Freyr - 15.05.1977, Blaðsíða 31

Bréf f rá bændum
Gróðurkort og
virkjun Blöndu
Svar Ingva Þorsteinssonar
Rannsóknastofnun landbúnaðarins
við bréfi norðlensks bónda
varðandi landsspjöll, sem yrðu
við fyrirhugaða Blönduvirkjun.
Hr. ritstjóri.
í þriðja tölublaði Freys á þessu ári er birt bréf frá
„norðlenskum bónda“ varðandi áætlanir um Blönduvirkj-
un. Bréfin eru reyndar tvö, og er tilgangur síðara bréfsins
sá að leiðrétta rangar staðhæfingar í fyrra bréfinu. Það
er að vísu eins og að berjast við vindmyllur að svara
nafnlausum bréfum. Ég get þó ekki látið hjá líða að gera
það í þessu tilviki, því að í bréfinu er á rangan hátt fjallað
um niðurstöður rannsókna, sem ég sá um framkvæmd á
fyrir hönd Rannsóknastofnunar landbúnaðarins á gróður-
fari og beitarþoli fyrirhugaðs stíflusvæðis á Auðkúluheiði
og Eyvindarstaðaheiði.
í fyrra bréfinu segir: „(þ.e. Ingvi Þorsteinsson) tekur
því sem næst meðaltal beitargildis alls afréttarsvæðisins
og reiknar út frá því. Tekur ekki tillit til þess, að það er
líklega besta beitilandið, sem fer undir lónið, en mikill
hiuti afréttarsvæðisins er lítt eða ekki gróið land, melar,
uppblásið land, móar og hraun (land, sem er kallað
hraun). Hér virðist því um beina blekkingu að ræða, og
má segja, að það sé í stíl við margt annað varðandi þetta
virkjunarmál.11 í seinna bréfinu segir svo: „Þetta er ekki
rétt, heldur er tekið meðaltal gróins lands.“
Hvorug þessara staðhæfinga er rétt, og hefði verið
innan handar fyrir „norðlenskan bónda“ að afla sér réttr-
ar vitneskju um þessi mál, því að blekking er bæði stórt
orð og leiðinlegt. Þessa vitneskju er m.a. hægt að fá í
greinargerðum um virkjun Blöndu, sem lagðar voru fram
á umræðufundum á Blönduósi 29. apríl og 9. júlí 1975 og
í Varmahlíð í Skagafirði 10. júlí sama ár, í bók II. um
„Virkjun Blöndu“ og í umræðu og skrifum í fjölmiðlum
um virkjunaráform við Blöndu.
En staðreyndirnar eru þá þessar: Orkustofnun fékk
Rannsóknastofnun landbúnaðarins til að gera sérstakt
gróðurkort af fyrirhuguðu virkjunarsvæði Blöndu í þeim
tilgangi að ákvarða stærð og beitargildi þess lands, sem
þar færi undir vatn á Auðkúluheiði og Eyvindarstaða-
heiði. Gróður þessara afrétta hafði að vísu verið kort-
lagður árin 1965 og 1966, en beitargildi gróðurs á lón-
F R E Y R
351