Freyr - 01.02.1962, Síða 8

52
FRE YR
hrif, sem það gæti haft á íslenzkt æsku-
fólk, ef það, sem allra flest, fengi tæki-
færi til að kynnast hestinum, læra að um-
gangast hann og stunda hestamennsku;
þar mundi það ávinna sér ánægju, hreysti
og lífsgleði, og slíkt mundi skapa mót-
vægi gegn þeirri sjoppulífsómenningu, sem
svo mjög vill lokka til sín æskufólk vorra
daga.
Hesturinn hefur gegnt mikilvægu hlut-
verki með þjóð vorri, og hann á vissulega
einnig eftir að gera það í framtíðinni, en
til þess að svo megi verða þarf að ein-
beita sér að áframhaldandi ræktun hans,
og þjóðfélagið hefur ekki efni á að van-
rækja þá ræktun, enda þótt það, fljótt á
litið, teldi sig geta sparað við það lítil-
fjörlega fjárhæð árlega.
Kiljan kemst svo að orði í skáldsögu
sinni, Paradísarheimt, en þar er sögusviðið
síðari hluti næstliðinnar aldar.
„Góður hestur kann að fæðast á sumum
bæjum einu sinni á mannsaldri, á öðrum
aldrei á þúsund árum.“
Þetta er spaklega mælt ef miðað er við
þær kröfur, sem nú eru gerðar til góðra
hesta. En á síðari hluta þessarar aldar er
ræktun íslenzka hestsins komin á þann
rekspöl, að ef svo heldur fram sem horft
hefur um sinn, munu á næsta manns-
aldri fæðast margir góðir hestar á hverj-
um bæ, þar sem áhugi ríkir um ræktun
þeirra.
Og að lokum þetta. — Ekki vil ég trúa
því, að ráðandi verði innan félagssamtaka
bændanna, hugsunarháttur þeirra manna,
sem meta góða varphænu eða gildvaxið
kálhöfuð meir en íturvaxinn góðhest,
manna, sem ekki viðurkenna önnur verð-
mæti en þau, sem metin verða í krónum
eða látin í askana.
24. jan. 1962.
Bjarni Ólafsson,
Króki.
Því var af stað farið, að mál þetta yrði rætt, og skal
reynt að verja rúmi jafnt til sóknar og varnar.
RITSTJ.
Árferði 1961
Fyrstu 3 daga janúar var norðaustan
rigning með 1—3° hita, en tók þá að frjósa
og létti til. Hinn 8. var hér 15° frost, 27° í
Möðrudal, en 6° hiti í Brattahlíð. Hinn
10. var frostið hér 13°, 20° á Grímsstöð-
um, en 2° hiti í Vestmannaeyjum. Þetta
er samkvæmt veðurfregnum, svo ólíkt er
veðrið oft í þessu litla landi. Hinn 11. var
svo kominn 2° hiti með sallarigningu. Hélzt
þá frostleysa og hægviðri, að telja mátti,
mánuðinn út, hlýjast varð þann 15. eða
7°. Úrkomur voru óvenjulitlar í mánuð-
inum.
Febrúarmánuður reyndist veðragóður og
úrkomur litlar. Fyrstu 12 daga mánaðar-
ins héldust frost, frá 2° og allt í 16°, sem
var annan dag mánaðarins. Síðari hluta
hans, var ekki teljandi frost, hiti oftast
1— 2° og úrkomur litlar.
Fyrstu 10 daga marzmánaðar héldust
hægviðri, með skýjuðum himni og oftast
2— 5° hiti. Mestur varð hann hinn 7. eða
7°. Þá var hitinn 12° á Dalatanga. Hinn
11. kólnaði, héldust stillur með vægu
frosti, mest 8°, til hins 19. að brá til
hægrar sunnanáttar og varð hitinn 8°
þann dag. Hélzt frostleysan í 4 daga, en
kólnaði þá aftur og héldust kuldar með
8—14° frosti mánuðinn út. Hinn 31. var
norðan snjókoma með 7—10° frosti. Hinn
30., á skírdag, var hér 14° frost, en 22°
í Möðrudal.
Fyrsta apríl var hér norðan hríð með
10° frosti. Á páskadag var svipað veður
með 8° frosti. Þá var frostið í Reykjavík
10°, á Þingvöllum 15°, en á Grímsstöðum
16°. Kuldakast þetta hélzt til hins 10.
Hafði þá frostið orðið mest í þessu kasti,
29° í Möðrudal, en 26° í Reykjahlíð. Hinn
11. minnkaði frostið, en gerði þá norðan-
átt með snjókomu og vægu frosti, sem
hélzt í 8 daga. En á sumardag fyrsta, hinn
20., kom blíðviðri með 6° hita og héldust
stillur, með sólbráð, suma daga, til mán-