Almanak Hins íslenska þjóðvinafélags - 01.01.1997, Page 185

ar sfldarbræðslu, sem á að geta brætt 800 tonn á sólarhring.
Engin íbúðarhús voru þar í smíðum. - Á Egilsstöðum var
nýja sundlaugin vígð í lok ágúst. Einnig var lokið við safna-
húsið og það tekið í notkun. Unnið var við síðari áfanga
íþróttahúss. Átta einbýlishús voru gerð fokheld á árinu, og
voru þau flest við Einbúablá. Lögð var gatan Steinahlíð. -
Á Seyðisfirði var lokið að gera torg í miðbænum. - Tekin
var fyrsta skóflustunga að íþróttahúsi við Brúarásskóla í
Hlíðarhreppi í júní. Sundlaug er í smíðum við Skjöldólfs-
staðaskóla á Jökuldal. - Á Borgarfirði var lokið við félags-
miðstöð fyrir eldri borgara. Húsið Brekka frá 1920 var rifið
í júlí. - Á Vopnafirði var lokið byggingu 200 fm safnaðar-
heimilis. Það var vígt 7. maí.
Þingeyjarsýslur. Á Pórshöfn var haldið áfram við kirkju-
byggingu. íbúðir fyrir aldraða við Miðholt voru teknar í
notkun. - Á Húsavík voru fjórar íbúðir fullgerðar og sjö
voru í byggingu í árslok. Framkvæmdir héldu áfram við
byggingu 2. áfanga Borgarhólsskóla og einnig við safna-
húsið. Minnisvarði um týnda var afhjúpaður í kirkjugarðin-
um 17. júní. - Útihúsin að Þverá í Laxárdal voru endur-
byggð. Þau eru torfhús frá fyrri öld.
Eyjafjarðarsýsla. Á Akureyri var lokið við smíð 74 íbúða
á árinu (81 árið áður). Af þeim voru 12 einbýlishús, 22
íbúðir í raðhúsum og 40 í fjölbýlishúsum. Hafin var smíð
67 íbúða á árinu (43 árið áður). í árslok voru 184 íbúðir í
smíðum (117). Haldið var áfram framkvæmdum við
menntaskólabygginguna, viðbyggingu við Fjórðungssjúkra-
húsið og flugstöðina. Lokið var við leikskóla við Kiðagil,
og hann tekinn í notkun í september. Unnið var við nýja
kapellu og líkhús við kirkjugarðinn. Þá var byrjað á bygg-
ingu 10 orlofshúsa í Kjarnaskógi, stjórnunarálmu við Gler-
árskóla, hæfingarstöð við Skógarlund. Áfram var unnið við
endurbætur á gamla spítalanum við Aðalstræti. Stytta af
Nonna var afhjúpuð 29. ágúst við Nonnahús. Nína Sæ-
mundsson gerði hana. - í Glæsibæjarhreppi var leikskólinn
(183)