Almanak Hins íslenska þjóðvinafélags - 01.01.1998, Page 140
hlaup í Skaftá og einnig í Kverká, Kreppu og Jökulsá á Fjöll-
um fyrir norðan. Mikið tjón varð á vegum nyrðra. - Skeiðar-
árhlaupið mikla eftir eldgosið í Vatnajökli stóð aðeins í þrjá
sólarhringa, 5.-7. nóvember. Það er mesta Skeiðarárhlaup á
öldinni og var hámarksrennslið 5.000 rúmmetrum meira á
sekúndu en í miklu hlaupi 1938. Talið er að allt að því 5
metra há flóðbylgja hafi geystst yfir sandinn með miklum
jakaburði. Mestur var jakaskarinn í kringum farveg Gígju.
Aurskriður féllu yfir Vatnsdalsveg í landi Másstaða 4.
ágúst. Gífurlegar rigningar höfðu verið.
Dýraríkið
A árinu veiddust tvær tegundir fiska, sem ekki hafa
fundizt áður innan 200 sjómílna markanna við ísland. Þetta
voru deplagleypir og svartdjöfull. Þá veiddust nokkrir blá-
háfar á flotlínu japanskra línuveiðara, sem voru að til-
raunaveiðum á túnfiski innan 200 mílnanna suður af Is-
landi. Meðal mjög sjaldgæfra fiska, sem veiddust á árinu,
voru trjónunefur, glókollur og blákarpi. Þá veiddist risaýsa,
9,8 kg, í dragnót í Nesdjúpi og 29,6 kg skötuselur í botn-
vörpu á Öræfagrunni.
Talið er að 130-140 ernir séu nú í landinu. Varp var hjá
33 arnarpörum, en aðeins 18 ungar komust upp hjá 16 pör-
um. Talið er, að ágangur forvitinna ferðalanga valdi mestu
um, að svo mikið misferst í varplöndum arna.
Heimilað var að veiða 268 hreindýr. Þar af voru 143 kýr
og 125 tarfar. Þetta er lítilsháttar fækkun frá fyrra ári.
Hvalreki
Andarnefju rak í Vestri-Loftsstaðalandi í Gaulverjabæ í
marz. - Hnúfubakur fannst rekinn á Héraðssandi við ósa
Lagarfljóts í ágúst.
PRÓF
Lokapróf við Háskóla Islands
Á almanaksárinu 1996 luku 788 stúdentar lokaprófi frá
(138)