Skátablaðið - 01.04.1959, Blaðsíða 26

Skátaráðsfundur verður haldinn í skátaheim-
ilinu í Reykjavík dagana 20.—21. júní n. k.
B.Í.S. mun eiga 35 ára afmæli um þessar mund-
ir eða 6. júní og nrun þess nánar minnzt í
næsta blaði. Afmælishóf verður lialdið að kvöldi
sunnudagsins 21. júní eftir skátaráðsfundinn.
Fréttir frá skátastarfinu á Siglufirði.
Það er kominn tími til þess, að ég láti ykkur
heyra af starfi okkar hér, þó það sé ekki mik-
ið og fjölbreytt, þar sem allt er á byrjunarstigi
ennþá. En starfið hefur gengið að óskum og
mikill áhugi ríkjandi ennþá og vonandi að
það haldist.
Stúlkurnar, sem teknar voru í félagið í haust
s. 1. þegar félagið var endurvakið, tóku nýliða
próf 7. og 8. febrúar. 22. febrúar var minnzt
með skátamessu og þar unnu stúlkurnar og
drengirnir heitið. Kirkjan var næstum fullset-
in og fór athöfnin mjög hátíðlega fram. Skát-
arnir gengu fylgtu liði undir fána til og frá
kirkju.
Strax eftir að stúlkurnar luku nýliðaprófi,
var farið að læra undir 2. fl. próf, og eru flokks-
æfingar einu sinni í viku hjá öllum flokkum,
en á sunnudögum eru foringjafundir. Sveita-
fundir eru hálfsmánaðarlega og svo verður
sameiginlegur fundur hjá báðum félögunum í
næstu viku, og verður hann lialdinn á kirkju-
loftinu, þar sem við höfum haldið sveitafund-
ina, en flokksæfingar hafa verið haldnar ýmist
í húsnæði félaganna við Gránugötu eða heima
hjá flokksforingjum.
í byrjun marz, héldum við kökubazar, en
það er algjör nýjung hér, svo við vorum voða
spenntar að vita, hvernig gengi og jafnframt
hræddar um að enginn myndi koma og kaupa,
en ætluðum þá bara að selja fyrir „slikk“ þeirn
sem vildu. En það kom nú ekki til þess, því að
á fimm mínútum vorum við búnar að selja
allt og horfðum bara á auð borðin. Þetta gekk
allt svo vel, að við ætlurn að hafa kökubazar
fljótlega aftur. Ágóðinn rennur í ferðasjóð fyr-
ir skátamótið í Vaglaskógi í sumar.
Það er mikill áhugi fyrir mótinu, en ég veit
ekki ennþá endanlega hve margar við verð-
um, sem förum.
Með skátakveðju.
Steinunn Rögnvaldsdóttir,
félagsforingi.
—„i,—„„—„■—1,„—„II—„„—„„—„„—„„—,i„—„„—„■—„„—„„—„„—„„—„I—iii.—„I—„„—„„—„„—1«—i."—„■—
G. J. FOSSBERG, vélaverzlun h.f.
Vesturgötu 3 - Reykjavik
Alls honar verlcíæri og tælci til fárn- o£ véJsmíði
44
SKATABLÁÐIÐ