Dagblaðið Vísir - DV - 21.07.2006, Blaðsíða 35

DV Helgin
FÖSTUDAGUR21. JÚLl2006 47
Átrúnaðargoðið Jason Newsted sem var bassaleikari Metallica hefur lengi veriö átrúnaöar-
goö Magna. Hann hefur nú tækifæri á að komast I hijómsveitina hans.
Fjölskyldumaður fram í
fingurgóma
Heimir Eyvindarson, hljóm-
borðsleikari Á móti sól, hefur bara
gott um félaga sinn að segja. Heim-
ir segir Magna góðan og heiðar-
legan dreng sem sér hafi litist vel á
frá íyrstu kynnum. „Hann er mjög
músíkalskur og frábær félagi," segir
Heimir en hljómsveitin hafði spil-
að saman í þrjú ár áður en Magni
kom til sögunnar. „Við borguðum
far undir hann hingað suður og
eftir aðeins eina æfingu var hann
kominn með þetta á hreint og gat
talið í á balli helgina eftir."
Heimir segir Magna yngstan í
hljómsveitinni og að allir meðlim-
irnir séu fjölskyldumenn. „Magni
er mjög góður pabbi og fjölskyldu-
maður fram í fingurgóma. Hann er
rosalega barngóður og nær rosa-
lega vel til allra barnanna minna
þriggja. Við í hljómsveitinni stönd-
um við bakið á honum í Rock Star:
Supernova og erum vissir um að
hann eigi eftir að ná langt enda
mjög góður tónlistarmaður," segir
Heimir um félaga sinn.
Erfitt að vera frá peyjanum
Ómar Berg Torfason er frændi
og æskuvinur Magna en þeir eru
systkinabörn. „Við Magni höfum
þekkst frá því við fórum að geta tal-
að. Ég bjó samt alltaf fyrir sunnan
en við hittumst oft þar sem ég er
einnig ættaður að austan. Ég fylgd-
ist með honum taka sín fyrstu skref
í hljómsveitarbransanum enda var
hann alltaf að spila með vinum sín-
um þegar eitthvað var að gerast á
Borgarfirði," segir Ómar. Aðspurð-
ur um hið nýja föðurhlutverk sem
Magni hefur verið að takast á við
segir Ómar Magna frábæran föð-
ur. „Hann
er að
stíga
sín
.. ► fyrstu
skref
s - ^ si sem
A pabbi ogégveitað
\ honum þykir mjög erfitt
aðveraíburtufrálitlapeyj-
anum." Ómar Berg segir enn-
fremur að Magni og Eyrún Huld séu
samrýmt par og góðir vinir. „Það
gengur mjög vel hjá þeim enda eru
þau góðir vinir og mjög náin."
Magni er rokkari
Þótt Magni hafi verið í „bransan-
um“ frá árinu 1999 hafa fáar sögur
spunnist um hann sem snúast um
fyllerí og djamm og aðra hluti sem
oft virðast loða við tónlistarbrans-
ann. Ómar Berg, æskuvinur Magna,
segir að þótt Magni geti auðveld-
lega fengið sér í glas með félögun-
um á góðri stundu hafi aldrei verið
nein vitleysa á honum.
„Hann er enginn brjálaður
djammari og hefur alltaf verið mjög
stabíll. Það er spurning hvernig
þetta rokklíf fer með hann ef hann
vinnur þessa keppni. Tommy Lee
er náttúrulega svolítið klikkaður en
ég veit ekki hvort nokkur á samleið
með honum," segir Ómar hlæjandi.
„Hann er að stíga sín
fyrstu skrefsem pabbi
og ég veit að honum
þykir mjög erfitt að
vera í burtu frá iitla
peyjanum"
Ómar segir Magna alltaf hafa verið
rokkara og að fyrsta alvöruhljóm-
sveitin, Shape, hafi verið rokkband.
„Hann hlustaði bara á rokk og þá
aðallegaMetallica, Pearl Jam, Stone
Temple Pilots og Alice in Change og
hann á allt sem þessar sveitir hafa
gefið út. Það sést líka í þáttunum
hvað hann þekkir öll þessi lög vel
og hann er reglulega að hjálpa hin-
um keppendunum. Hann á ótrú-
lega auðvelt með að læra lög og
þarf aðeins að hafa heyrt þau einu
sinni til að geta spilað þau og sung-
ið," segir Ómar en segist aðspurð-
ur ekki vita hvort þessi lífsreynsla í
þættinum eigi eftir að beina honum
aftur út í rokkið. „Það er aldrei að
vita en ég veit að hann hefur gam-
an af því sem hann er að gera með
Á móti sól. Hann langaði að spila
tónlist og greip því tækifærið þegar
það bauðst og hefur aldrei séð eftir
því enda er þetta skemmtilegur fé-
lagsskapur og hressir strákar."
Fann hinn hlutann af sér
í ársgömlu viðtali sem DV tók
við Magna sagðist hann hafa fund-
ið hinn hlutann af sér fyrir átta
árum þegar hann kynntist Eyrúnu
Huld og að hún væri allt það sem
hann gæti hugsað sér í lífsförunaut.
Eyrún á að sama skapi auðvelt með
að hrósa kærastanum sem hún
segir yndislegan föður og unnusta.
„Hann er opinn, skilningsríkur
og traustur. Þeir Marinó eru mjög
nánir og ást Magna leynir sér aldrei
þegar þeir tveir eru saman. Hann
er duglegur, heiðarlegur og um-
fram allt góður vinur," segir Eyrún
Huld sem er að sjálfsögðu að rifna
úr stolti af manninum sínum.
Rokk og ról í öðru sæti
f gömlum viðtölum við Magna
kemur í ljós að tónlistarlífið á vel
við hann. „Það er mjög erfitt að
festa fingur á hvað gerir þetta gam-
an," svaraði hann aðspurður um
poppbransann í viðtali við DV. „Fé-
lagsskapurinn er stór þáttur og við
í bandinu erum mjög sterkur vina-
hópur. Svo eru ferðalögin æðisleg,"
sagði hann og hélt áfram: „Síðan er
bara eitthvað við það að vera á sviði
fyrir framan fullt húsi af fólki sem
syngur með skælbrosandi sem er
ekki hægt að lýsa. Ég meina, hvern
langaði ekki að verða söngvari þeg-
ar hann var lítil?"
Magni talaði einnig um nei-
kvæðu hliðarnar á bransanum og
minntist þar aðallega á fjarveruna
frá fjölskyldu og vinum. „Maður
missir af öllum viðburðum því all-
ar veislur eru haldnar um helgar og
síðan tekur þetta sinn toll líkam-
lega," sagði hann en Magni hefur
Sæt fjölskylda Magni, Marinó Bjarni og Eyrún Huld á góðri stundu.
einnig látið hafa eftir sér að fjarver-
an frá konunni og syninum sé það
erfiðasta við að taka þátt í keppn-
inni Rock Star: Supernova í Los
Angeles. „Ég er orðinn nógu gamall
til þess að vita hvað skiptir máli í líf-
inu og það er ekki rokk og ról. Rokk
og ról er í öðru sæti. Ef ég fengi ekki
að heyra í konunni myndi ég ekki
fara út. Ég segi það af fullri alvöru.
Ef mér yrði tilkynnt að ég mætti
ekki tala við hana, þá myndi ég
bara segja þeim að fara norður og
niður," sagði Magni áður en hann
hélt út til að freista gæfunnar.
Hittir átrúnaðargoðin
Magni, líkt og fjöldinn allur af
öðru íslensku tónlistarfólki, mætti í
áheyrnarprufur fyrir Rock Star: Su-
pernova en eins og allir vita snýst
þátturinn um að finna rétta söngv-
arann fyrir nýju hljómsveitina Su-
pernova. Sveitin skartar þrem-
ur af helstu rokkgoðum heimsins
en þar er að finna Jason Newsted
sem spilaði áður á bassa í Metall-
ica, trommarann úr Mötley Criie
og villinginn Tommy Lee og fyrr-
verandi gítarleikara Guns N’ Roses,
Gilby Clarke.
f viðtali við DV sagðist Magni
hafa haldið upp á Metallica til fjölda
ára og að hann ætti líklega yfir 110
plötur með sveitinni. í sama við-
tali sagði hann að Jason Newsted
hefði líklega verið fyrsta átrúnað-
argoðið og því væri frábært að fá
að hitta hann. „Þetta eru afspyrnu
vinalegir og skemmtilegir menn.
Alveg lausir við alla stæla. Þetta
eru náttúrulega goðsagnir, hver og
einn þeirra er búinn að selja millj-
ónir platna. Þegar ég talaði við Ja-
son [Newsted] lofaði hann mér
að þetta væri skemmtilegt efni
sem þeir væru að semja. Ég
missti af Mötley Crue en Jason
var fýrsta átrúnaðargoðið mitt.
Ég á einhverjar 110 plötur með
Metallica. Ekki það að ég sé
einhver „stalker". Ég rauk ekk-
ert og knúsaði hann þegar ég
hitti hann," sagði Magni í fyrr-
nefndu viðtali.
Er nú þegar sigurvegari
Leitað var að rétta söngv-
aranum í sjö löndum þar sem
yfir 25 þúsund manns mættu í
prufur. Það má því segja að sú
staðreynd að Magni hafi verið
valinn í 15 manna lokahópinn sé
stór sigur út af fyrir sig. Á meðan á
þættinum stendur býr Magni ásamt
hinum keppendunum í lúxusvillu
þar sem myndavélar elta hann all-
an sólarhringinn.
Þegar DV heyrði í Magna áður
en hann hélt til Los Angelses lá vel
á honum. Aðspurður hvernig fé-
lögum hans úr Á móti sól litist á
að söngvari þeirra væri að leita á
stærri mið sagði Magni þá styðja
hann heilshugar. „Ef ég vinn þetta
hef ég ekki jafn miklar áhyggjur af
mér og hljómsveitinni frekar bara
Á móti sól Hljómsveitina vantaöi söngvara og leist strax vel á
Magna sem gekk til liös við sveitina árið 1999.
mér og geðheilsunni, sagði Magni
léttur í bragði.
Þættirnir eru sýndir beint á Skjá
Einum seint á þriðjudagskvöldum í
beinni útsendingu. Við íslending-
ar verðum að standa við bakið á
okkar manni,
halda okkur
vakandi
og kjósa,
svo
Magni
kom-
ist sem
lengst.
indiana@
dv.is
Rokkari Magni hefur
alltafveriö rokkari. Þeg-
ar honum bauðst
tækifæri til aö spila meö
poppsveitinni A mótisól
slóhann tiloghefur
ekki séð eftirþeirri
ákvöröun.