Litli Bergþór - 01.12.1989, Blaðsíða 4

Ritstjórnarspjall
- Sveitarstjórnarkosningar.
Þegar ártalið er deilanlegt með 2 en 4 ganga ekki upp íþvíeru hreppsnefndarkosningar. Svo
er um 1990 og er því kjörtímabili núverandi sveitarstjórnar lokið á næsta vori. Sjálfsagt er
óþarft að minna á þetta, en hins vegar getur verið tímabært að af stað fari almenn umræða
um undirbúning kosninganna. Vafalítið eru margir farnir að ræða málin, en lýðræðið
byggist á að sem flestir atkvæðisbærir menn taki þátt í því.
Við síðustu sveitarstjórnarkosningar var tekinn hér upp nýr háttur. Þá var í fyrsta skipti
kosið með listakosningu. Frumkvæðið að því hafði hópur sem vildi meiri endurnýjun í
hreppsnefnd en verið hafði. Það tókst, því fjórir af sjö höfðu ekki átt þar sæti áður. Lög um
sveitarstjórnir sem tóku gildi skömmu fyrir síðustu kosningar gera enda ráð fyrir því sem
meginreglu að listakosning sé viðhöfð.
Nú er eðlilegt að metið sé hvort þessi aðferð hafi gefist vel. Um það verður fólk víst aldrei
sammála,endaenginnalgildurmælikvarði tiláþað. Iljósireynslunnarísíðustukosningum
er þó eðlilegt að álykta að endumýjun verði örari ef kosið er með listum. En svo getur verið
álitamál hvort það sé æskilegt eða ekki. Einn af kostum listakosninga töldu ýmsir vera að
þá hefðu þeir er kjöri næðu betri aðstöðu til að hafa samráð við aðra. Myndu þeir halda fundi
með þeim sem neðar væru á listunum og móta afstöðu sína að einhverju leyti eftir niðurstöðu
slíkra funda. Mér býður í grun að þetta hafi að miklu leyti farist fyrir.
Vangaveltur um hvort fleiri eða færri aðhyllast hvorn háttinn á kosningum eru þó út í hött
þar sem tiltölulega lítill hópur getur fengið því ráðið að listakosningar verði. En óbundin
kosning verður þó ef enginn slíkur hópur verður til staðar.
Þegar líður að kosningum er jafnan farið að velta því fyrir sér hvort þeir sem síðast vom
kjörnir gefi kost á sér aftur. Meginreglan er jú sú að þeir sem fyrir eru verða endurkjörnir.
Lengi vel var það líka næstum því viðtekin venja að í stað þeirra sem ekki gáfu kost á sér
áfram væru kosnir synir fyrrverandi hreppsnefndarmanna. Frá þessari reglu hafa að
sjálfsögðu alltaf verið undantekningar en stundum svo fáar að þær voru næstum til að sanna
regluna. Líklega er hún alveg úr gildi fallin nú. Margir telja þörf á að jafna hlut kynjanna
í sveitarstjórn og velja því frekar konur en karla og aðrir telja hlut þeirra sem flutt hafa í
sveitina á fullorðinsárum of lítinn í sveitarstjórnarmálum.
Núna verður spurningin væntanlega hvort þeir hópar sem stóðu að framboði í síðustu
kosningum ætli að gera það aftur. Þeirri spurningu verður ekki svarað hér og lfklega ekki
í þessu blaði. Eftir áramót kemur út nýtt tölublað og ef til vill annað til fyrir kosningar næsta
vor. Þau munu birta framboð sem kunngerð verða og stefnuskrár listanna eins og fyrir
síðustu kosningar. Þá er L-B alltaf opinn fyrir málefnalegum greinum bæði um
sveitarstjórnarmál og annað sem fólki liggur á hjarta.
A.K.
Litli - Bergþór 4