Freyr - 01.02.1962, Síða 28

72
FRE YR
Sláttutætarinn
er gott dæmi um hvernig sameina má hagnýtingu
einnar og sömu vélar til margra starfa. Þessi vél er
gerð til að uppskera gras, en menn hafa komizt að
raun um að hún getur fleira, með ágætum árangri.
Með sláttutætara má hreinsa beitilandið (sléttlendi),
fjarlægja kartöflugrösin á akrinum áður en upptöku-
vélarnar gegna sínu hlutverki og með honum er sjálf-
sagt að taka káiið af rófunum úti á akri. Auk þess að
nota hann til þess að slá og saxa gras í vothey, er
engin aðferð betri en notkun hans við núllbeit. Hér er
um að ræða alhliða vél, sem líklegt er að verði notuð
mikið og lengi. (Bondevennen)
Jarðtætari í fjárhúskró.
Haukur Claessen, flugvallarstjóri, átti tal við FREY
nýlega í tilefni af, að bóndi hafði í hans áheyrn
kvartað 3'fir því, að seinlegt og erfitt væri að fjarlægja
taðið úr fjárhúsum, það væri t. d. of þétt til þess
að moksturstæki á draga ynni á því.
„En er ekki rétt að nota jarðtætarann til þess að
tæta upp taðið í krónni og fara svo með moksturs-
tækið inn, þá hlýtur að vera auðvelt að fyila moksturs-
skófluna og aka út?“, spurði Haukur.
Freyr beinir spurningu Hauks hér með til lesenda.
Vitanlega þurfa dyr á hverri kró að vera svo víðar, að
þessi tæki komist inn, og ekki mega vera grindur undir
né steingólf. Séu grindur þá er kjallari, en í kjallara
þyrfti raunar að vera hægt að sækja sauðamykju með
moksturstæki, þá þarf einnig víðar fjárhúsdyr. Er ann-
ars ekki sjálfsagt, að allar fjárhúsadyr séu þá svo víðar,
að um þær verði ekið með draga og viðtengd tæki?
Þessum spurningum sé hérmeð beint til lesenda.
Sauðfé á Grænlandi.
Samkvæmt upplýsingum frá landbúnaðarstofnuninni í
Julianeháb á Grænlandi var þar slátrað 15.300 fjár á
síðasta hausti. Þar eru um 25.000 fjár í vetur. Oflun
vetrarfóðurs á Grænlandi hefur alltaf verið og er enn
mikið vandamál og þessvegna er hættan á fóðurskorti
stöðugt yfirvofandi. Notað er til fóðurs sitthvað að-
gengilegt svo sem sýrður fiskúrgangur og þurrkaður.
I vetur, svo sem stundum fyrr, er allmargt fé haft
í eyjum þar sem ætla má að það geti bjargað sér sjálft
að mestu og helzt að öllu Ieyti. En í harðindum getur
illa farið. I vetur hefur veðrátta verið umhleypingasöm,
til skiptis framan af vetri voru hlákur og hríðarveður.
Nýja Sjáland
hefur í framsýn mikla markaðsmöguleika fyrir mjólk
urvörur í Japan, segja nýjustu tíðindi frá austurheimi.
Um síðastliðin tvö ár hefur útflutningurinn ti' Ja'pans
aukizt um 200% og auðsætt er að framhald verour á
þeirri aukningu, því að iðnvæðing Japana er ört vax-
andi, kaupgeta þeirra að sama skapi og matarvenjur
breytast ört í það horf að nota mjólkurvörur, en í Jap-
an er svo þröngbýlt, að búfjárrækt og mjólkurfram-
leiðsla verður þar naumast eða ekki ráðandi fram yfir
það sem nú er, svo að vörur frá Nýja Sjálandi eiga
greiða leið til neyzlu í Japan. Japanir kaupa nú kasein
í miklum mæii frá ýmsum löndum, m. a. til framleiðslu
vissra iðnaðarvara.
Misskilningur fyrirbyggður.
Frelsisbaráttusamtök í NorðurAfríku skammstafa heiti
sitt með bókstöfunum FLN. í Frakklandi er auðvitað
allt gcrt til að bæla samtök þessi.
I Sviss er dalur einn sem heitir Neuchatel og þar
starfar mjólkursamsala, sem táknar félagsskap sinn með
bókstöfunum FLN (Fédération Latiére Neuchateloise).
Vagnar mjólkursamsölu þessarar hafa verið merktir með
greindum bókstöfum, en til þess að valda ekki gremju
og misskilningi hjá grönnunum (Frökkum) hefur mjólk-
ursamsalan látið mála yfir bókstafina á vögnum sínum.
Prentvilla
er á bls. 27, 11. línu að neðan í dálki t. h. í Frey nr.
2—3. Þar stendur að blásari flutti 55,1 tonn, á auð-
vitað að vera 5,1 tonn.
Freyr-
BÚNAÐARBLAÐ
Útgefendur: Búnaðarfélag ísl. og Stéttarsamband bænda. - Útgáfunefnd: Einar
Ólafsson, Pálmi Einarsson, Steingr. Steinþórsson. - Ritstjóri: Gísli Kristjánsson. -
Ritstjórn, afgreiðsla og innh.: Lækjarg. 14 B, Reykjavík. Pósth. 390. Sími 19200.
Áskriftarverð kr. 100.00 árgangurinn. — Prentsmiðjan Edda h.f.