Almanak Hins íslenska þjóðvinafélags - 01.01.1997, Page 172
16. desember: Kaupfélag Húnvetninga varð 100 ára.
Haldið var upp á daginn með afmælishátíð á Blönduósi.
ÚTVEGUR
Árið 1995 var mikið aflaár eins og árin á undan. Veiði á
þorski, ufsa og karfa dróst að vísu saman,
Heildaraflinn var 1.605.127 tonn (árið áður 1.550.744).
Að þessu sinni er miðað við allan afla sem fékkst á íslenzk
fiskiskip, bæði á heimamiðum og á úthafsmiðum. Tölur frá
fyrra ári hafa verið færðar til þessarar viðmiðunar.
Þorskafli var 202.900 tonn (214.822 árið áður), ýsuafli 60.125
tonn (58.430), ufsaafli 47.466 tonn (63.330), kaifaafli 89.475
tonn (95.008), úthafskarfaafli 29.275 tonn (47.094), lönguafli
3.729 tonn (4.050), keiluafli 5.245 tonn (4.612), steinbítsafli
12.574 tonn (12.764), lúðuafli 888 tonn (1.427), grálúðuafli
27.408 tonn (27.793), skarkolaafli 10.649 tonn (11.854), síldar-
afli 110.364 tonn (129.994), Íslandssíld 174.109 (21.146), loðnu-
afli 715.551 tonn (753.555), humarafli 1.027 tonn (2.238), rækju-
afli 83.529 tonn (75.133) og hörpudisksafli 8.381 tonn (8.401).
Nýting afla af öllum miðum var með eftirfarandi hætti:
Frysting í landi 309.219 tonn, söltun 131.730 tonn, herzla
1.358 tonn, bræðsla 908.251 tonn, útflutt 37.367 tonn, gámar
29.639 tonn, sjófryst 179.743, annað 7.818 tonn. Allar tölur
eru miðaðar við fisk upp úr sjó. Af hinum hefðbundnu
verkunaraðferðum hefur herzlan ein aukizt, en magn
hennar er þó mjög lítið. Útflutningur ísaðs fisks í gámum,
sem náði hámarki um 1990, fer nú mjög minnkandi vegna
mikils kostnaðar við sendingar og áhættu á mörkuðum.
Sjófrysting er áfram mjög mikil, og á þessu ári var 81%
hennar að magni botnfiskur, en 12% rækja.
Öll stærri útgerðarfyrirtæki skiluðu gróða á árinu. Hluta-
bréf í þeim voru mjög eftirsótt og hækkuðu í verði. Þá var
slegizt um að fá að selja afurðir þeirra. Slík deila stóð á
Akureyri í janúar um sölu afurða Útgerðarfélags Akureyr-
inga, sem að meirihluta er í eigu Akureyrarbæjar. Sölumið-
stöð hraðfrystihúsanna hafði lengi annazt söluna, en nú
(170)