Almanak Hins íslenska þjóðvinafélags - 01.01.1998, Side 130
starfslok sín eftir hálft annað ár, þar sem „áburður á sig
væri gjörsamlega óbærilegur“. - Kirkjuþing, hið 27. í röð-
inni, var haldið í Bústaðakirkju í Reykjavík í október.
Á aðalfundi Prestafélags íslands í júní var kosið milli
tveggja manna í starf formanns. Starfandi formaður, séra
Geir Waage, hlaut 59 atkvæði, en séra Gunnar Kristjáns-
son fékk 55. Engin kona var kosin í stjórn. Um haustið
voru hins vegar aðeins konur kosnar í stjórn Prestafélags
Austurlands. Séra Pórey Guðmundsdóttir varð formaður.
Hinn 15. febrúar var birt frétt um það, að kona hefði
kært Olaf Skúlason biskup fyrir kynferðislega áreitni. Átti
atburðurinn að hafa gerzt í Bústaðakirkju fyrir mörgurn ár-
um, þegar séra Ólafur var þar sóknarprestur. Tvær konur
bættust síðar í hópinn við að ákæra Ólaf fyrir áreitni. Hann
neitaði öllum ákærum, en biskupsmálið var mjög umrætt
og olli kirkjunni erfiðleikum. Hinn 22. febrúar óskaði bisk-
up eftir opinberri rannsókn vegna málsins. í skoðanakönn-
un DV í byrjun marz vildu 64,2% þeirra, sem svöruðu, að
biskup segði af sér en 35,8% vildu, að hann héldi áfram.
Um 800 manns sögðu sig úr þjóðkirkjunni fyrstu þrjá mán-
uði ársins.
Deilur milli prests og organista í Langholtskirkju héldu
áfram, og ákvað biskup að víkja sæti í málinu. Bolli Gúst-
avsson vígslubiskup tók við hlutverki hans. Hann kvað upp
úrskurð í deilunni 22. marz, þar sem presti og organista var
skipað að vinna saman. Ekki varð mikið úr samstarfi
þeirra, og í lok september var tilkynnt sú ráðstöfun ríkis-
stjórnarinnar, að séra Flóki Kristinsson færi til starfa meðal
Islendinga á meginlandi Evrópu, einkum í Lúxembúrg.
Fékk hann lausn frá embætti sóknarprests í Langholtssókn
frá 1. október. Prestsembættið var síðan auglýst laust, og
voru umsækjendur sjö. Séra Jón Helgi Þórarinsson fékk
flest atkvæði í sóknarnefnd, en a.m.k. tveir sóknarnefndar-
menn vildu láta fara fram almennar prestskosningar í
sókninni. Ekki tókst að vinna því fylgi.
Séra Björn Jónsson var settur inn í starf prófasts í Borg-
arfjarðarprófastsdæmi 4. febrúar.
(128)
J