Skátablaðið - 01.04.1959, Blaðsíða 24
AÐaLKJNDUR skátafélags
REYKJAVÍKUR
var haldinn 5. og 8. apríl s.l. Fara hér á eftir
nokkrar tilvitnanir í starfsskýrslu stjórnar S.F.R.,
sem lögð var frani á fundinum. Skýrslan sýnir
Ijóslega hvílíkur þróttur er í starfi félagsins.
Félagatal: 336 ylfingar, 622 skátar, og 226
R.S.-skátar og Fjallarekkar, sem skiptast í: 10
deildir, 24 skátasveitir, 9 ylfingasveitir, 6 R.S.-
og Fjallarekkasveitir, 88 skátaflokka, 14 R.S.- og
Fjallarekkaflokka.
Félagsstarf: Haldnir voru 14 foringjaráðsfund-
ir og 2 félagsfundir
Að venju var haldinn varðeldur 22. febrúar í
Skátaheimilinu. í marz var Skátaskemmtunin
haldin þrisvar í Reykjavík og þrisvar utanbæjar.
Hátíðahöldin 1. sumardag voru þau fjölmenn-
ustu, sem haldin hafa verið. Skipta varð með-
limunum í tvo hópa og fóru ylfingar í Fríkirkj-
una, en skátar í Dómkirkjuna. Félagið tók að
venju þátt í hátíðahöldunum 17. júní með fána-
sveit sinni.
Fjallrekkamót S.F.R. var haldið í júní, og virt-
ist þátttaka ætla að verða góð, en er mótsdagur-
inn nálgaðist, kornu fram talsverð vanhöld,
þannig að 30 sóttu mótið. Arangur af mótinu
var ágætur. í ágúst fór fram félagsmót í Þjórsár-
dal. Á mótið komu auk meðlima félagsins 10
þýzkir, 23 enskir og 14 bandarískir skátar, sem
voru hér á vegum félagsins. Góður árangur náð-
ist á mótinu. Meðlimir félagsins tóku þátt í
hinu árlega haustmóti Héraðssambands Árnes-
sýslu. Þá var meðlimum félagsins boðið í heim-
sókn til bandarískra skáta á Keflavíkurflugvelli.
Ýmsir félagsmeðlimir ferðuðust og dvöldust er-
lendis og heimsóttu erlend skátafélög bæði vest-
an hafs og austan. Farin var ein ylfingaferð á
vegum félagsins.
Svo mikil þátttaka var í skálaferðum félagsins
allt árið, að fá varð að láni skála Hafnarfjarðar-
skátanna, þrátt fyrir að einni deildinni hafi
hlotnazt föst afnot að skála í Henglafjöllum,
sem kallaður er K-16. Vetrarstarfið hófst í októ-
ber með innritun. Félagið stóð fyrir Skátakaffi
2. nóvember í Skátaheimilinu. Hlutavelta var
haldin á vegum félagsins. Væringjar héldu upp
á 30 ára afmæli sitt og voru þá 24 Væringjar
sæmdir sæmdir sérstöku heiðursmerki S.F.R.,
sem gert var í tilefni af afmælinu.
Unnið var við undirbúning sýningar Æsku-
lýðsráðs Reykjavíkur „Með eigin hönd“ og önn-
uðust meðlimir félagsins uppsetningu tveggja
tómstundaherbergja á sýningunni, og voru þau
félaginu til mikils sóma. Jólahappdrætti fór fram
í desember. Safnað var fyrir Vetrarhjálpina að
venju. Merki voru seld til ágóða fyrir B.Í.S.
Námskeið í hjálp í viðlögúm var haldið á veg-
um félagsins. Hjálparsveit skáta starfaði eins og
undanfarin ár. Á árinu voru gerðar teikningar af
Skátaheimili Vesturbæjar og áætlanir um bygg-
ingarframkvæmdir.
Tekin voru í notkun ný deildarmerki sam-
kvæmt hverfaskiptingu félagsins og var sala á
þeim hafin í nóvember, en samt sjást ennþá
nokkrir meðlimir án þeirra. Á árinu voru eftir-
taldir meðlimir félagsins sæmdir heiðursmerkj-
um og viðurkenningum: Franch Michelson —
Þórshamar, Jóhann Sveinsson — 15 ára lilju,
Ágúst Þorsteinsson — 5 ára lilju, Magnús Steph-
ensen — 5 ára lilju og Sævar Kristbjörnsson — 5
ára lilju. Fálkaflokkurinn í Landnemadeild
hlaut útilegubikar S.F.R.
Þrír meðlimir félagsins létust á árinu, þeir
Dr. Helgi Tómasson, skátahöfðingi, Októ Þor-
grímsson, gjaldkeri og Guðmundur Magnússon,
skálavörður. Félagið aðstoðaði við útför þeirra.
Stjórn S.F.R. skipa nú: Hörður Jóhannesson
félagsforingi, Guðmundur Ástráðsson aðst.félags-
42
S KATABLAÐIÐ