Freyr - 01.01.1975, Blaðsíða 30

4. HELSTU NIÐURSTÖÐUR
J ARÐRÆKTARTILR AUN A.
a. Tilbúinn áburður kemur að góðu gagni
hér á landi. Menn vita talsvert um hinar
ýmsu tegundir hans, dreifimagn fyrir
gras og garðjurtir, dreifitíma o. fl.
b. Talsverð vitneskja er fengin um tegund-
ir af heilgrösum og belgjurtum, sem
best henta íslenskum staðháttum, og
nokkuð er vitað um ýmis afbrigði þeirra
svo og sáðtíma.
c. Alls hafa verið reynd yfir 70 afbrigði af
kartöflum og aligóð þekking um það,
hver þeirra eru hér best að uppskeru-
magni. Ýmislegt er vitað um aðferðir
við ræktun kartaflna, s. s. spírun, stærð
útsæðis, sáðtíma o. fl.
d. Sams konar vitneskja hafði fengist um
gulrófur, fóðurrófur, kálmeti og fjölda
margar aðrar tegundir af matjurtum.
e. Nokkur reynsla var komin frá tilraunun-
um með korntegundir til þroskunar og
til grænfóðurs, svo og um ræktun blóma,
runna og trjátegunda.
5. FRAMFARAALDA HEFST í
RÆKTUN ARMÁLUM.
Um og upp úr 1920 verða tímamót í ís-
lenskum landbúnaði meiri en nokkru sinni
fyrr og síðar. Margir straumar hrintu þess-
ari ræktunaröldu af stað, og skulu hér
nefndir nokkrir þeirra.
Verkfœrasýning (Búsáhaldasýningin)
var haldinn í Reykjavík 27. júní til 3. júlí
1921. Þar voru sýnd verkfæri innlend og
útlend, alls 1349 talsins. Talið er, að alls
hafi skoðað sýninguna um 5000 manns, þar
á meðal mjög margir bændur. Sum verk-
færi voru sýnd 1 vinnu og tilraunir voru
gerðar með þau undir stjórn kennara við
danska Búnaðarháskólann, Antons Chris-
tensens. Sýndur var skurðgröftur með
skurðasprengiefni í fyrsta sinn hér á landi.
Á tilraunastöðinni ó Korpu hafa sérfrœðingar Rannsókna-
stofnunar landbúnaðarins aðstöðu til tilrauna m. a. til
jurtakynbóta.
Margir sáu þar í fyrsta sinn unnið með
dráttarvélum. Sýningin hafði mjög mikil
áhrif til framfara í verkmenningu í sveit-
um landsins.
22
F R E Y R