. Ein-
arsson var endurkosinn forseti, og hann sagði í ræðu við þing-
setninguna, að hún ætti að fara fram á Þingvöllum „til þess að
glæða lífi þau tengsl, sem eru milli Alþingis og Þingvalla, og til
að gefa almenningi færi á þátttöku í þessari athöfn“.
Flokksstarf
Framhaldsstofnfundur Þjóðvaka var haldinn 28.-29. jan-
úar. Öllum var heimill aðgangur, og var fundinum skipt í
starfshópa eftir málefnum. Ágreiningur kom upp um sjáv-
arútvegsmál og landbúnaðarmál. Jóhanna Sigurðardóttir
var kosin formaður flokksins, Svanfríður Jónasdóttir vara-
formaður og Ágúst Einarsson ritari. 36 menn voru kosnir í
stjórn. Fróðir menn þóttust sjá, að 13 þeirra hefðu áður
verið í Alþýðuflokknum, 11 í Alþýðubandalaginu, 2 í Þjóð-
arflokknum og 10 utan flokka.
Aukaflokksþing Alþýðuflokksins var haldið í febrúar-
byrjun. Ályktun um, að íslendingar skyldu sækja um aðild
að ESB, var samþykkt einróma.
Samkvæmt lögum Alþýðubandalagsins mátti formaður
hans, Ólafur Ragnar Grímsson, ekki gefa oftar kost á sér til
formennsku. í maí kom fram, að Margrét Frímannsdóttir gæfi
kost á sér til formanns. Áður hafði Steingrímur J. Sigfússon,
varaformaður flokksins, boðið sig fram í formannsstólinn. For-
mannskjörið var í undirbúningi í ágúst og september, og þá
héldu frambjóðendur fundi víða um land. Kjörskrá var lokað
29. september og kjörseðlar sendir heim til flokksfélaga. Fleld-
ur fjölgaði í flokknum við þennan undirbúning, og voru fé-
lagar um 3.500, þegar kjörskrá var lokað. Atkvæði voru talin
fyrir landsfundinn, sem stóð dagana 12.-15. október. Niður-
staðan varð sú, að Margrét var kosin formaður Alþýðubanda-
lagsins með 1.483 atkvæðum eða 53,5%. Steingrímur hlaut
1.274 atkvæði eða 46,5%. Fyrir landsfundinn átti einnig að
kjósa varaformann, en enginn gaf kost á sér. Var varaformað-
ur því kosinn á fundinum sjálfum, og varð Jóhann Geirdal,
bæjarfulltrúi í Keflavík, fyrir valinu.
Landsfundur Kvennalistans var haldinn 10.-12. nóvem-
(164)