Almanak Hins íslenska þjóðvinafélags - 01.01.1998, Page 114
Um haustið kom fram, hver kostnaður hafði verið við
forsetaframboðin og sagðist Ástþór hafa varið rúmlega 40
milljónum til framboðs síns, Pétur Kr. Hafstein og Olafur
Ragnar um 35 milljónum og Guðrún Agnarsdóttir 17 millj-
ónum. Staða framboðs Péturs var verst, og skuldaði hann
um 14 milljónir króna.
Vigdís Finnbogadóttir var í maí sæmd heiðursdoktors-
nafnbót við Saint Marys University í Halifax. Mary Robin-
son, forseti írlands, og maður hennar komu í opinbera
heimsókn til íslands 28. maí og stóðu við í þrjá daga. Var
það síðasta opinber heimsókn erlends þjóðhöfðingja í for-
setatíð Vigdísar. Hún kvaddi Alþingi við þingfrestun 5.
júní.
HERVARNIR
Javier Solana, framkvæmdastjóri NATO, kom til Islands
í febrúar. - Halldór Ásgrímsson utanríkisráðherra og Wal-
ter B. Slocombe, aðstoðarvarnarmálaráðherra Bandarikj-
anna, undirrituðu 9. apríl bókun við varnarsamninginn frá
1951. Þar var kveðið á um framkvæmd samningsins næstu
fimm árin. Þar segir m.a., að loftvarnir íslands verði
tryggðar með því, að aldrei verði færri en fjórar orustuþot-
ur staðsettar á íslandi. Þá verður þyrlubjörgunarsveit varn-
arliðsins áfram starfrækt.
í apríl var svonefnt viðbragðsskýli („alert hangar“) tekið
úr notkun. Þar voru geymdar þær flugvélar, sem áttu að
fara fyrst á loft, ef óvinir nálguðust ísland. Þessa skýlis var
betur gætt en nokkurs annars húss á Keflavíkurflugvelli.
Sex skip úr fastaflota NATÓ komu til Reykjavíkur í lok
ágúst. Síðan komu kanadísk og bandarísk herskip til borg-
arinnar. Alls voru um 5.000 sjóliðar á þessum skipum.
Flotaheimsókn af þessu tagi var síðast 1990.
Stanley W. Bryant hætti í ágúst sem yfirmaður varnar-
liðsins. Við tók John E. Boyington yngri flotaforingi.
(112)