Freyr - 01.05.1987, Blaðsíða 36
Út er komið ritið Hrossaræktin,
rit Búnaðarfélags íslands um
starfsemi féiagsins í hrossarækt
1986. Ritstjóri er Kristinn
Hugason.
Ritið er fjölbreytt að efni.
Lengsti kafli þess er Ættbók kyn-
Hrossaræktin 1986
bótahrossa 1986, en það ár voru
ættbókarfærðir 23 stóðhestar og
427 stóðhryssur voru einstakiings-
dæmd kynbótahross.
ítarleg frásögn er um Lands-
mótið á Gaddstaðaflötum 1986,
eftir Þorkel Bjarnason hrossa-
ræktarráðunaut. Kynntur er nýr
verðlaunagripur sem veita skal á
Landsmóti hestamanna fyrir
mesta hæfni í unghryssuflokkum.
Gefandi er Jón Sigurðsson í
Skollagröf og nefnist gripurinn
Hremmsuskjöldurinn.
Birt er skrá um stóðhesta
hrossaræktarsambanda og ein-
staklinga 1. nóvember 1986. Þá er
greint frá breytingum á skýrslu-
haldi í hrossarækt þar sem innleitt
hefur verið nýtt kerfi fæðingar-
númera í stað ættbókarnúmeranna
og er nýja kerfið kynnt. Petta
kerfi opnar Ieiðir til aukinnar
festu í auðkenningu hrossanna
með frostmerkingum. Jafnframt
fylgir kynning á frostamerkingum
og þeim táknum sem þar eru not-
uð, eftir Pétur Hjálmsson, en
hann hefur kynnt sér sérstaklega
þessa merkingaraðferð og lært að
beita henni.
Kristinn Hugason skrifar um
kynbótagildisspá og kynbóta-
einkunnir hrossa fyrir árið 1987 en
hann stundaði á nám í kynbóta-
fræði hrossa í Svíþjóð.
Þá er í ritinu skýrsla um rekstur
Stóðhestastöðvar ríkisins í
Gunnarsholti árið 1986, eftir
Helga Eggertsson forstöðumann
stöðvarinnar og starfsskýrslur
starfsmanna Búnaðarfélags ís-
lands í hrossarækt, þeirra Porkels
Bjarnasonar, Kristins Hugasonar
og Helga Eggertssonar.
Ýmislegt af efni ritsins er ótalið
en það er mikil fróðleiksnáma
öllum áhugamönnum um hrossa-
rækt.
Ritið fæst hjá Búnaðarfélagi ís-
lands og búnaðarsamböndunum
og kostar kr. 600 í áskrift en kr.
800 í lausasölu.
Tilraunir í nautgriparækt.
Ágæti Freyr.
Á síðasta aðalfundi Kúabænda-
féiags Borgarfjarðar norðan
Skarðsheiðar var samþykkt sam-
hljóða ályktun: „Aðalfundur
K.B.n.S. lýsir yfir vonbrigðum
sínum með tilraunastarfsemi í
nautgriparækt undanfarin ár. Tel-
ur fundurinn það ekki vansalaust,
að á sama tíma og þrjú tilrauna-
fjós eru í landinu skuli það mega
heita viðburður ef bændum eru
kynntar nýjar niðurstöður."
Ég held það verði vart hrakið
að full ástæða er til þessarar sam-
þykktar. Efist einhver ætti sá hinn
sami að fletta t. d. þremur síðustu
árgöngum Freys og telja saman
þær tilraunaniðurstöður úr
nautgriparæktinni, sem þar finn-
ast. Er þó Freyr bæði ódýrasta og
áhrifaríkasta leiðin til að ná sam-
bandi við bændur.
En er þó svona lítið gert af
tilraunum? Það er ég alls ekki viss
um. Ég veit að ýmislegt er gert,
vandamálið er að það er ekki
kynnt sem gert er, a. m. k. ekki
fyrir bændum, og ætti það þó ekki
að vera neitt aukaatriði. Tilrauna-
niðurstöður, sem bændur sjá ekki,
koma þeim að litlu gagni. Pá sýn-
ist mér og, að tilraunastarfseminni
veiti ekki af að auglýsa sig til að
réttlæta tilvist sína. Á það ekki síst
við nú þegar bændur og tilrauna-
stöðvarnar keppa um takmarkað-
an búvörumarkað.
Jón Gíslason,
Lundi, Lundarreykjadal.
364 Freyr