Freyr - 01.10.1951, Side 16

302
FREYR
F) Steinþór Þórðarson lagði fram þessa
tillögu:
„Eins og kunnugt er, þá eru oft miklir erfiðleik-
ar á því að fá sjúkrahúsvist fyrir sjúklinga utan
af landi.
Er þetta því tilfinnanlegra, sem sjúklingarnir
valda heimilunum meiri vandkvæða. Nær þetta
einkum til geðbilaðs fólks, sem þarf að vera und-
ir eftirliti.
Með skírskotun til þess, sem að framan er sagt,
skorar aðalfundur Stéttarsambands bænda 1951 á
heilbrigðisstjórnina að beita sér fyrir því, að reynt
verði að bæta úr þessu.“
Karl Magnússon studdi þessa tillögu.
Síðan var hún samþykkt með samhljóða
atkvæðum.
Þorsteinn Sigurðsson, formaður Búnað-
arfélags íslands, tók til máls og þakkaði
það, að honum gafst kostur á að sitja þenn-
an fund. Síðan ræddi hann um þörf land-
búnaðarins fyrir fjármagn og m. a. athug-
anir Alþjóðabankans í því sambandi. Einn-
ig ræddi hann verðlagsmálin og taldi þau
hafa verið hyggilega afgreidd á fundinum.
Þá talaði hann um ræktunarmál og hvatti
til framkvæmda, einkum að leggja nú
áherzlu á að slétta túnin, meðan ákvæði
giltu um hærri jarðræktarstyrk fyrir túna-
sléttur en nýrækt.
Að lokum kvaðst hann vænta þess, að
Búnaðarfélag íslands og Stéttarsamband
bænda stæðu jafnan hlið við hlið og ósk-
aði Stéttarsambandinu allra heilla.
Var ræða hans þökkuð með lófataki.
Fundargerðin lesin upp og samþykkt
með nokkrum athugasemdum.
Sverrir Gíslason þakkaði þá móttökurn-
ar á Hólum og lýsti ánægju sinni yfir því,
að fundurinn gat orðið hér, þar sem svo
margt er að sjá með myndarbrag og glæsi-
leik og til sóma þeirri stofnun, sem hér er.
Viðtökur skólastjórahjónanna hefðu verið
frábærar og þakkaði hann þeim sérstak-
lega fyrir hönd allra fundarmanna.
Tóku fundarmenn undir þær þakkir með
því að rísa úr sætum.
Fundarstj óri þakkaði f undarmönnum
fundarsókn og fundarstörf og sagði síðan
fundi slitið.
Jón Sigurðsson
fundarstjóri.
Guðm. Ingi Kristjánsson, Gísli Brynjólfsson
fundarritarar.
Eftirskrift. Fundargerðin er hér stytt, þar eð fellt er
niður það, sem eigi náði samþykki. Ritstj.
Nythæð og notkun
mjólkur
Eftirfarandi tölur sýna fjölda kúa í eftir-
litsfélögunum í Danmörku og Hollandi,
mjólkurmagnið og framieiddar mjólkuraf-
urðir, árið 1950. Æskilegt væri að geta sett
ísland við hliðina, til þess að sjá að hverju
ber að stefna með afurðamagn hér, en
þetta er ekki hægt, því að uppgjör er ekki
komið fyrir árið 1950.
Danmörk Holland
Þúsundir kúa í félögunum ........... 1577 1513
Mjólkurmagn ntillj. kg ............. 5312 5708
Meðalmagn mjólkur á kú, kg ......... 3600 3780
Meðal fitumagn % ................. 4.01 3.62
Smjörframleiðsla millj. kg ........ 179.5 93.2
Ostaframleiðsla rnillj. kg ........... 64.0 126.9
Útflutt smjör, millj. kg .......... 155.8 64.6
Útfluttur ostur, millj. kg ........... 39.5 69.9