Dagblaðið Vísir - DV - 20.08.2005, Qupperneq 30

30 LAUGARDAGUR 13. ÁGÚST2005
Helgarblað DV
Halla Vilhjálmsdóttir hefur verið að gera það gott sem ung og upprennandi leikkona í London. Hún sótti um
að komast í leiklistamám hér heima en langaði alltaf að fara út fyrir landsteinana þar sem tækifærin eru
óendanleg. Ákvað hún því að eltast við drauminn og komst inn í Guildford sem er einn af þekktustu leiklist-
arskólum Englands. Eftir að hún lauk námi í fyrra hefur hún klifið ótrauð upp metorðastigann í heimi leik-
listarinnar og hefur meðal annars leikið í Qölmörgum leiksýningum og sjónvarpsþáttum. Hér á íslandi þekkja
margir hana sem Sprite-stelpuna enda var hún svo eftirminnileg í hlutverki harðkjamarokkara sem þyrsti í
svaladrykk. Þótt svo að leiklistin eigi hug hennar og hjarta hefur hún einnig reynt fyrir sér í ritsmíðum og í
tónlistarbransanum enda er hún sjálftitlaður vinnualki.
Eg kláraði leiklistarnámið í fyrra
eftir þriggja ára nám við Guild-
ford leiklistarskólann í
London. Það var alveg frábær tími
og frábært nám. Ég var alveg til í að
halda áfram en ég mátti bara ekki
vera lengur í skólanum," segir Halla
Vilhjálmsdóttir, leikkona í London.
„Ég fór í prufu hérna heima en
komst ekki inn. Ég var líka búin að
ákveða að fara til London að læra.
Mig langaði að læra og starfa á
heimavelli leiklistarinnar enda eru
mörg góð tækifæri sem hér leynast"
Frá harðkjarnarokkara til
dömubindadömu
Halla hefur ekki setið auðum
höndum eftir útskriftina og hefur
tekist á við ólíka hluti. „Ég byrjaði á
að vera í leiksýningum. Svo lá leiðin
í auglýsingar og loks í sjónvarpið.
Núna hræri ég þessu öllu saman,"
segir Halla. Lék hún meðal annars
fyrir fullum sal í söngleiknum
Grease, harðkjarnarokkara í auglýs-
ingu fyrir Sprite og er þekkt sem
Always-dömubindadaman um gjör-
valla Evrópu. „Ég lék líka í breskum
gamanþáttum á tímabili. Það var al-
veg magnað. Þetta voru þættir með
stuttum og rugluðum grínatriðum.
Ég var eins og fáviti í marga daga og
elskaði það í ræmur. Það var gaman
að vera aldrei í sama hlutverkinu,"
segir Halla og glottir út í annað.
London heillar
Halla ber enn sterkar taugar til ís-
lands en er ekki tilbúin að sleppa því
sem hún er búin að byggja upp í
London. Það skiptir svo miklu máli
að hafa réttu tengiliðina í þessum
bransa til þess að næla sér í góð
verkefni. „Það er allt í lagi að fara
heim að vinna í nokkra mánuði en
ekki of lengi. Þá þarf maður af byrja
upp á nýtt hér úti. Mig hefur líka
aíltaf langað að reyna fyrir mér í
London því mörg af heimsins bestu
leikhúsum má finna hér. Það er
samt alveg frábært hvað það er mik-
il flóra í íslensku leiklistarlífi og er
aldrei að vita nema ég reyni fyrir
mér heima seinna. í dag vil ég samt
vera í London," segir Halla djúpt
hugsi.
íslendingar eru engir
fylliraftar
„Það er mjög fyndið hvað hlut-
imir em oft óskipulagðir á íslandi.
Það er eins og þetta sé einhver sér-
stakur hæfileiki sem við höfum, að
bíða með allt fram á síðustu stundu.
Það em allir svo rólegir og yfirvegað-
ir að maður getur aldrei skipulagt
veturinn fyrr en hann er byrjaður,"
segir Halla og bætir við að á Eng-
landi megi auðveldlega skipuleggja
sig heilt ár fram í tímann. Halla er að
sjálfsögðu vön þessu einstaka ró-
lyndisskapi enda íslendingur í húð
og hár.
Það er hins vegar annað mál þeg-
ar um er að ræða umboðsmann
hennar en hann kvartar reglulega
yflr samskiptum sínum við landa
hennar. „Umboðsmaðurinn minn
hringir stundum í mig alveg sjokker-
aður og skilur ekki hvernig íslend-
ingum tekst að vera svona rólegir,"
segir Halla og hlær. „Hann skilur
þetta ekki því hass er ekki nærri eins
vinsælt á Islandi og það er á Eng-
landi. Ef það er ekki hass þá hlýtur
það að vera vodka sagði hann einu
sinni. Ég reyni þá að bjarga málun-
um og benti honum kurteisislega á
að þetta sé dagsbirtunni að kenna.
Þessi stuttu sumur og löngu vetur
mgla fólk í rýminu og tímaskynið
verður brenglað. Við íslendingar
erum sko engir fylliraftar," segir
Halla með áherslu.
I Halla Vilhjálmsdóttir er efnileg leik-
kona Islendingar þekkja hana margir
sem Sprite-stelpuna eftirað hún lékíeft-
irminnilegri auglýsingu fyrir gosdrykkinn.