Freyr - 01.02.1962, Qupperneq 21

FRE YR
65
sogist inn um sponsgatið, þótt það sé
sæmilega þétt.
Tæpast er að vænta þess, að utanaðkom-
andi óhreinindi nái að komast í eldsneytið
þegar geymirinn er fylltur á afgreiðslu-
stöð, sé þess gætt að hreinsa vel í kring-
um áfyllingarstútinn.
Vilji svo óheppilega til, að eldsneytis-
geymir vélarinnar tæmist, þarf, þegar búið
er að fylla á hann aftur, að tæma allt
loft úr olíukerfinu. Þetta er tiltölulega
auðvelt, því að loftskrúfur eru á elds-
neytisdælunni, sem losa má um og dæla
síðan olíunni, þangað til hún streymir
loftbólulaust út, en herða síðan á loft-
skrúfunum aftur. Næst er svo að losa festi-
rær á olíupípunum við eldsneytislokann
og festa aftur þegar olían, við dælingu,
streymir loftbólulaus út, en snúa þarf
vélinni eftir því sem við á, þannig, að hver
dæla sé laus, svo hægt sé að hreyfa hana
á fullri slaglengd.
Síun.
Olíusíurnar þarf að hreinsa öðru hverju
eða endurnýja, enda er til þess ætlazt af
vélaframleiðendum, að slíkt sé gert eftir
ákveðinn vinnustundafjölda. Þetta er ekki
að ófyrirsynju, því komist óhreinindi inn
á eldsneytisdælurnar, veldur það sliti og
skemmdum, og þar af leiðandi óeðlileg-
um viðgerðarkostnaði.
Um tvenns konar síur er helzt að ræða,
bæði pappa- og flókasíur, en pappasíun-
um er hættara við skemmdum af vatns-
mengaðri olíu og þarfnast því örari end-
urnýjunar heldur en flókasíur, en þetta
þyrfti viðkomandi að kynna sér vandlega
og skipta um síur eftir því sem þurfa
þykir.
Sé unnið í miklu ryki, ber nauðsyn til
þess að hreinsa loftsíuna mun oftar en
ella, og jafnvel daglega ef um mikið ryk
er að ræða.
Eldsneytisdælurnar, eða olíuverkið, ætti
að yfirfara og stiila eftir hverjar 2000
vinnustundir, en það ætti aldrei að ger-
ast nema af kunnáttumanni, sem hefur
öll nauðsynleg mælitæki til þeirra hluta.
Til þess m. a. að tryggja örugga gang-
setningu og truflanalausan gang, beztu
eldsneytisnýtingu og mestu vélarorku, er
nauðsynlegt að slípa og stilla eldsneytis-
lokann, eftir hverjar 250 vinnustundir, en
það verður heldur ekki gert nema af kunn-
áttumanni. Þegar tími er kominn til þess
að slípa og stilla eldsneytislokann, þarf
að losa olíuleiðsluna til eldsneytislokans,
en ganga þannig frá henni, að óhreinindi
setjist þar ekki að. Losa síðan eldsneytis-
lokann frá vélinni, en ganga þannig frá
opinu, sem lokinn er í, að óhreinindi eða
annað falli ekki inn í brunaholið. Sama
hátt þarf að hafa á þegar oliuverkið er
tekið frá, til viðgerðar eða eftirlits, að
gæta ýtrustu varúðar í hreinlæti, svo engin
óhreinindi komist að lausum eða opnum
leiðslum.
Geymsla.
Eigi að ganga frá dráttarvélinni til
geymslu yfir veturinn, þarf margs að gæta,
til þess að svo sé í pottinn búið, að drátt-
arvélin verði tiltækileg til notkunar hve-
nær sem þurfa þykir, með litlum fyrirvara.
Sé geymslustaður fyrir dráttarvélina í
skemmu, þarf ekki að sæta lagi með
veður, til þess að búa hana undir geymslu,
annars er nauðsynlegt að verja hana með
vatnsheldri ábreiðu.
Rétt er að loka olíuleiðslunni, t. d. við
síuhúsið, og tæma það. Fylla síðan aftur