Freyr - 01.08.1947, Blaðsíða 19

FREYR
257
H eiðursverðlaun
Búnaðarþing 1941 ákvað, að stoínaður
skyldi sjóður, er varið yrði til þess að
verðlauna „frábær afrek í þágu landbún-
aðarins, hvort heldur sem er á sviði jarð-
ræktar, búfjárræktar eða nýjar uppgötv-
anir á vélum, verkfærum eða vinnuað-
ferðum, sem létta vinnu við landbúnaðar-
framleiðsluna.
í fyrirrúmi skal sitja að verðlauna bænd-
ur, sem með löngu æfistarfi hafa verið
frábærir brautryðjendur, varðandi ein-
hverja þætti íslenzks búnaðar“. Þannig
segir í skiplagsskrá Heiðursverðlaunasjóðs
Búnaðarfélags íslands, sem er í vörzlum
þess og ráðstafað er af stjórn félagsins.
Verðlaunaveitingar úr sjóðnum eru ekki
auglýstar til umsóknar og eru þeir sem
sjálfir sækja á engan hátt rétthærri, til
þess að hljóta verðlaun, en aðrir.
Tillögur stjórnar Búnaðarfélagsins, um
verðlaunaveitingu, skulu lagðar fyrir Bún-
aðarþing, sem samþykkir þær eða hafnar
þeim.
Á Búnaðarþingi síðastl. vetur athugaði
fjárhagsnefnd hverjir mundu þess verð-
ugir að hljóta verðlaun úr sjóði þessum
nú, þegar úthlutað yrði af honum í fyrsta
sinn, á þessu ári. Að fengnum tillögum
Qefndarinnar var ákveðið að sæma heið-
ursverðlaunum, peningaupphæð ásamt
skrautrituðu skjali, eftirtalda bændur:
1. Gísli Jónsson, Hofi, Svarfaðardal,
Eyjafirði. Heiðursverðlaun fyrir for-
göngu um þegnskylduvinnu við vega-
gerð og viðgerðir alls konar véia.
2. Hjörleifur Sigfússon, Álfgeirsvöllum,
Skagafirði. Heiðursverðlaun fyrir
fyrirgreiðslu á fénaði milli Blöndu
og Héraðsvatna um langt skeið.
Manna markfróðastur.
3. Hjálmar Þorgilsson, Kambi, Skaga-
firði. Heiðursverðlaun fyrir forgöngu
um tilraunir með heyþurrkun í húsi.
Bjargmaður með ágætum.
4. Stefán Jónsson, Öndólfsstöðum, Suð-
ur-Þingeyj arsýslu. Heiðursverðlaun
fyrir forgöngu í félagsmálum í hér-
aði. Fjárræktarbóndi ágætur og
hestamaður.
5. Hannes Jónsson, Núpsstað, A-Skafta-
fellssýslu. Heiðursverðlaun fyrir
framúrskarandi dugnað sem fylgd-
armaður fólks og fénaðar á vatna-
svæði héraðsins.
Auk þeirra starfa, sem menn þessir
hafa hlotið sérstaka viðurkenningu fyrir,
hafa þeir verið góðir bændur hver í sinni
sveit.
Spurningar og svör
Sp. 11. Er það rétt aðferð við mat á kartöfl-
um til sölu að hella úr hverjum poka, handfjalla
því nær hverja kartöflu og eyða til þess tíma, sem
fulls tímakaups er krafist fyrir og getur numið
nokkrum krónum á tunnu, þótt ekkert sé við kart-
öflurnar að athuga?
Svar: Reglugerð um mat á kartöflum mælir
svo fyrir að skoða beri að minnsta kosfi tíunda
hvern poka af hverri tegund, séu þeir 50 eða fleiri.
Þegar metið er minna magn en 50 pokar sömu
tegundar frá framleiðanda, ber að skoða fimmta
hvern þeirra.
Matsgjaldið var síðastliðið ár ákveðið kr. 2.00
á hver hundrað kg. af kartöfium. Þegar fram-
leiðandi aðstoðar ekki við matið, þarf að greiða
aukahjálp við það. Var það síðastliðið ár ákveðið
50 aurar á tunnu (100 kg.).. Samtals gat kostnað-
ur því orðið kr. 2.50 á tunnu á síðasta ári vegna
matsins og má ætla að um svipaðan kostnað verði
að ræða á þessu ári.
Ef út af þessu er brugðið er framleiðendum
leyfilegt að kæra til yfirmatsnefndar í Reykjavík.
Að öðru leyti vísast til reglugerðar um mat á
kartöflum í bókinni: KARTAFLAN, sem út er
komin á vegum Búnaðarfélags íslands.